Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightസ്വാതന്ത്ര്യദിന...

സ്വാതന്ത്ര്യദിന സമ്മാനമായി മൊബൈൽ ആപും സഹായതാ കേന്ദ്രവും

text_fields
bookmark_border
സ്വാതന്ത്ര്യദിന സമ്മാനമായി മൊബൈൽ ആപും സഹായതാ കേന്ദ്രവും
cancel
camera_alt

മൊബൈൽ ആപ്പ്​ 

ദോഹ: ഇന്ത്യയുടെ 75ാം സ്വാതന്ത്ര്യവാർഷിക ദിനത്തിൽ ഖത്തറിലെ ​പ്രവാസ സമൂഹത്തിന്​ സമ്മാനമായി ഇന്ത്യൻ എംബസിയുടെ പുതിയ മൊബൈൽ ആപ്​. 'ഇന്ത്യ ഇൻ ഖത്തർ' എന്ന പേരിലുള്ള ആപ് അംബാസഡർ ഡോ. ദീപക്​ മിത്തൽ പ്രകാശനം ചെയ്​തു. കോണ്‍സുലാര്‍ ഉള്‍പ്പെടെ ഇ-സേവനങ്ങള്‍ക്ക് പ്രവാസികള്‍ക്ക് ആപ് പ്രയോജനപ്പെടുത്താനാവും.

ആപ് വഴി പരാതികള്‍ ബോധിപ്പിക്കാനും അവസരമുണ്ടാവും. പ്രാരംഭഘട്ടത്തിലുള്ള ആപ് പൂര്‍ണമായും ​െസപ്​റ്റംബര്‍ ആദ്യത്തോടെ പ്രവര്‍ത്തനക്ഷമമാവും. നിലവില്‍ ആപ്​ള്‍ പ്ലേ സ്​റ്റോറില്‍ മാത്രമേ ലഭ്യമാവൂ. പിന്നീട് ആന്‍ഡ്രോയിഡ് ഫോണുകളിലും ലഭിക്കും. എംബസി സേവനങ്ങൾ കൂടുതൽ സാ​ങ്കേതിക മികവോടെ എളുപ്പമാക്കുകയാണ്​ ആപ്​ പുറത്തിറക്കുന്നതിലൂടെ നിർവഹിക്കുന്നതെന്ന്​ അംബാസഡർ പറഞ്ഞു.

ഹെൽപ്​ലൈൻ പ്രഖ്യാപനം അബാസഡർ ഡോ. ദീപക്​ മിത്തൽ നിർവഹിച്ചു

ദോഹ: ഖത്തറിലെ പ്രവാസികൾക്ക്​ ഇനി 24 മണിക്കൂറം എംബസിയുടെ സഹായം ഉറപ്പിക്കാം. നയതന്ത്ര്യ കാര്യാലയത്തിനു കീഴിലെ ഭാരതീയ സഹായതാ കേന്ദ്ര (പി.ബി.എസ്.കെ) ഹെൽപ്​ലൈൻ പ്രഖ്യാപനം അബാസഡർ ഡോ. ദീപക്​ മിത്തൽ നിർവഹിച്ചു. ആസാദി കാ അമൃത്​ മഹോത്സവ സമ്മാനമായാണ്​ ഹെൽപ്​ലൈൻ സെൻററിൻെറ ആരംഭം.

ഖത്തര്‍ ഇന്ത്യന്‍ എംബസിയുടെ പുതിയ മൊബൈല്‍ആപ് അംബാസഡര്‍ ഡോ.ദീപക് മിത്തല്‍ പ്രകാശനം ചെയ്യുന്നു. സേവ്യര്‍ ധന്‍രാജ്, ഡോ.സോന സോമന്‍ സമീപം

44953500 എന്ന നമ്പറിലും, PBSKQatar@gmail.com എന്ന ഇ-മെയിൽ വിലാസത്തിലും പരാതി നൽകാം.ഞായറാഴ്​ച നിലവിൽ വന്ന ഹെൽപ്​ ലൈനിൻെറ ആദ്യ ഘട്ടത്തിൽ ഹിന്ദി, മലയാളം, ഇംഗ്ലീഷ്​ ഭാഷകളിൽ ആശയവിനിമയ സേവനം ലഭ്യമാവും.

വിപുലീകരിച്ച രണ്ടാം ഘട്ടത്തിൽ തമിഴ്​, കന്നട, തെലുഗ്​ ഭാഷകളും ഉൾപ്പെടുത്തും. ഗാന്ധിജയന്തി ദിനമായ ഒക്​ടോബർ രണ്ടു​ മുതൽ ലൈവ്​ ചാറ്റ്​, വാട്​സ്​ആപ്​ സേവനങ്ങളും ഈ നമ്പറിൽ ലഭ്യമാവു​ം.

​എംബസിയിൽ നിരവധി തവണ വിളിച്ചാലും ഫോൺ എടുക്കില്ലെന്നും പരാതികൾ ബോധിപ്പിക്കാനോ മറ്റോ കഴിയുന്നില്ലെന്നും പലകോണുകളിൽനിന്നും കേട്ടിയിരുന്നതായും അതിനുള്ള പരിഹാരമായാണ്​ ഹെൽപ്​ലൈൻ നമ്പറെന്നും പ്രഖ്യാപനം നടത്തിക്കൊണ്ട്​ അംബാസഡർ ഡോ. ദീപക്​ മിത്തൽ പറഞ്ഞു.

ഇതോടൊപ്പം ഖത്തറിലെ മുതിര്‍ന്ന ഇന്ത്യന്‍ പ്രവാസികളുമായുള്ള ആശയവിനിമയ പരിപാടിയായ ബ്രിഡ്ജിങ്​ ജനറേഷന്‍സ് പ്രകാശനവും ചടങ്ങില്‍ നടന്നു. ഐ.സി.ബി.എഫ് ഇന്‍ഷുറന്‍സ് സ്‌ക്​മീല്‍ ചേര്‍ന്ന 75 തൊഴിലാളികളുടെ രേഖകള്‍ അംബാസഡര്‍ കൈമാറി.

ഡിപ്ലോമാറ്റിക് ഏരിയായില്‍ നടന്ന ചടങ്ങില്‍ ലേബര്‍ വിഭാഗം ഫസ്​റ്റ്​ സെക്രട്ടറി സേവ്യര്‍ ധന്‍രാജ്, സെക്കൻഡ്​​ സെക്രട്ടറി ഡോ.സോന സോമന്‍ എന്നിവര്‍ക്കു പുറമെ, മറ്റു നയതന്ത്ര ഉദ്യോഗസ്ഥരും സാമൂഹികസംഘടനാ നേതാക്കളും സംബന്ധിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Mobile appdohaindependence day
News Summary - Mobile app and help desk as Independence Day gifts
Next Story