ഹൃദയാഘാതം: മൂവാറ്റുപുഴ സ്വദേശി ഖത്തറിൽ നിര്യാതനായി

ദോഹ: ഹൃദയാഘാതം മൂലം മൂവാറ്റുപുഴ സ്വദേശി ഖത്തറിൽ നിര്യാതനായി. മൂവാറ്റുപുഴ സ്രാമ്പിക്കൽ വീട്ടിൽ മാക്കാർ–സൈനബ ദമ്പതികളുടെ മകൻ അൻഫൽ മാക്കാർ (36) ആണ് മരിച്ചത്. ഭാര്യ ഫേബിൻഷാ. മക്കൾ: ഹയാ അൻഫൽ, ഹയാൻ അൻഫൻ.

സഹോദരങ്ങൾ: ഹർസൽ മാക്കാർ, റൈസൽ മാക്കാർ. കെ.എം.സി.സി മയ്യിത്ത് പരിപാലന കമ്മിറ്റിയുടെ നേതൃത്വത്തിൽ മൃതദേഹം ചൊവ്വാഴ്ച രാത്രി ഖത്തർ എയർവേയസ് വിമാനത്തിൽ നാട്ടിലേക്ക് കൊണ്ടുപോയി. ഹമദ് ആശുപത്രി മോർച്ചറി പരിസരത്ത് മയ്യിത്ത് നമസ്കാരവും നടന്നു.