സു​ര​ക്ഷി​ത സ​മു​ദ്ര ഗ​താ​ഗ​തം; ഹൈ​ഡ്രോ​ഗ്രാ​ഫി​ക് സ​ർ​വേ​യു​മാ​യി മ​ന്ത്രാ​ല​യം

ദോ​ഹ: സ​മു​ദ്ര ഗ​താ​ഗ​ത പാ​ത​ക​ൾ കൂ​ടു​ത​ൽ കാ​ര്യ​ക്ഷ​മ​മാ​ക്കാ​ൻ ല​ക്ഷ്യ​മി​ട്ട് ഗ​താ​ഗ​ത മ​​ന്ത്രാ​ല​യം നേ​തൃ​ത്വ​ത്തി​ൽ ​ഹൈ​ഡ്രോ​ഗ്രാ​ഫി​ക് സ​ർ​വേ​ക്ക് തു​ട​ക്കം. സ​മു​ദ്ര​യാ​ത്രി​ക​രു​ടെ പ്ര​ധാ​ന ദി​ശാ സൂ​ച​ന​യാ​യ നാ​വി​ഗേ​ഷ​ൻ നോ​ട്ടി​ക്ക​ൽ ചാ​ർ​ട്ട് പു​തു​ക്കു​ക, ക​പ്പ​ലു​ക​ൾ രാ​ജ്യ​ത്തെ തീ​ര​ങ്ങ​ളി​ലേ​ക്കും തി​രി​കെ​യു​മു​ള്ള യാ​ത്ര നി​യ​ന്ത്രി​ക്കു​ന്ന​തി​നാ​യി ഉ​പ​യോ​ഗി​ക്കു​ന്ന ട്രാ​ഫി​ക് സെ​പ​റേ​ഷ​ൻ സ്കീം (​ടി.​എ​സ്.​എ​സ്) സ്ഥാ​പി​ക്കു​ക എ​ന്നീ ല​ക്ഷ്യ​ങ്ങ​ളു​മാ​യാ​ണ് ഹൈ​ഡ്രോ​ഗ്രാ​ഫി​ക് സ​ർ​വേ ന​ട​ത്തു​ന്ന​ത്.

ഇ​ന്റ​ർ​നാ​ഷ​ന​ൽ മാ​രി​ടൈം ഓ​ർ​ഗ​നൈ​സേ​ഷ​ൻ, ഇ​ന്റ​ർ​നാ​ഷ​ന​ൽ ഹൈ​ഡ്രോ​ഗ്രാ​ഫി​ക് ഓ​ർ​ഗ​നൈ​സേ​ഷ​ൻ, ഇ​ന്റ​ർ​നാ​ഷ​ന​ൽ ക​ൺ​വെ​ൻ​ഷ​ൻ ഫോ​ർ ദി ​സേ​ഫ്റ്റി ഓ​ഫ് ലൈ​ഫ് അ​റ്റ് സീ ​എ​ന്നി​വ നി​ർ​ദേ​ശി​ക്കു​ന്ന എ​ല്ലാ മാ​ന​ദ​ണ്ഡ​ങ്ങ​ളും പാ​ലി​ച്ചാ​ണ് സ​ർ​വേ ന​ട​ത്തു​ന്ന​ത്.

അ​ഞ്ച് ഘ​ട്ട​ങ്ങ​ളി​ലാ​യി ന​ട​പ്പാ​ക്കു​ന്ന സ​ർ​വേ പ്രോ​ജ​ക്ട് പ്ര​കാ​രം ന​ങ്കൂ​ര​മി​ടു​ന്ന മേ​ഖ​ല​ക​ൾ അ​ട​യാ​ള​പ്പെ​ടു​ത്തു​ക, ഖ​ത്ത​ർ സ​മു​ദ്ര പ​രി​ധി​യി​ൽ ക​പ്പ​ൽ അ​വ​ശി​ഷ്ട​ങ്ങ​ളു​ണ്ടെ​ങ്കി​ൽ തി​രി​ച്ച​റി​യു​ക, നാ​വി​ഗേ​ഷ​ൻ മാ​ർ​ക്ക​റു​ക​ൾ സ്ഥാ​പി​ക്കു​ക, ഖ​ത്ത​ർ സ​മു​ദ്ര മേ​ഖ​ല​യി​ലെ നോ​ട്ടി​ക്ക​ൽ ചാ​ർ​ട്ടു​ക​ൾ പു​തു​ക്കു​ക, റി​സ​ർ​വു​ക​ളു​ടെ സ്ഥാ​ന​ങ്ങ​ൾ​ക്കാ​യി നാ​വി​ഗേ​ഷ​ൻ മാ​ർ​ക്ക് സ്ഥാ​പി​ക്കു​ക എ​ന്നി​വ ഉ​ൾ​പ്പെ​ടു​ന്ന​താ​ണ് പ​ദ്ധ​തി.

ക​പ്പ​ലു​ക​ൾ​ക്കും ബോ​ട്ടു​ക​ൾ​ക്കും അ​ട​യാ​ള​മാ​യി പ്ര​വ​ർ​ത്തി​ക്കു​ന്ന​വ​യു​ടെ വെ​ളി​ച്ച​ശേ​ഷി വ​ർ​ധി​പ്പി​ക്കു​ന്ന​തി​ന് പ​രി​സ്ഥി​തി സൗ​ഹൃ​ദ സാ​​ങ്കേ​തി​ക വി​ദ്യ​ക​ളാ​യ ബാ​റ്റ​റി, ​സൗ​രോ​ർ​ജ സം​വി​ധാ​ന​ങ്ങ​ൾ ഉ​പ​യോ​ഗ​പ്പെ​ടു​ത്തും. സം​ര​ക്ഷി​ത മേ​ഖ​ല​ക​ളു​ടെ അ​ട​യാ​ള​മാ​യി നാ​വി​ഗേ​ഷ​ൺ മാ​ർ​ക്ക​റു​ക​ൾ സ്ഥാ​പി​ക്കും. സ​മു​ദ്ര ഗ​താ​ഗ​ത​വും ഒ​പ്പം ക​ട​ൽ പ​രി​സ്ഥി​തി​ക്കും സു​ര​ക്ഷ ശ​ക്ത​മാ​ക്കു​ക​യാ​ണ് പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്. ദേ​ശീ​യ വി​ക​സ​ന ന​യം, വി​ഷ​ൻ 2030 എ​ന്നി​വ​യു​ടെ ല​ക്ഷ്യ​ങ്ങ​ൾ​ക്ക് അ​നു​സൃ​തം കൂ​ടി​യാ​ണ് പ​ദ്ധ​തി.

ഇ​ന്റ​ർ​നാ​ഷ​ന​ൽ ഓ​ർ​ഗ​നൈ​സേ​ഷ​ൻ ഫോ​ർ മ​റൈ​ൻ എ​യ്ഡ​സ് ടു ​നാ​വി​ഗേ​ഷ​ൻ മാ​ന​ദ​ണ്ഡ​ങ്ങ​ൾ​ക്ക് വി​ധേ​മാ​യി ജീ​വ​ന​ക്കാ​ർ​ക്ക് പ​രി​ശീ​ല​ന​വും ന​ൽ​കും.