ഒ​മാ​ൻ ഇ​ന്റ​ർ​നാ​ഷ​ന​ൽ റാ​ലി​യി​ൽ നാ​സ​ർ അ​ൽ അ​തി​യ്യ​ക്ക് കി​രീ​ടം

ദോ​ഹ: ഒ​മാ​ൻ ഇ​ന്റ​ർ​നാ​ഷ​ന​ൽ 29ാമ​ത് റാ​ലി​യി​ൽ ഖ​ത്ത​റി​ന്റെ നാ​സ​ർ അ​ൽ അ​തി​യ്യ​ക്ക് കി​രീ​ടം. വ​ട​ക്ക​ൻ ബാ​ത്തി​ന ഗ​വ​ർ​ണ​റേ​റ്റി​ലെ സു​ഹാ​റി​ൽ ശ​നി​യാ​ഴ്ച​യാ​യി​രു​ന്നു റാ​ലി സ​മാ​പി​ച്ച​ത്. 2026 ലെ ​എ​ഫ്.​ഐ.​എ മി​ഡ​ക്‍ലു​സ്റ്റ് റാ​ലി ചാ​മ്പ്യ​ൻ​ഷി​പ്പി​ന്റെ ഉ​ദ്ഘാ​ട​ന റൗ​ണ്ടാ​യി ഒ​മാ​ൻ ഓ​ട്ടോ​മൊ​ബൈ​ൽ അ​സോ​സി​യേ​ഷ​നാ​ണ് മ​ത്സ​രം സം​ഘ​ടി​പ്പി​ച്ച​ത്. സ്പാ​നി​ഷ് നാ​വി​ഗേ​റ്റ​ർ കാ​ൻ​ഡി​ഡോ ക​രീ​റ​ക്കൊ​പ്പം ഗ്രാ​വ​ൽ ഘ​ട്ട​ങ്ങ​ളി​ൽ ആ​ധി​പ​ത്യം പു​ല​ർ​ത്തി​യ നാ​സ​ർ അ​ൽ അ​തി​യ്യ 13ൽ 10 ​സ്റ്റേ​ജു​ക​ളി​ലും ജ​യം നേ​ടി.

ഇ​തോ​ടെ മി​ഡി​ലീ​സ്റ്റ് റാ​ലി ചാ​മ്പ്യ​ൻ​ഷി​പ്പി​ൽ ക​രി​യ​റി​ലെ 92ാമ​ത്തെ വി​ജ​യം രേ​ഖ​പ്പെ​ടു​ത്തി​യ താ​രം, ഒ​മാ​ൻ മ​ണ്ണി​ൽ ഒ​മ്പ​താം കി​രീ​ടം എ​ന്ന പു​തി​യ റെ​ക്കോ​ഡും സ്ഥാ​പി​ച്ചു. സൗ​ദി​യി​ലെ പ്ര​ശ​സ്ത​മാ​യ ഡാ​ക്ക​ർ റാ​ലി​യി​ൽ ആ​റാം കി​രീ​ടം നേ​ടി ഒ​രാ​ഴ്ച​ക്കു​ള്ളി​ലാ​ണ് നാ​സ​ർ അ​ൽ അ​തി​യ്യ​യു​ടെ ഈ ​നേ​ട്ടം.

മൂ​ന്നു​ദി​വ​സം നീ​ണ്ട മ​ത്സ​ര​ത്തി​ൽ, ഓ​ട്ടോ ടെ​ക് ടീം ​നി​യ​ന്ത്രി​ക്കു​ന്ന സ്കോ​ഡ ഫാ​ബി​യ ആ​ർ.​എ​സ് കാ​റി​ലാ​ണ് നാ​സ​ർ അ​ൽ അ​തി​യ്യ മ​ത്സ​രി​ച്ച​ത്. മൂ​ന്ന് ചെ​റി​യ ട​യ​ർ പ​ഞ്ച​റു​ക​ൾ നേ​രി​ട്ടി​ട്ടും വെ​ല്ലു​വി​ളി നി​റ​ഞ്ഞ ഗ്രാ​വ​ൽ സ്റ്റേ​ജു​ക​ൾ മ​റി​ക​ട​ന്ന് ര​ണ്ടു മി​നി​റ്റും 8.8 സെ​ക്ക​ൻ​ഡും ലീ​ഡോ​ടെ​യാ​ണ് അ​ദ്ദേ​ഹം വി​ജ​യ​മു​റ​പ്പി​ച്ച​ത്. ഒ​മാ​നി താ​രം അ​ബ്ദു​ല്ല അ​ൽ റ​വാ​ഹി, നാ​വി​ഗേ​റ്റ​റാ​യ ജോ​ർ​ഡാ​നി​യ​ൻ താ​രം അ​ത്താ അ​ൽ ഹ​മൂ​ദി​നൊ​പ്പം ഓ​വ​റോ​ൾ വി​ഭാ​ഗ​ത്തി​ൽ ര​ണ്ടാം​സ്ഥാ​നം നേ​ടി.

മി​ഡി​ലീ​സ്റ്റ് റാ​ലി ചാ​മ്പ്യ​ൻ​ഷി​പ്പി​ന്റെ അ​ടു​ത്ത റൗ​ണ്ടാ​യ ഖ​ത്ത​ർ ഇ​ന്റ​ർ​നാ​ഷ​ന​ൽ റാ​ലി ഫെ​ബ്രു​വ​രി നാ​ലു മു​ത​ൽ ഏ​ഴു വ​രെ ന​ട​ക്കും.