സഞ്ചരിക്കും ഓഫിസുമായി നീതിന്യായ മന്ത്രാലയം

ദോഹ: നീതിന്യായ മന്ത്രാലയത്തി​െൻറ സേവനങ്ങൾ ഓരോരുത്തരുടെയും വീട്ടുപടിക്കലെത്തിക്കാൻ 'അബ്​ഷിർ' പദ്ധതി.വാഹനത്തിൽ നിയമവിദഗ്​ധരടക്കം നിങ്ങളുടെ വീട്ടിലെത്തി നിയമപരമായ സൗകര്യങ്ങൾ ചെയ്​തുതരുന്ന സംവിധാനമാണിത്​.'അബ്​ഷിർ' എന്നാൽ സന്തോഷ വാർത്ത അറിയിക്കുക എന്നാണ്​ അർഥം.റിയൽ എസ്​റ്റേറ്റ്​ രജിസ്​ ട്രേഷൻ, ഡോക്യുമെ​േൻറഷൻ സർവിസുകൾ, ഓൺലൈനായി സമർപ്പിക്കപ്പെട്ട മറ്റ്​ ഇടപാടുകൾ തുടങ്ങിയ എല്ലാ സഹായങ്ങളും സഞ്ചരിക്കുന്ന ഈ ഓഫിസ്​ വഴി ജനങ്ങൾക്ക്​ ലഭ്യമാകും.

നീതിന്യായ വകുപ്പിലെ ബന്ധപ്പെട്ട ഉദ്യോഗസ്​ഥൻ വാഹനത്തിലുണ്ടാകും. ജനങ്ങളുടെ ഒപ്പുകൾ സ്വീകരിക്കൽ, രേഖകൾ സാക്ഷ്യപ്പെടുത്തൽ അടക്കമുള്ള കാര്യങ്ങൾ ചെയ്യാനുള്ള ആധുനിക സൗകര്യങ്ങളും വാഹനത്തിലുണ്ടാകും.

ഇതുവഴി പൊതുജനങ്ങൾക്ക്​ മന്ത്രാലയത്തിൽ നേരി​ട്ടെത്താതെ തന്നെ കാര്യങ്ങൾ ​നടത്താൻ സാധിക്കും. പ്രത്യേക ഫീസ്​ നൽകിയാണ്​ 'അബ്​ഷിർ' സേവനം ഉപയോഗപ്പെടുത്താൻ കഴിയുക. ആവശ്യമെങ്കിൽ ഗവൺമെൻറ്​ സ്​ഥാപനങ്ങൾ, സ്വകാര്യ സ്ഥാപനങ്ങൾ, മറ്റു വിഭാഗങ്ങൾ തുടങ്ങിയവർക്കും ഇതി​െൻറ സേവനം ഉപയോഗ​െപ്പടുത്താൻ സാധിക്കും. മന്ത്രാലയത്തി​െൻറ സേവനങ്ങൾ എല്ലായിടത്തും എല്ലാതരം ആളുകൾക്കും എത്തിക്കുക എന്ന ലക്ഷ്യത്തി​െൻറ ഭാഗമാണ്​ പുതിയ സേവനമെന്നും പ്രായമായവർ, ഭിന്നശേഷിക്കാർ തുടങ്ങി സമൂഹത്തി​െൻറ ഏത്​ വിഭാഗം ആളുകൾക്കും സേവനം ഉപയോഗപ്പെടുത്താമെന്നും മന്ത്രാലയം വാർത്തക്കുറിപ്പിൽ അറിയിച്ചു. പുരുഷ- വനിത ഉദ്യോഗസ്​ഥർ വാഹനത്തിലുണ്ടാകും. ഉപഭോക്​താക്കളുടെ സ്വകാര്യത മാനിച്ചുകൊണ്ടായിരിക്കും പ്രവർത്തനങ്ങൾ.