അധ്യാപകർ ഉടൻ ബൂസ്​റ്റർ ഡോസ്​ എടുക്കണമെന്ന് മന്ത്രാലയം

ദോ​ഹ: രാ​ജ്യ​ത്തെ മു​ഴു​വ​ൻ പൊ​തു, സ്വ​കാ​ര്യ സ്​​കൂ​ളു​ക​ളി​ലെ​യും അ​ധ്യാ​പ​ക​രും ജീ​വ​ന​ക്കാ​രും കോ​വി​ഡ് വാ​ക്സി​ൻ ബൂ​സ്​​റ്റ​ർ ഡോ​സ്​ സ്വീ​ക​രി​ക്ക​ണ​മെ​ന്ന നി​ർ​ദേ​ശ​വു​മാ​യി വി​ദ്യാ​ഭ്യാ​സ ഉ​ന്ന​ത വി​ദ്യാ​ഭ്യാ​സ മ​ന്ത്രാ​ല​യം. മു​ൻ​കൂ​ട്ടി അ​പ്പോ​യി​ൻ​മെൻറ് എ​ടു​ക്കാ​തെ ത​ന്നെ രാ​ജ്യ​ത്തെ എ​ല്ലാ ഹെ​ൽ​ത്ത് സെൻറ​റു​ക​ളി​ലും ഫൈ​സ​ർ, മൊ​ഡേ​ണ വാ​ക്സി​നു​ക​ളു​ടെ ബൂ​സ്​​റ്റ​ർ ഡോ​സ്​ ല​ഭ്യ​മാ​ണ്. പി.​എ​ച്ച്.​സി.​സി​യു​മാ​യി സ​ഹ​ക​രി​ച്ച് എ​ല്ലാ സ്​​കൂ​ളു​ക​ളി​ലും സു​ര​ക്ഷി​ത​മാ​യ അ​ന്ത​രീ​ക്ഷം ഒ​രു​ക്കേ​ണ്ട​ത് പ്ര​ധാ​ന​മാ​ണെ​ന്നും വി​ദ്യാ​ഭ്യാ​സ മ​ന്ത്രാ​ല​യം അ​റി​യി​ച്ചു.

ബൂ​സ്​​റ്റ​ർ ഡോ​സു​മാ​യി ബ​ന്ധ​പ്പെ​ട്ട് മു​ഴു​വ​ൻ പൊ​തു, സ്വ​കാ​ര്യ സ്​​കൂ​ളു​ക​ളി​ലേ​ക്കും വി​ദ്യാ​ഭ്യാ​സ പ്ര​ക്രി​യ​യു​മാ​യി ബ​ന്ധ​പ്പെ​ട്ട ക​ക്ഷി​ക​ൾ​ക്കും വി​ദ്യാ​ഭ്യാ​സ മ​ന്ത്രാ​ല​യം പ്ര​ത്യേ​ക സ​ർ​ക്കു​ല​ർ അ​യ​ച്ചി​ട്ടു​ണ്ട്. മാ​സ്​​ക് ധ​രി​ക്കു​ക, സു​ര​ക്ഷി​ത അ​ക​ലം പാ​ലി​ക്കു​ക, വ്യ​ക്തി ശു​ചി​ത്വം പാ​ലി​ക്കു​ക തു​ട​ങ്ങി​യ സു​ര​ക്ഷ മു​ൻ​ക​രു​ത​ലു​ക​ളെ​ല്ലാം സ്​​കൂ​ളു​ക​ളി​ൽ ന​ട​പ്പാ​ക്ക​ണം. മ​ന്ത്രാ​ല​യ​ത്തി​ന് അ​ക​ത്തും പു​റ​ത്തു​മാ​യു​ള്ള മ​റ്റു അ​ധി​കാ​ര സ്​​ഥാ​പ​ന​ങ്ങ​ളു​മാ​യി സ​ഹ​ക​രി​ച്ച് പ്ര​വ​ർ​ത്തി​ക്ക​ണ​മെ​ന്നും സ​ർ​ക്കു​ല​റി​ൽ പ​റ​യു​ന്നു.

സ്​​കൂ​ൾ കെ​ട്ടി​ട​ത്തി​ൽ അ​ധ്യാ​പ​ക, അ​ഡ്മി​നി​സ്​​ട്രേ​റ്റി​വ് ജീ​വ​ന​ക്കാ​ർ​ക്കാ​യി നി​ശ്ച​യി​ച്ച സ​മ​യ​ക്ര​മം എ​ല്ലാ സ്​​കൂ​ളു​ക​ളും കൃ​ത്യ​മാ​യി പാ​ലി​ക്ക​ണം. ജ​നു​വ​രി 27 വ​രെ എ​ല്ലാ വി​ദ്യാ​ർ​ഥി​ക​ൾ​ക്കും വി​ദൂ​ര ഒ​ൺ​ലൈ​ൻ വി​ദ്യാ​ഭ്യാ​സ പ്ര​ക്രി​യ ന​ട​പ്പാ​ക്ക​ണം. ഓ​ൺ​ലൈ​ൻ ക്ലാ​സു​ക​ളി​ൽ വി​ദ്യാ​ർ​ഥി​ക​ളു​ടെ ഹാ​ജ​ർ നി​ല കൃ​ത്യ​മാ​യി രേ​ഖ​പ്പെ​ടു​ത്ത​ണം. ത​ത്സ​മ​യ ഒ​ൺ​ലൈ​ൻ ക്ലാ​സു​ക​ളി​ൽ കു​ട്ടി​ക​ൾ പ​ങ്കെ​ടു​ക്കേ​ണ്ട​തി​ന്‍റെ പ്രാ​ധാ​ന്യം ര​ക്ഷി​താ​ക്ക​ളെ ഓ​ർ​മി​പ്പി​ക്ക​ണ​മെ​ന്നും മ​ന്ത്രാ​ല​യം സ്​​കൂ​ള​ധി​കൃ​ത​രോ​ട് നി​ർ​ദേ​ശി​ച്ചു.