ഡ്രൈ​വി​ങ്ങി​നി​ടെ മൊ​ബൈ​ൽ ഫോ​ൺ; പി​ഴ​യി​ൽ ഇ​ള​വി​ല്ല

ദോ​ഹ: ഡ്രൈ​വി​ങ്ങി​നി​ടെ മൊ​ബൈ​ൽ ഫോ​ൺ ഉ​പ​യോ​ഗി​ക്കു​ന്ന​ത് പി​ടി​ക്ക​പ്പെ​ടു​ന്ന​തി​ലൂ​ടെ ചു​മ​ത്തു​ന്ന പി​ഴ​ക്ക് ഇ​ള​വ് ല​ഭി​ക്കി​ല്ലെ​ന്ന് ഗ​താ​ഗ​ത ജ​ന​റ​ൽ ഡ​യ​റ​ക്ട​റേ​റ്റി​ലെ മു​തി​ർ​ന്ന ഉ​ദ്യോ​ഗ​സ്ഥ​ൻ. വാ​ഹ​ന​മോ​ടി​ക്കു​മ്പോ​ൾ മൊ​ബൈ​ൽ ഫോ​ൺ ഉ​പ​യോ​ഗി​ക്കു​ന്ന​ത് നി​യ​മ​ലം​ഘ​ന​മാ​ണെ​ന്നും 500 റി​യാ​ലാ​ണ് പി​ഴ ചു​മ​ത്തു​ക​യെ​ന്നും ഈ ​നി​യ​മ​ലം​ഘ​ന​ത്തി​ന് മ​റ്റു പി​ഴ​ക​ൾ​ക്ക് അ​നു​വ​ദി​ക്കു​ന്ന​പോ​ലെ കി​ഴി​വ് ബാ​ധ​ക​മ​ല്ലെ​ന്നും ജ​ന​റ​ൽ ട്രാ​ഫി​ക് വി​ഭാ​ഗ​ത്തി​ലെ നി​യ​മ​ലം​ഘ​ന വ​കു​പ്പ് ഉ​ദ്യോ​ഗ​സ്ഥ​നാ​യ ക്യാ​പ്റ്റ​ൻ മു​ഹ​മ്മ​ദ് റ​ബീ​അ അ​ൽ കു​വാ​രി ഖ​ത്ത​ർ റേ​ഡി​യോ​ക്ക് ന​ൽ​കി​യ അ​ഭി​മു​ഖ​ത്തി​ൽ വ്യ​ക്ത​മാ​ക്കി.

വാ​ഹ​ന​മോ​ടി​ക്കു​ന്ന​തി​നി​ട​യി​ലെ മൊ​ബൈ​ൽ ഫോ​ൺ ഉ​പ​യോ​ഗം ട്രാ​ഫി​ക് നി​യ​മം ഊ​ന്നി​പ്പ​റ​യു​ന്ന നി​യ​മ​ലം​ഘ​ന​ങ്ങ​ളി​ലൊ​ന്നാ​ണെ​ന്നും ഇ​വ മൂ​ല​മു​ണ്ടാ​കു​ന്ന അ​പ​ക​ട​ങ്ങ​ൾ പൊ​തു​സ്വ​ത്തി​നും റോ​ഡ് ഉ​പ​യോ​ക്താ​ക്ക​ൾ​ക്കും നാ​ശ​ന​ഷ്ട​ങ്ങ​ൾ കാ​ര​ണ​മാ​ണി​തെ​ന്നും ക്യാ​പ്റ്റ​ൻ മു​ഹ​മ്മ​ദ് റ​ബീ​അ അ​ൽ കു​വാ​രി ചൂ​ണ്ടി​ക്കാ​ട്ടി. മൊ​ബൈ​ൽ ഫോ​ൺ ഉ​പ​യോ​ഗ​വും ഡ്രൈ​വി​ങ്ങി​നി​ടെ സീ​റ്റ് ബെ​ൽ​റ്റ് ഒ​ഴി​വാ​ക്കു​ന്ന​തും കാ​ര​ണ​മാ​ണ് 50 ശ​ത​മാ​നം മു​ത​ൽ 60 ശ​ത​മാ​നം വ​രെ വാ​ഹ​നാ​പ​ക​ട​ങ്ങ​ൾ സം​ഭ​വി​ക്കു​ന്ന​തെ​ന്നും അ​ദ്ദേ​ഹം വ്യ​ക്ത​മാ​ക്കി. എ​ന്നാ​ൽ, വാ​ഹ​ന​മോ​ടി​ക്കു​മ്പോ​ൾ സീ​റ്റ് ബെ​ൽ​റ്റ് ഒ​ഴി​വാ​ക്കു​ന്ന​തി​ലൂ​ടെ ചു​മ​ത്ത​പ്പെ​ടു​ന്ന പി​ഴ 30 ദി​വ​സ​ത്തി​ന​കം അ​ട​ക്കു​ക​യാ​ണെ​ങ്കി​ൽ നേ​ര​ത്തേ ഉ​ണ്ടാ​യി​രു​ന്ന ഇ​ള​വ് ല​ഭി​ക്കും. നി​യ​മ​ലം​ഘ​നം ന​ട​ന്ന് ഒ​രു മാ​സ​ത്തി​ന​കം പി​ഴ അ​ട​ക്കു​ക​യാ​ണെ​ങ്കി​ൽ ചി​ല നി​യ​മ​ലം​ഘ​ന​ങ്ങ​ൾ​ക്ക് 50 ശ​ത​മാ​നം ഇ​ള​വ് ല​ഭി​ക്കു​ന്നു​ണ്ട്.

പു​തി​യ ഏ​കീ​കൃ​ത റ​ഡാ​ർ സം​വി​ധാ​ന​ത്തി​ന് ഒ​രേ​സ​മ​യം മൂ​ന്ന് നി​യ​മ​ലം​ഘ​ന​ങ്ങ​ൾ പി​ടി​കൂ​ടാ​നാ​കു​മെ​ന്ന് ക്യാ​പ്റ്റ​ൻ അ​ൽ കു​വാ​രി പ​റ​ഞ്ഞു. സീ​റ്റ് ബെ​ൽ​റ്റ് ധ​രി​ക്കാ​തി​രി​ക്കു​ക, മൊ​ബൈ​ൽ ഫോ​ൺ ഉ​പ​യോ​ഗം, അ​മി​ത വേ​ഗം എ​ന്നി​വ​യാ​ണ​വ. ഇ​ക്ക​ഴി​ഞ്ഞ ഞാ​യ​റാ​ഴ്ച​യാ​ണ് സീ​റ്റ് ബെ​ൽ​റ്റ് ധ​രി​ക്കാ​തി​രി​ക്കു​ന്ന​തും മൊ​ബൈ​ൽ ഫോ​ൺ ഉ​പ​യോ​ഗി​ക്കു​ന്ന​തു​മാ​യ നി​യ​മ​ലം​ഘ​ന​ങ്ങ​ൾ പി​ടി​ക്ക​പ്പെ​ടു​ന്ന​തി​ന് പു​തി​യ ഏ​കീ​കൃ​ത റ​ഡാ​ർ സം​വി​ധാ​നം ന​ട​പ്പാ​ക്കി​ത്തു​ട​ങ്ങി​യ​ത്.