എട്ടാമത്​ ഖത്തർ മോ​േട്ടാർ ഷോക്ക്​ തുടക്കം

ദോഹ: എട്ടാമത്​ ഖത്തർ മോ​േട്ടാർഷോക്ക്​ ദോഹ എക്​സിബിഷൻ ആൻറ്​ കൺവെൻഷൻ സ​െൻററിൽ പ്രൗഢോജ്വല തുടക്കം.
പ്രധാനമന്ത്രിയും ആഭ്യന്തര മന്ത്രിയുമായ ശൈഖ്​ അബ്​ദുല്ല ബിൻ നാസർ ബിൻ ഖലീഫ ആൽഥാനിയുടെ രക്ഷാകർതൃത്വത്തിൽ ഖത്തർ ടൂറിസം അതോറിറ്റി ഫിറ ഖത്തറുമായി സഹകരിച്ച്​ സംഘടിപ്പിക്കുന്ന മോ​േട്ടാർ ഷോ ഗതാഗത^ വാർത്തവിനിമയ മന്ത്രി ജാസിം ബിൻ സൈഫ്​ അൽ സുലൈത്തിയാണ്​ ഉദ്​ഘാടനം ചെയ്​തത്​.
സുസ്ഥിരവും മലിനീകരണം ഉണ്ടാക്കാത്തതുമായ ഉൗർജത്തിനോടുള്ള പ്രതിബദ്ധതയുടെ ഭാഗമായി വൈദ്യുതി കാറുകൾ അടക്കം പുതിയ കണ്ടുപിടിത്തങ്ങൾ പ്രോത്സാഹിപ്പിക്കുമെന്ന്​ അദ്ദേഹം പറഞ്ഞു.
ജനങ്ങൾക്കും വാഹനപ്രേമികൾക്കും പ്രദർശകർക്കും മികച്ച അവസരങ്ങളാണ്​ ഒരുക്കിയിരിക്കുന്നതെന്ന്​ ഖത്തർ ടൂറിസം അതോറിറ്റി എക്​സിബിഷൻസ്​ ഡയറക്​ടർ അഹമ്മദ്​ അൽ ഉബൈദ്​ലി പറഞ്ഞു.
എട്ടാമത്​ ഖത്തർ മോ​േട്ടാർ ഷോയുടെ ആദ്യ ദിനത്തിൽ 14 വാഹനങ്ങളാണ്​ പുതുതായി അവതരിപ്പിച്ചത്​. ഇൗ വാഹനങ്ങളിൽ ചിലത്​ അറബ്​ മേഖലയിലും മറ്റ്​ ചിലത്​ ഖത്തറിലും ആദ്യമായാണ്​ പുറത്തിറക്കുന്നത്​. അറബ്​ മേഖലയിൽ ആദ്യമായി ബി.എം.ഡബ്ലിയു. എക്​സ്​ 5 2019 അൽഫർദാൻ ഗ്രൂപ്പ്​ പുറത്തിറക്കി.
നാസർ ബിൻ ഖാലിദ്​ ഗ്രൂപ്പ്​ മെഴ്​സിഡസ്​ സിഎൽഎസ്​ 53 എ.എം.ജിയും ജി.എൽ.ഇ 450ഉം അറബ്​ മേഖലയിൽ ആദ്യമായി ഖത്തറിൽ അവതരിപ്പിച്ചു.
അബ്​ദുല്ല അബ്​ദുൽഗനി ഗ്രൂപ്പ്​ ടൊ​േയാട്ട അവലോൺ ഖത്തറിൽ ആദ്യമായി പുറത്തിറക്കിയപ്പോൾ സ്​കൈലൈൻ ഒാ​േട്ടാമോട്ടീവ്​ വൈദ്യുതി ലക്ഷ്വറി എസ്​.യു.വി വാഹനമായ ജി.വി 80 വാഹനപ്രേമികൾക്ക്​ മുന്നിൽ അവതരിപ്പിച്ചു.
ഷെവർലെ കോർവെറ്റ്​ സെഡ്​ ആർ 1 ആദ്യമായി ഖത്തറിൽ പുറത്തിറക്കിയാണ്​ ജൈദ മോ​േട്ടാർസ്​ മോ​േട്ടാർ ഷോയെ ആകർഷകമാക്കിയത്​.
ക്ലാസിക്​, സ്​പോർട്​സ്​, മിഡ്​റേഞ്ച്​, ലക്ഷ്വറി വിഭാഗങ്ങളിലായി 165 ​േമാഡലുകളാണ്​ ഷോയിലുള്ളത്​.