വി​നോ​ദ​ങ്ങ​ളു​ടെ ലോ​ക​മാ​കാ​ൻ മു​ശൈ​രി​ബ്

ദോ​ഹ: ആ​ഘോ​ഷ​ങ്ങ​ൾ​ക്കും വി​നോ​ദ​ങ്ങ​ൾ​ക്കും പു​തി​യ നി​ർ​വ​ച​ന​വു​മാ​യി ഖ​ത്ത​റി​ലെ പ്ര​ധാ​ന ​സ​ന്ദ​ർ​ശ​ക കേ​ന്ദ്ര​മാ​യ മു​ശൈ​രി​ബ് ഡൗ​ൺ​ടൗ​ൺ മാ​റു​ന്നു.

അ​ന്താ​രാ​ഷ്ട്ര പ്ര​ശ​സ്ത​മാ​യ എ​ന്റ​ർ​ടെ​യ്ൻ​മെ​ന്റ് ബ്രാ​ൻ​ഡു​ക​ളാ​യ ​ഗ്രൗ​ണ്ട് ക​ൺ​ട്രോ​ൾ, ഹാ​സ്ബ്രോ എ​ന്നി​വ​യു​മാ​യി സ​ഹ​ക​രി​ച്ചാ​ണ് കു​ടും​ബ​ങ്ങ​ൾ​ക്ക് ആ​ഘോ​ഷ​ക​ര​മാ​ക്കാ​ൻ ഒ​രു​പി​ടി വി​നോ​ദ​ങ്ങ​ൾ മു​ശൈ​രി​ബി​ലെ​ത്തു​ന്ന​ത്. ഇ​രു ബ്രാ​ൻ​ഡു​ക​ളു​ടെ​യും ലൈ​സ​ൻ​സി​ന് കീ​ഴി​ലു​ള്ള മൂ​ന്ന് ത​ക​ർ​പ്പ​ൻ വി​നോ​ദ പ​രി​പാ​ടി​ക​ൾ മു​ശൈ​രി​ബ് ഗ​ലേ​റി​യ​യി​ൽ ത​യാ​റാ​കും. ഈ ​വ​ർ​ഷം അ​വ​സാ​ന​ത്തോ​ടെ തു​റ​ന്നു​ന​ൽ​കു​ന്ന വി​നോ​ദ​കേ​ന്ദ്രം സം​ബ​ന്ധി​ച്ച് ക​രാ​റി​ൽ ഒ​പ്പു​വെ​ച്ചു.

ഗ്രൗ​ണ്ട് ക​ൺ​ട്രോ​ൾ, എ​ൻ.​ഇ.​ആ​ർ.​എ​ഫ് ആ​ക്ഷ​ൻ എ​ക്‌​സ്പീ​രി​യ​ൻ​സ്, പ്ലേ-​ഡോ​ഹ് ഫ​ൺ ഫാ​ക്ട​റി എ​ന്നി​വ​യി​ലൂ​ടെ മു​ശൈ​രി​ബ് ഡൗ​ൺ​ടൗ​ൺ ദോ​ഹ​യി​ലേ​ക്കു​ള്ള സ​ന്ദ​ർ​ശ​ക​ർ​ക്ക് മി​ക​ച്ച വി​നോ​ദ അ​നു​ഭ​വ​ങ്ങ​ളു​ടെ പു​തി​യ കു​ടും​ബ ഇ​ട​മാ​ണ് സൃ​ഷ്ടി​ക്കു​ന്ന​തെ​ന്ന് മു​ശൈ​രി​ബ് പ്രോ​പ്പ​ർ​ട്ടീ​സ് സി.​ഇ.​ഒ അ​ലി മു​ഹ​മ്മ​ദ് അ​ൽ​കു​വാ​രി പ​റ​ഞ്ഞു. ക്ലാ​സി​ക് ഗെ​യി​മു​ക​ളും ഏ​റ്റ​വും പു​തി​യ സാ​ങ്കേ​തി​ക​വി​ദ്യ​ക​ളും സം​യോ​ജി​പ്പി​ച്ച് കൊ​ണ്ടു​ള്ള ഗ്രൗ​ണ്ട് ക​ൺ​ട്രോ​ൾ വി​നോ​ദ​കേ​ന്ദ്രം ഒ​രു​ങ്ങു​ന്ന​ത് മു​ശൈ​രി​ബ് ഗ​ലേ​റി​യ​യി​ലെ 2300 ച​തു​ര​ശ്ര മീ​റ്റ​ർ വി​സ്തൃ​തി​യി​ലാ​ണ്.

നൂ​ത​ന ആ​ർ​ക്കേ​ഡ് ഗെ​യി​മു​ക​ൾ, ഹൈ-​സ്പീ​ഡ് റേ​സി​ങ് സി​മു​ലേ​റ്റ​റു​ക​ൾ, ആ​ധു​നി​ക ടേ​ബി​ൾ ഗെ​യി​മു​ക​ൾ, അ​ഡ്വാ​ൻ​സ്ഡ് ബി​ല്യാ​ർ​ഡു​ക​ൾ എ​ന്നി​വ​ക്കൊ​പ്പം പു​ത്ത​ൻ ഡി​ജി​റ്റ​ൽ സാ​ങ്കേ​തി​ക​വി​ദ്യ​യി​ൽ പ​ത്ത് ലൈ​നു​ക​ളു​ള്ള ബൗ​ളി​ങ് വേ​ദി​യും ഇ​വി​ടെ സ​ജ്ജ​മാ​കും.

ജെ​റ്റ് പോ​ങ്, ഡി​ജി​റ്റ​ൽ ഡാ​ർ​ട്ടി​ങ് പോ​ലെ പു​തി​യ ഗെ​യി​മു​ക​ൾ​ക്കൊ​പ്പം എ​യ​ർ ഹോ​ക്കി, ടേ​ബി​ൾ ഫു​ട്‌​ബാ​ൾ തു​ട​ങ്ങി​യ​വ​യും സ​ന്ദ​ർ​ശ​ക​ർ​ക്ക് ആ​സ്വ​ദി​ക്കാം.

കു​ടും​ബ ആ​ഘോ​ഷ​ങ്ങ​ൾ, ഒ​ത്തു​ചേ​ര​ലു​ക​ൾ, കോ​ർ​പ​റേ​റ്റ് ഇ​വ​ന്റു​ക​ൾ എ​ന്നി​വ​ക്ക് അ​നു​യോ​ജ്യ​മാ​യ പ്ര​ത്യേ​ക സ്ഥ​ല​വും ഇ​വി​ടെ സ​ജ്ജ​മാ​ക്കും.

സാ​ഹ​സി​ക പ്രേ​മി​ക​ളാ​യ കു​ട്ടി​ക​ൾ​ക്കും യു​വാ​ക്ക​ൾ​ക്കും വി​നോ​ദ​വും, ആ​വേ​ശ​വും ത്രി​ല്ലും സ​മ്മാ​നി​ക്കു​ന്ന ഫൈ​റ്റി​ങ് എ​ക്സ്പീ​രി​യ​ൻ​സു​ക​ളു​മാ​യാ​ണ് എ​ൻ.​ഇ.​ആ​ർ.​എ​ഫ് ആ​ക്ഷ​ൻ സം​വി​ധാ​നി​ക്കു​ന്ന​ത്.