ഓൺലൈൻ ഡയറക്​ടറിയുമായി വാണിജ്യമന്ത്രാലയം

ദോഹ: തദ്ദേശീയ ഉൽപന്നങ്ങളുടെ നിർമാണവും വിപണനവും ​േപ്രാത്സാഹിപ്പിക്കുന്നതിൻെറ ഭാഗമായി ഉൽപാദകർക്കും നിർമാതാക്കൾക്കുമുള്ള ഓൺലൈൻ ഡയറക്ടറിയുമായി ഖത്തർ വാണിജ്യ-വ്യവസായ മന്ത്രാലയം. ഖത്തറിൽ ഉപഭോക്തൃ, വാണിജ്യ ഉൽപന്നങ്ങൾ നിർമിക്കുന്നവർക്ക്​ തങ്ങളുടെ ഫാക്ടറിയുടെയോ ഉൽപന്നത്തിൻെറയോ പേരും ലോഗോയും മറ്റു വിവരങ്ങളും ഉൾപ്പെടുത്തി മന്ത്രാലയം വെബ്​സൈറ്റ്​ വഴി രജിസ്​റ്റർ ചെയ്യാവുന്നതാണ്.

ഉൽപാദകർക്ക്​ ഉപഭോക്താവിലേക്ക്​ എളുപ്പത്തിൽ എത്താനും, അതുവഴി പ്രാദേശിക ഉൽപന്നങ്ങൾക്ക്​ ശക്തമായ അടിത്തറ സൃഷ്​ടിക്കാനുമാണ്​ മന്ത്രാലയത്തിൻെറ ഈ ശ്രമം. സ്ഥാപനങ്ങൾക്ക്​ സൗജന്യമായി ഡയറക്​ടറിയിൽ തങ്ങളുടെ പേരു ചേർക്കാനുള്ള അവസരം കൂടിയാണിത്​. രജിസ്​റ്റർ ചെയ്യേണ്ട ലിങ്ക്: https://www.moci.gov.qa/en/directory-of-manufacturers-and-producers-in-qatar/