ദേശീയ കായിക ദിനം; ചൊവ്വാഴ്ച ഖത്തറിൽ പൊതു അവധി

ദോഹ: ദേശീയ കായിക ദിനാഘോഷത്തിന്റെ ഭാഗമായി ഫെബ്രുവരി ഒമ്പത് ചൊവ്വാഴ്ച ഖത്തറിൽ പൊതു അവധി. അമിരി ദിവാനാണ് അവധി പ്രഖ്യാപിച്ചത്. എല്ലാ വർഷവും ഫെബ്രുവരിയിലെ രണ്ടാം ചൊവ്വാഴ്ചയാണ് ഖത്തർ ദേശീയ കായിക ദിനമായി ആഘോഷിക്കുന്നത്. ‘​ഒരിക്കലും വൈകരുത്’ എന്ന ശീർഷകത്തിലാണ് ഇത്തവണ രാജ്യം കായിക ദിനം ആഘോഷിക്കുന്നത്.

സർക്കാർ, അർധസർക്കാർ, സ്വകാര്യ സ്ഥാപനങ്ങളും മന്ത്രാലയങ്ങളും സ്കൂളുകളും ഉൾപ്പെടെ രാജ്യത്തെ മുഴുവൻ ജനങ്ങളും പങ്കാളികളാകുന്നതാണ് ഖത്തറിന്റെ കായിക ദിനം.