എ​െൻറ പെരുന്നാൾ

ദോഹ: നാടും വീടും വിട്ട്​, പരിചിതമല്ലാത്ത കാലാവസ്​ഥയിലേക്ക്​ ജോലി​തേടിയെത്തി മരുഭൂമിയെ പൂന്തോട്ടമാക്കി മാറ്റുന്നവരാണ്​ പ്രവാസികൾ. പെരുന്നാളും ഉത്സവവും ആഘോഷങ്ങളും തുടങ്ങി എല്ലാറ്റിനും പ്രവാസമണ്ണിൽ പുതുമയുണ്ടാവും. അതിരാവിലെ പെരുന്നാൾ നമസ്​കാരവും ശേഷം ഉറക്കവും പിന്നെയൊരു ബിരിയാണിയും എന്നാണ്​ ബാച്ചിലർ റൂമുകളുടെ പതിവ്​.

എന്നാൽ, അവധി ആഘോഷിക്കാനായി ഇറങ്ങുന്നവരും കുറവല്ല. കോവിഡ്​ കാലത്ത്​ വിനോദസഞ്ചാരങ്ങൾക്കും കൂട്ടായ്​മകൾക്കും പാർട്ടികൾക്കും പരിമിതികളുണ്ട്​.

ഇവിടെ, പെരുന്നാളും ഓണവും ക്രിസ്​മസും വന്നാലും തിരക്കൊഴിയാത്ത ചിലരുണ്ട്​. അവർക്ക്​, മറ്റു ദിനങ്ങൾ പോലെ തന്നെയാണ്​ പെരുന്നാളും. ചിലപ്പോൾ ആ ദിവസം ​േജാലിയിൽ പതിവിലേറെ തിരക്ക്​ കൂടിയേക്കും. അവർക്ക്​, രണ്ടു വർഷത്തെ അവധിയില്ലാത്ത ജോലിക്കൊടുവിൽ നാട്ടിലേക്ക്​ അവധിക്കുള്ള മടക്കയാത്രയാണ്​ പെരുന്നാളും ഓണവും ഉത്സവവുമെല്ലാം. അങ്ങനെ ചിലരുടെ പെരുന്നാൾ കഥയാണ്​ 'ഗൾഫ്​ മാധ്യമം' പങ്കുവെക്കുന്നത്​. ഇവർ വലിയൊരു സമൂഹത്തി​െൻറ പ്രതിനിധികൾ മാത്രമാണ്​.

പെരുന്നാളും ആഘോഷവുമെല്ലാം പേരിൽ മാത്രം ഒതുങ്ങുന്ന വലിയ സമൂഹമാണ്​ ​പ്രവാസത്തിലെ സവിശേഷത. ടാക്​സി ഡ്രൈവർമാർ, ഹോട്ടൽ ജീവനക്കാർ, കഫ​റ്റീരിയ, സൂപ്പർമാർക്കറ്റ്​, മാൾ ജീവനക്കാർ, അവശ്യ സർവിസുകളിൽ ജോലി ചെയ്യുന്നവർ തുടങ്ങി വലിയൊരു സമൂഹം ആഘോഷത്തിനിടയിലും തിരക്കിലാണ്​.