വഴിതെറ്റിയെത്തിയ റിയാൽ: അവകാശിയെ തേടിപ്പിടിച്ച്​ പ്രവാസിയുടെ മാതൃക

ദോഹ: കഴിഞ്ഞ 15ന്​ നാട്ടിലേക്കുള്ള യാത്രക്കായി ദോഹ ഹമദ്​ രാജ്യാന്തര വിമാനത്താവളത്തി​െലത്തി, ചെക്ക്​ ഇൻ തിരക്കിനിടയിലാണ്​ കാഞ്ഞാട്​ സ്വദേശി മെഹ്​താബ്​ യൂസുഫി​െൻറ മൊബൈൽ നമ്പറിലേക്ക്​ ആ മെസേജ്​ വരുന്നത്​. തിരക്കെല്ലാം കഴിഞ്ഞ്​ വിമാനത്തിൽ കയറാനുള്ള കാത്തിരിപ്പിനിടയിൽ ​വന്ന മെസേജുകളെല്ലാം പരിശോധിക്കുന്നതിനിടെ ​സന്ദേശം കണ്ടു. ആരെന്നോ, ഏതെന്നോ അറിയാത്ത ഒരു ബാങ്ക്​ അക്കൗണ്ടിൽനിന്ന്​ 750 റിയാൽ ത​െൻറ അക്കൗണ്ടിൽ ക്രെഡിറ്റായിരിക്കുന്നു.

പിന്നെ നാട്ടിലെത്തി വിശദമായി പരിശോധിച്ചിട്ടും ത​െൻറ അക്കൗണ്ടിലേക്ക്​ കാശയച്ച 'അജ്​ഞാതനെ' പിടുത്തംകിട്ടിയില്ല. നമ്പർ മാറി അയച്ചതാണെങ്കിൽ ബാങ്കിൽനിന്ന്​ വിശദാംശങ്ങൾ എടുത്ത്​ തന്നെ ബന്ധപ്പെടും എന്ന പ്രതീക്ഷയിൽ മെഹ്​താബ്​ പിന്നെയും കാത്തിരുന്നു. എന്നാൽ, ഒരാഴ്​ച പിന്നിട്ടിട്ടും വിളിയൊന്നും കണ്ടില്ല. നാട്ടിലായതിനാൽ, അദ്ദേഹത്തിന്​ ബാങ്കിനെ ബന്ധപ്പെടാനും കഴിഞ്ഞില്ല. അയച്ചയാളുടെ പേര്​ 'റിയാസ്​ പാറാട്ട്​വീട്ടിൽ' എന്നു​ മാത്രം ബാങ്ക്​ സ്​റ്റേറ്റ്​മെൻറിലുണ്ട്​. പിന്നെ അതുവെച്ച്​ സുഹൃത്തുക്കൾ വഴിയും അന്വേഷിച്ചെങ്കിലും അങ്ങനെയൊരാളെ കുറിച്ച്​ വിവരം ലഭിച്ചില്ല. ഖത്തർ ചാരിറ്റിയിലേക്കോ മറ്റോ നൽകാമെന്ന ആലോചനക്കിടയിലാണ്​ മലയാളികളുടെ ഫേസ്​ബുക്​ കൂട്ടായ്​മയായ 'ഖത്തർ മലയാളീസ്​' പേജിൽ വെള്ളിയാഴ്​ച ഒരു പോസ്​റ്റിടുന്നത്​. കാശ്​ അയച്ചയാളുടെ പേരും, തുകയും വ്യക്​തമാക്കിയായിരുന്നു പോസ്​റ്റ്​. മെസേജ്​ കാണുന്ന റിയാസ്​ ട്രാൻസ്​ഫർ റെസീറ്റ്​ പ്രൂഫ്​ അയച്ചുതന്നാൽ പരിശോധിച്ചശേഷം പണം തിരിച്ചയക്കാം എന്നായിരുന്നു മെഹ്​താബി​െൻറ പോസ്​റ്റ്​.

പോസ്​റ്റ്​ ഏതാനും മണിക്കൂറുകൾക്കുള്ളിൽ വൈറലായി. മൂന്ന്​ മണിക്കൂർ കൊണ്ട്​ ദോഹയിൽനിന്ന്​ ​കാഞ്ഞങ്ങാ​ട്ടേക്ക്​ വിളിയെത്തി. വഴിതെറ്റി പണം അയച്ച ആൾ ഹാജരായി. ​രേഖകൾ പരിശോധിച്ച്​ ഉറപ്പാക്കിയശേഷം, തുക റിയാസി​െൻറ അക്കൗണ്ടിൽ തിരിച്ചയച്ചതോടെ മെഹ്​താബി​െൻറ ഒമ്പതു നാൾ നീണ്ട അന്വേഷണത്തിന്​ ശുഭപര്യവസാനം. 11 വർഷമായി ഖത്തറിലുള്ള മെഹ്​താബ്​ അൽ അഹ്​ലി ബിസിനസ്​ സെൻറർ ഓപറേഷൻ മാനേജറായി ജോലി ചെയ്യുകയാണ്​.പണം അയച്ചതും അത്​ അറിയാതെ പോയതുമായ കഥകളെ കുറിച്ച്​ റിയാസ്​ പറയുന്നു. ​'ഖത്തർ മലയാളീസ്​ ഫേസ്​ബുക്​ പേജിൽ എ​െൻറ പേരുവെച്ച്​ ആരോ ഒരു പോസ്​റ്റ്​ ചെയ്​തതായി സുഹൃത്തുക്കൾ വിളിച്ചുപറഞ്ഞപ്പോൾ മാത്രമാണ്​ ഞാൻ സംഭവം അറിയുന്നത്​. വെള്ളിയാഴ്​ച ഉച്ചമയക്കം കഴിഞ്ഞ്​ എഴുന്നേറ്റപ്പോൾ ഫോണിൽ നിരവധി കൂട്ടുകാ​രുടെ വിളികളും സന്ദേശങ്ങളും​.

അപ്പോൾതന്നെ ബാങ്ക്​ ഡീറ്റെയിൽസ്​ പരിശോധിച്ചു. 15ാം തീയതി 750 റിയാൽ മെഹ്​താബി​െൻറ അക്കൗണ്ടിലേക്ക്​ പോയിരിക്കുന്നു. എന്നാൽ, ഞാൻ അറിഞ്ഞുകൊണ്ടുള്ള ട്രാൻസ്​ഫർ ആയിരുന്നില്ല ഇത്​. കുറെ മാസങ്ങൾക്ക്​ മുമ്പ്​ സുഹൃത്തിനുവേണ്ടി ഒരു ബിൽ ​പേ​മെൻറിനായി മെഹ്​താബി​െൻറ അക്കൗണ്ട്​ നമ്പർ 'ബെനിഫിഷ്യറി' ആയി ചേർക്കപ്പെട്ടിരുന്നു. പക്ഷേ, പിന്നെ ഒരു ഇടപാടും നടന്നിട്ടില്ല. ആളെയും അറിയില്ല. മൊബൈൽ ഫോണിലെ ബാങ്ക്​ ആപ്ലിക്കേഷൻ ആപ്പിൽ ബാലൻസ്​ ചെക്ക്​ ചെയ്യു​േമ്പാഴോ മറ്റോ, കുട്ടികളുടെ കൈയിൽനിന്നുള്ള അബദ്ധമാവാം തുക ട്രാൻസ്​ഫർ ആവാൻ ഇടയായതെന്ന്​ സംശയിക്കുന്നു' -റിയാസ്​ പറയുന്നു. എന്തായാലും അറിയാതെ നഷ്​ടപ്പെട്ട തുക തിരിച്ചുകിട്ടിയ സന്തോഷത്തിലാണ്​ തൃശൂർ ചാവക്കാട്​ സ്വദേശിയായ റിയാസ്​. എ.സി റിപ്പയറിങ്​ ജോലി ചെയ്യുന്ന ഇദ്ദേഹം വക്​റയിൽ കുടുംബത്തിനൊപ്പമാണ്​ താമസം. അവധിക്ക്​ നാട്ടിലുള്ള മെഹ്​താബ്​ മടങ്ങിയെത്തിയാൽ കാണണം, കഴിഞ്ഞ ദിവസങ്ങളിൽ വിളിക്കുകയും സംസാരിക്കുകയും ചെയ്​തിരുന്നു -റിയാസ്​ 'ഗൾഫ്​ മാധ്യമ​'ത്തോട്​ പറഞ്ഞു.