ലഹരിവസ്തുക്കൾ പിടികൂടി

ദോഹ: ബാഗിനുള്ളിൽ ഒളിപ്പിച്ച് രാജ്യത്തേക്ക് കടത്താൻ ശ്രമിച്ച ലഹരിവസ്തുക്കൾ പിടികൂടി. ഹമദ് രാജ്യാന്തര വിമാനത്താവളത്തിലെത്തിയ യാത്രക്കാരനിൽനിന്നാണ് മെത്താംഫെറ്റാമൈൻ എന്ന മയക്കുമരുന്ന് പിടികൂടിയത്. മൂന്ന് കിലോ തൂക്കം വരുമെന്ന് അധികൃതർ അറിയിച്ചു.

യാത്രക്കാരന്റെ ബാഗിന്റെ അടിയിൽ ഒളിപ്പിച്ച നിലയിലാണ് ഇവ കണ്ടെടുത്തത്. കഴിഞ്ഞയാഴ്ച, സോസ് ക്യാനുകൾ അടങ്ങിയ ഭക്ഷണ ചരക്കിനുള്ളിൽ നിന്ന് ലിറിക്ക ഗുളികകളും പിടിച്ചെടുത്തിരുന്നു.