കു​ടും​ബ ശാ​ക്തീ​ക​ര​ണ പ​ദ്ധ​തി​യു​മാ​യി സാ​മൂ​ഹി​ക മ​ന്ത്രാ​ല​യം

ദോ​ഹ: പ​രി​ച​ര​ണ​ത്തി​ൽ നി​ന്നും ശാ​ക്​​തീ​ക​ര​ണ​ത്തി​ലേ​ക്ക്​ എ​ന്ന പ്ര​മേ​യ​വു​മാ​യി സാ​മൂ​ഹി​ക വി​ക​സ​ന, കു​ടും​ബ കാ​ര്യ​മ​ന്ത്രാ​ല​യ​ത്തി​ന്റെ ദേ​ശീ​യ സ്​​​ട്രാ​റ്റ​ജി അ​വ​ത​രി​പ്പി​ച്ചു. മ​ന്ത്രി​മാ​ർ ഉ​ൾ​പ്പെ​ടെ പ്ര​മു​ഖ​ർ പ​​ങ്കെ​ടു​ത്ത ച​ട​ങ്ങി​ൽ പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ​അ​ബ്​​ദു​ൽ​റ​ഹ്​​മാ​ൻ ആ​ൽ​ഥാ​നി​യാ​ണ്​ 2025-2030 ദേ​ശീ​യ സ്​​ട്രാ​റ്റ​ജി​യു​ടെ ഉ​ദ്​​ഘാ​ട​നം നി​ർ​വ​ഹി​ച്ച​ത്.

സാ​മൂ​ഹി​ക, കു​ടും​ബ വി​ക​സ​ന ക്ഷേ​മ പ്ര​വ​ർ​ത്ത​ന​ങ്ങ​ളി​ൽ കാ​ലോ​ചി​ത​മാ​യ മാ​റ്റ​ങ്ങ​ളു​ടെ ചി​ന്ത​ക​ളും ഉ​ൾ​ക്കൊ​ള്ളി​ച്ചു​കൊ​ണ്ടാ​ണ്​ പു​തി​യ ദേ​ശീ​യ പ​ദ്ധ​തി​യു​ടെ അ​വ​ത​ര​ണ​മെ​ന്ന്​ സാ​മൂ​ഹി​ക വി​ക​സ​ന, കു​ടും​ബ കാ​ര്യ​മ​ന്ത്രി ​ബു​ഥൈ​ന ബി​ൻ​ത്​ അ​ലി അ​ൽ ജാ​ബി​ർ അ​ൽ നു​ഐ​മി പ​റ​ഞ്ഞു. ഖ​ത്ത​രി സ​മൂ​ഹം നേ​രി​ടു​ന്ന ആ​വ​ശ്യ​ങ്ങ​ളെ അ​ടി​സ്ഥാ​ന​മാ​ക്കി പ​ര​മ്പ​രാ​ഗ​ത പ​രി​ച​ര​ണ മാ​തൃ​ക​യി​ൽ നി​ന്ന് കൂ​ടു​ത​ൽ സ​മ​ഗ്ര​വും ശാ​ക്തീ​ക​രി​ക്ക​പ്പെ​ട്ട​തും സു​സ്ഥി​ര​വു​മാ​യ സാ​മൂ​ഹി​ക സു​ര​ക്ഷ​യാ​ണ്​ പു​തി​യ പ​ദ്ധ​തി​യി​ലൂ​ടെ അ​വ​ത​രി​പ്പി​ക്കു​ന്ന​തെ​ന്നും അ​വ​ർ വി​ശ​ദീ​ക​രി​ച്ചു. വി​വി​ധ സ​ർ​ക്കാ​ർ സ്ഥാ​പ​ന​ങ്ങ​ൾ, പൗ​ര സ​മൂ​ഹ​വും സ്ഥാ​പ​ന​ങ്ങ​ളും, ഗ​വേ​ഷ​ണ കേ​ന്ദ്ര​ങ്ങ​ൾ എ​ന്നി​വ​യു​ടെ കൂ​ടി സ​​ഹാ​യ​ത്തോ​ടെ​യാ​ണ്​ പ​ദ്ധ​തി ത​യാ​റാ​ക്കി​യ​ത്. അ​ഞ്ചു പ്ര​ധാ​ന ഘ​ട​ക​ങ്ങ​ളി​ലൂ​ന്നി​യാ​ണ്​ ദേ​ശീ​യ സ്​​ട്രാ​റ്റ​ജി വി​ക​സി​പ്പി​ച്ച​ത്.

ഖ​ത്ത​രി കു​ടും​ബ​ങ്ങ​ൾ​ക്ക്​ മി​ക​ച്ച സാ​മൂ​ഹി​ക അ​ന്ത​രീ​ക്ഷം സൃ​ഷ്​​ടി​ക്കു​ക​യാ​ണ്​ പ്ര​ധാ​നം. വി​വി​ധ മേ​ഖ​ല​ക​ളി​ലും നേ​തൃ​ത​ല​ത്തി​ലും സ​ജീ​വ​മാ​യി ഇ​ട​പെ​ടാ​ൻ ക​ഴി​യും വി​ധം ഖ​ത്ത​രി വ​നി​ത​ക​ൾ​ക്ക്​ ശാ​ക്​​തീ​ക​ര​ണം ഉ​റ​പ്പാ​ക്കും. ഭി​ന്ന​ശേ​ഷി​ക്കാ​ർ, മു​തി​ർ​ന്ന​വ​ർ, വി​ധ​വ​ക​ൾ, വി​വാ​ഹ​മോ​ചി​ത​ർ, അ​നാ​ഥ​ക​ൾ ഉ​ൾ​പ്പെ​ടെ ദു​ർ​ബ​ല വി​ഭാ​ഗ​ങ്ങ​ൾ​ക്ക്​ സാ​മൂ​ഹി​ക സു​ര​ക്ഷ​ക്കും സേ​വ​ന​ത്തി​നും ഊ​ന്ന​ൽ ന​ൽ​കും. പൊ​തു, സാ​മൂ​ഹി​ക സം​ഘ​ട​ന​ക​ൾ, സ്​​ഥാ​പ​ന​ങ്ങ​ൾ എ​ന്നി​വ​ർ​ക്ക്​ ജീ​വ​കാ​രു​ണ്യ, സ​ന്ന​ദ്ധ സേ​വ​ന രം​ഗ​ത്ത്​ ഇ​ട​പെ​ടാ​നും പ്ര​വ​ർ​ത്തി​ക്കാ​നും പി​ന്തു​ണ ഉ​റ​പ്പാ​ക്കും. സാ​മ്പ​ത്തി​ക ശാ​ക്തീ​ക​ര​ണം, ഉ​ൽ​പാ​ദ​ന ക്ഷ​മ​ത ഉ​ൾ​പ്പെ​ടെ മേ​ഖ​ല​ക​ളി​ലൂ​ടെ കു​ടും​ബ​ങ്ങ​ൾ​ക്കും വ്യ​ക്തി​ക​ൾ​ക്കും ജീ​വി​ത​നി​ല​വാ​രം മെ​ച്ച​പ്പെ​ടു​ത്തു​ക​യും സു​പ്ര​ധാ​ന​മാ​യ ല​ക്ഷ്യ​ങ്ങ​ളി​ലൊ​ന്നാ​ണ്.