ഡ്രൈവിങ്ങിനിടെ മൊബൈൽ; ശീലം മാറ്റിയേ തീരൂ

ദോ​ഹ: വാ​ഹ​ന​മോ​ടി​ക്കു​മ്പോ​ൾ മൊ​ബൈ​ൽ ഫോ​ൺ ഉ​പ​യോ​ഗി​ക്കു​ന്ന​ത് ത​ട​യാ​ൻ ഗ​താ​ഗ​ത വ​കു​പ്പ് ഏ​ർ​പ്പെ​ടു​ത്തു​ന്ന പു​തി​യ ന​ട​പ​ടി​ക​ൾ​ക്ക് സ​മൂ​ഹ​ത്തി​ന്റെ പി​ന്തു​ണ. സീ​റ്റ് ബെ​ൽ​റ്റ് ധ​രി​ക്കാ​തെ വാ​ഹ​ന​മോ​ടി​ക്കു​ന്ന​വ​രെ​യും പി​ടി​കൂ​ടു​ന്ന നി​രീ​ക്ഷ​ണ റ​ഡാ​റു​ക​ൾ സെ​പ്റ്റം​ബ​ർ ആ​ദ്യ​വാ​ര​ത്തോ​ടെ പ്രാ​ബ​ല്യ​ത്തി​ൽ വ​രു​മെ​ന്നാ​ണ് അ​ധി​കൃ​ത​ർ പ്ര​ഖ്യാ​പി​ച്ചി​രി​ക്കു​ന്ന​ത്.

വാ​ഹ​ന​മോ​ടി​ക്കു​മ്പോ​ൾ മൊ​ബൈ​ൽ ഫോ​ൺ ഉ​പ​യോ​ഗി​ക്കു​ന്ന​വ​രെ​യും സീ​റ്റ് ബെ​ൽ​റ്റ് ധ​രി​ക്കാ​ത്ത​വ​രെ​യും നി​രീ​ക്ഷി​ക്കാ​നാ​യി പു​തി​യ ഓ​ട്ടോ​മാ​റ്റ​ഡ് സം​വി​ധാ​നം സെ​പ്റ്റം​ബ​ർ മൂ​ന്നി​ന് നി​ല​വി​ൽ വ​രു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം ക​ഴി​ഞ്ഞ ദി​വ​സം പ്ര​ഖ്യാ​പി​ച്ചി​രു​ന്നു. പു​തി​യ റ​ഡാ​ർ സം​വി​ധാ​നം 24 മ​ണി​ക്കൂ​റും പ്ര​വ​ർ​ത്തി​ക്കു​മെ​ന്നും മ​ന്ത്രാ​ല​യം മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.

ഫോ​ൺ ഉ​പ​യോ​ഗി​ക്കാ​ത്ത​വ​ർ 13 ശ​ത​മാ​നം മാ​ത്രം

ഡ്രൈ​വി​ങ്ങി​നി​ടെ മൊ​ബൈ​ൽ ഫോ​ൺ ഉ​പ​യോ​ഗം സ​ർ​വ​സാ​ധാ​ര​ണ​മാ​യ ശീ​ല​മാ​ണ്. ഫോ​ൺ വി​ളി​ക്കാ​നും സ​മൂ​ഹ മാ​ധ്യ​മ​ങ്ങ​ൾ ഉ​പ​യോ​ഗി​ക്കാ​നും വി​ഡി​യോ കാ​ണാ​നും ഉ​ൾ​പ്പെ​ടെ അ​ല​സ​മാ​യ ഫോ​ൺ ഉ​പ​യോ​ഗി​ച്ചു​ള്ള ഡ്രൈ​വി​ങ് ത​ട​യു​ക​യാ​ണ് പു​തി​യ ന​ട​പ​ടി​ക​ളു​ടെ ല​ക്ഷ്യം. ഖ​ത്ത​ർ സ​ർ​വ​ക​ലാ​ശാ​ല​യി​ലെ ഖ​ത്ത​ർ ട്രാ​ൻ​സ്‌​പോ​ർ​ട്ടേ​ഷ​ൻ ആ​ൻ​ഡ് ട്രാ​ഫി​ക് സേ​ഫ്റ്റി സെ​ന്റ​ർ ക​ഴി​ഞ്ഞ വ​ർ​ഷം ന​ട​ത്തി​യ സ​ർ​വേ​യി​ൽ 13 ശ​ത​മാ​നം പേ​ർ മാ​ത്ര​മാ​ണ് ഡ്രൈ​വി​ങ്ങി​നി​ടെ മൊ​ബൈ​ൽ ഫോ​ൺ ഉ​പ​യോ​ഗി​ച്ചി​ട്ടി​ല്ലെ​ന്ന് അ​റി​യി​ച്ച​ത്. സ​ർ​വേ​യി​ൽ പ​ങ്കെ​ടു​ത്ത ഭൂ​രി​ഭാ​ഗം പേ​രും ഡ്രൈ​വി​ങ്ങി​നി​ടെ​യു​ള്ള ഫോ​ൺ ഉ​പ​യോ​ഗം വാ​ഹ​നാ​പ​ക​ട സാ​ധ്യ​ത വ​ർ​ധി​പ്പി​ക്കു​മെ​ന്നും റോ​ഡി​ൽ​നി​ന്ന് ശ്ര​ദ്ധ തി​രി​ക്കു​മെ​ന്നും വ്യ​ക്ത​മാ​ക്കി​യി​ട്ടു​ണ്ട്. മൊ​ബൈ​ൽ ഫോ​ൺ ഉ​പ​യോ​ഗി​ക്കു​മ്പോ​ൾ ത​ങ്ങ​ളു​ടെ പാ​ത മാ​റു​ന്ന​ത് ഡ്രൈ​വ​ർ​മാ​ർ അ​റി​യു​ന്നി​ല്ലെ​ന്നാ​ണ് വ​സ്തു​ത. ഇ​ത് അ​പ​ക​ട​ങ്ങ​ൾ വി​ളി​ച്ചു​വ​രു​ത്തു​ക​യാ​ണ്. സി​ഗ്ന​ലു​ക​ളി​ൽ പ​ച്ച​നി​റം തെ​ളി​ഞ്ഞാ​ലും ഫോ​ണി​ൽ വ്യാ​പൃ​ത​രാ​യി​രി​ക്കു​ന്ന​തി​നാ​ൽ അ​റി​യു​ന്നി​ല്ല. ആ​ഭ്യ​ന്ത​ര മ​ന്ത്രാ​ല​യ​വും ഗ​താ​ഗ​ത വ​കു​പ്പും പ്ര​ഖ്യാ​പി​ച്ച പു​തി​യ ന​ട​പ​ടി​ക​ളെ താ​മ​സ​ക്കാ​ർ ഉ​ൾ​പ്പെ​ടെ​യു​ള്ള​വ​ർ സ്വാ​ഗ​തം ചെ​യ്യു​ന്നു. റ​ഡാ​ർ കാ​മ​റ​ക​ൾ പ്ര​വ​ർ​ത്തി​ക്കു​ന്ന​തോ​ടെ ഇ​ത്ത​രം ശീ​ല​ങ്ങ​ൾ മാ​റു​മെ​ന്നും അ​പ​ക​ട​സാ​ധ്യ​ത കു​റ​യു​മെ​ന്നു​മു​ള്ള പ്ര​തീ​ക്ഷ​യി​ലാ​ണ് എ​ല്ലാ​വ​രും.

ഹൈ​വേ​ക​ളി​ൽ 80 മു​ത​ൽ 90 ശ​ത​മാ​നം വാ​ഹ​നാ​പ​ക​ട​ങ്ങ​ളും സം​ഭ​വി​ക്കു​ന്ന​ത് മൊ​ബൈ​ൽ ഫോ​ണു​ക​ൾ കാ​ര​ണ​മാ​ണെ​ന്ന് 2021ൽ ​ഗ​താ​ഗ​ത വ​കു​പ്പി​ലെ ഉ​ന്ന​ത ഉ​ദ്യോ​ഗ​സ്ഥ​ൻ ഒ​രു വെ​ബി​നാ​റി​ൽ പ​റ​ഞ്ഞി​രു​ന്നു. മൊ​ബൈ​ൽ ഫോ​ൺ ഉ​പ​യോ​ഗി​ക്കാ​ത്ത ഡ്രൈ​വ​ർ​മാ​രേ​ക്കാ​ൾ, മൊ​ബൈ​ൽ ഫോ​ൺ ഉ​പ​യോ​ഗി​ക്കു​ന്ന​വ​ർ അ​പ​ക​ട​ത്തി​ൽ​പെ​ടാ​നു​ള്ള സാ​ധ്യ​ത നാ​ല് മ​ട​ങ്ങാ​ണെ​ന്ന് ലോ​കാ​രോ​ഗ്യ സം​ഘ​ട​ന​യും വ്യ​ക്ത​മാ​ക്കു​ന്നു. ഡ്രൈ​വി​ങ്ങി​നെ ഗൗ​ര​വ​മാ​യി കാ​ണു​ന്ന​വ​രും പു​തി​യ ന​ട​പ​ടി​ക​ളെ സ്വാ​ഗ​തം ചെ​യ്യു​ന്നു. റോ​ഡു​ക​ളി​ലെ അ​ടി​സ്ഥാ​ന മ​ര്യാ​ദ​ക​ൾ വ​രെ പാ​ലി​ക്കാ​ത്ത ഡ്രൈ​വ​ർ​മാ​രെ പു​തി​യ ന​ട​പ​ടി​ക​ൾ മ​ര്യാ​ദ പ​ഠി​പ്പി​ക്കു​മെ​ന്ന് പ്ര​തീ​ക്ഷി​ക്കു​ന്നു.