കോ​വി​ഡ്​ രോ​ഗി​ക​ൾ​ക്കാ​യി കൂ​ടു​ത​ൽ ചി​കി​ത്സ സൗ​ക​ര്യ​ങ്ങ​ൾ

ദോ​ഹ: രോ​ഗി​ക​ൾ കൂ​ടി​വ​രു​ന്ന സാ​ഹ​ച​ര്യ​ത്തി​ൽ കോ​വി​ഡ്​ ചി​കി​ത്സ​ക്കാ​യി രാ​ജ്യ​ത്ത്​ കൂ​ടു​ത​ൽ സൗ​ക​ര്യ​ങ്ങ​ളൊ​രു​ക്കു​ന്നു. ഇ​തി​െൻറ ഭാ​ഗ​മാ​യി ഹ​സം​മി​ബൈ​രീ​ക്​ ജ​ന​റ​ൽ ആ​ശു​പ​ത്രി​യി​ലെ പു​തി​യ കോ​വി​ഡ്​ ഫീ​ൽ​ഡ്​ ആ​ശു​പ​ത്രി​യി​ൽ ര​ണ്ടാം​ഘ​ട്ട ന​വീ​ക​ര​ണം പൂ​ർ​ത്തി​യാ​യി. രോ​ഗി​ക​ൾ​ക്ക്​ ആ​വ​ശ്യ​മാ​യ ബെ​ഡു​ക​ളു​ടെ എ​ണ്ണം വ​ർ​ധി​പ്പി​ച്ച​തി​നു​ ശേ​ഷ​മു​ള്ള വി​ഭാ​ഗം ചൊ​വ്വാ​ഴ്​​ച തു​റ​ന്നു. 100 കി​ട​ക്ക​ക​ൾ കൂ​ടി​യു​ള്ള പു​തി​യ വി​ഭാ​ഗ​മാ​ണ്​ ത​യാ​റാ​യി​രി​ക്കു​ന്ന​തെ​ന്ന്​ ഹ​മ​ദ്​ മെ​ഡി​ക്ക​ൽ കോ​ർ​പ​റേ​ഷ​ൻ (എ​ച്ച്.​എം.​സി) അ​റി​യി​ച്ചു.

കോ​വി​ഡ്​ രോ​ഗി​ക​ൾ​ക്കു​ മാ​ത്ര​മാ​യു​ള്ള ആ​ശു​പ​ത്രി​യാ​ണി​ത്. ഖ​ത്ത​റി​ൽ കോ​വി​ഡ്​ രോ​ഗി​ക​ൾ ദി​നേ​ന കൂ​ടി​വ​രു​ക​യാ​ണ്. ഇ​തു​ പ​രി​ഗ​ണി​ച്ച്​ കൂ​ടു​ത​ൽ കോ​വി​ഡ്​ ചി​കി​ത്സ സൗ​ക​ര്യ​ങ്ങ​ൾ ഒ​രു​ക്കു​ക​യാ​ണ്​ അ​ധി​കൃ​ത​ർ. ഈ​യ​ടു​ത്ത്​ അ​ൽ​വ​ക്​​റ ആ​ശു​പ​ത്രി കോ​വി​ഡ്​ ആ​ശു​പ​ത്രി​യാ​ക്കി മാ​റ്റി​യി​രു​ന്നു. കോ​വി​ഡ്​ രോ​ഗി​ക​ളു​ടെ ചി​കി​ത്സ​ക്കാ​യി ആ​ശു​പ​ത്രി​ക​ളു​ടെ ശേ​ഷി ഉ​യ​ർ​ത്തു​ന്ന​തിെൻറ ഭാ​ഗ​മാ​യാ​ണ് അ​ൽ​വ​ക്​​റ കോ​വി​ഡ്​ രോ​ഗി​ക​ൾ​ക്കു​ മാ​ത്ര​മാ​യി മാ​റ്റി​യി​രി​ക്കു​ന്ന​ത്. ഇ​നി​യൊ​രു അ​റി​യി​പ്പു​ണ്ടാ​കു​ന്ന​തു​വ​രെ ആ​ശു​പ​ത്രി കോ​വി​ഡ് രോ​ഗി​ക​ൾ​ക്കു മാ​ത്ര​മാ​യി​രി​ക്കും.

വ​ക്റ​യി​ലെ​യും സ​മീ​പ​പ്ര​ദേ​ശ​ങ്ങ​ളി​ലെ​യും താ​മ​സ​ക്കാ​ർ​ക്ക് അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ സ്വീ​ക​രി​ക്കേ​ണ്ട ന​ട​പ​ടി​ക​ളും എ​ച്ച്.​എം.​സി നി​ർ​ദേ​ശി​ച്ചി​ട്ടു​ണ്ട്.

ജീ​വ​നു ഭീ​ഷ​ണി​യി​ല്ലാ​ത്ത അ​ടി​യ​ന്ത​ര കേ​സു​ക​ൾ​ക്കാ​യി രാ​വി​ലെ ഏ​ഴു​മു​ത​ൽ വൈ​കീ​ട്ട് മൂ​ന്നു​വ​രെ എ​ച്ച്.​എം.​സി​യു​ടെ എ​മ​ർ​ജ​ൻ​സി ക​ൺ​സ​ൽ​ട്ടേ​ഷ​ൻ സ​ർ​വി​സ്​ ന​മ്പ​റാ​യ 16000ത്തി​ൽ ബ​ന്ധ​പ്പെ​ട​ണം. ജീ​വ​ന് ഭീ​ഷ​ണി നേ​രി​ടു​ന്ന കേ​സു​ക​ളി​ൽ അ​ടി​യ​ന്ത​ര സേ​വ​ന​വി​ഭാ​ഗ​ത്തിെൻറ 999 ന​മ്പ​റി​ലാ​ണ് ബ​ന്ധ​പ്പെ​ടേ​ണ്ട​ത്.

ദോ​ഹ ഹ​മ​ദ് ജ​ന​റ​ൽ ആ​ശു​പ​ത്രി​യി​ലെ േട്രാ​മ, അ​ടി​യ​ന്ത​ര വി​ഭാ​ഗ​ങ്ങ​ൾ എ​ല്ലാ ദി​വ​സ​വും മു​ഴു​സ​മ​യ​വും പ്ര​വ​ർ​ത്ത​ന​സ​ജ്ജ​മാ​യി​രി​ക്കും. ജീ​വ​ന് ഭീ​ഷ​ണി​യി​ല്ലാ​ത്ത അ​ടി​യ​ന്ത​ര കേ​സു​ക​ൾ​ക്കാ​യി പി.​എ​ച്ച്.​സി.​സി​ക്ക് കീ​ഴി​ലു​ള്ള എ​ട്ട് അ​ടി​യ​ന്ത​ര ചി​കി​ത്സ കേ​ന്ദ്ര​ങ്ങ​ളി​ലും ബ​ന്ധ​പ്പെ​ടാം.

ഹ​മ​ദ്​ മെ​ഡി​ക്ക​ൽ കോ​ർ​പ​റേ​ഷ​നു​ കീ​ഴി​ലു​ള്ള ആ​ശു​പ​ത്രി​ക​ളി​ലെ ഏ​റ്റ​വും വ​ലി​യ ആ​ശു​പ​ത്രി​യാ​ണ്​ അ​ൽ​വ​ക്​​റ​യി​ലേ​ത്. ഇ​തോ​ടെ കോ​വി​ഡ്​ ചി​കി​ത്സ​ക്ക്​ മാ​ത്ര​മാ​യു​ള്ള ഖ​ത്ത​റി​ലെ ആ​ശു​പ​ത്രി​ക​ൾ ഏ​ഴ്​ ആ​യി​ട്ടു​ണ്ട്.