വാ​ണി​ജ്യ മ​ന്ത്രാ​ല​യ ഏ​ക​ജാ​ല​ക സേ​വ​നം ഇ​നി വൈ​കു​ന്നേ​ര​വും

ദോ​ഹ: വാ​ണി​ജ്യ -വ്യ​വ​സാ​യ മ​ന്ത്രാ​ല​യ​ത്തി​ന് കീ​ഴി​ൽ ഉ​ച്ച​ക​ഴി​ഞ്ഞു​ള്ള സ​മ​യ​ത്ത് ഏ​ക​ജാ​ല​ക സേ​വ​ന​ത്തി​ന് തു​ട​ക്കം കു​റി​ച്ച് അ​ധി​കൃ​ത​ർ. പു​തി​യ പ്ര​വ​ർ​ത്ത​ന സ​മ​യം ഞാ​യ​റാ​ഴ്ച മു​ത​ൽ പ്രാ​ബ​ല്യ​ത്തി​ലായി. ലു​സൈ​ലി​ലെ വാ​ണി​ജ്യ മ​ന്ത്രാ​ല​യം കേ​ന്ദ്ര​ത്തി​ലാ​ണ് ഞാ​യ​ർ മു​ത​ൽ വ്യാ​ഴം​വ​രെ ദി​വ​സ​ങ്ങ​ളി​ൽ ഉ​ച്ച​ക​ഴി​ഞ്ഞ് ര​ണ്ടു​മു​ത​ൽ വൈ​കു​ന്നേ​രം ആ​റു​മ​ണി​വ​രെ ​വി​വി​ധ സേ​വ​ന​ങ്ങ​ൾ ഉ​റ​പ്പാ​ക്കു​ന്ന ഏ​ക​ജാ​ല​ക സൗ​ക​ര്യം പ്ര​വ​ർ​ത്തി​ക്കു​ന്ന​ത്.

നി​ക്ഷേ​പ​ക​ർ​ക്കു​ള്ള സേ​വ​ന​ങ്ങ​ളു​ടെ ല​ളി​ത​മാ​ക്കു​ന്ന​തി​നും ഗു​ണ​നി​ല​വാ​രം മെ​ച്ച​പ്പെ​ടു​ത്തു​ന്ന​തി​ന്റെ​യും ഭാ​ഗ​മാ​യാ​ണ് പു​തി​യ സാ​യാ​ഹ്ന സിം​ഗി​ൾ വി​ൻ​ഡോ ആ​രം​ഭി​ക്കു​ന്ന​ത്. ഖ​ത്ത​റി​ന്റെ വാ​ണി​ജ്യ, വ്യ​വ​സാ​യ​മേ​ഖ​ല​യെ കൂ​ടു​ത​ൽ പി​ന്തു​ണ​ക്കാ​ൻ സേ​വ​ന സൗ​ക​ര്യം വി​പു​ല​പ്പെ​ടു​ത്തു​ന്ന​ത് ഉ​പ​ക​രി​ക്കും. ഉ​ച്ച​ക്ക് ര​ണ്ടു​മു​ത​ൽ ആ​റു​വ​രെ സേ​വ​ന​ങ്ങ​ൾ വേ​ഗ​ത്തി​ലാ​ക്കാ​ൻ മ​ന്ത്രാ​ല​യം ​ജീ​വ​ന​ക്കാ​ർ ലു​ഹൈ​ൽ ഹെ​ഡ്ക്വാ​ർ​ട്ടേ​ഴ്സി​ൽ ല​ഭ്യ​മാ​കും.

നി​ക്ഷേ​പ​ക​ർ​ക്ക് ക​മ്പ​നി​ക​ളും വാ​ണി​ജ്യ സ്ഥാ​പ​ന​ങ്ങ​ളും ആ​രം​ഭി​ക്കു​ന്ന​തി​നു​ള്ള ആ​സൂ​ത്ര​ണം, ര​ജി​സ്ട്രേ​ഷ​ൻ, ലൈ​സ​ൻ​സ് തു​ട​ങ്ങി​യ വി​വി​ധ ന​ട​പ​ടി​ക​ളെ​ല്ലാം ഒ​രു സ്മാ​ർ​ട് പ്ലാ​റ്റ്ഫോം വ​ഴി ല​ഭ്യ​മാ​ക്കു​ന്ന​താ​ണ് ഏ​ക​ജാ​ല​ക സം​വി​ധാ​നം.