സം​ര​ക്ഷി​ത പ്ര​ദേ​ശ​ങ്ങ​ളി​ൽ പ​ട്രോ​ളി​ങ് ശ​ക്ത​മാ​ക്കാ​ൻ മ​ന്ത്രാ​ല​യം

ദോ​ഹ: പെ​രു​ന്നാ​ൾ അ​വ​ധി ദി​വ​സ​ങ്ങ​ളി​ൽ രാ​ജ്യ​ത്തെ പു​ൽ​മേ​ടു​ക​ളി​ലും സം​ര​ക്ഷി​ത പ്ര​ദേ​ശ​ങ്ങ​ളി​ലും പ​ട്രോ​ളി​ങ് ശ​ക്ത​മാ​ക്കു​മെ​ന്ന് പ​രി​സ്ഥി​തി കാ​ലാ​വ​സ്ഥ വ്യ​തി​യാ​ന മ​ന്ത്രാ​ല​യം അ​റി​യി​ച്ചു. പു​ൽ​മേ​ടു​ക​ളി​ലും സം​ര​ക്ഷി​ത പ്ര​ദേ​ശ​ങ്ങ​ളി​ലും പ​രി​സ്ഥി​തി നി​യ​മ​ങ്ങ​ൾ പാ​ലി​ക്കു​ക​യും പ്ര​ദേ​ശ​ങ്ങ​ളി​ലെ സ​ന്ദ​ർ​ശ​ക​രു​ടെ സു​ര​ക്ഷ ഉ​റ​പ്പാ​ക്കു​ക​യു​മാ​ണ് പ​രി​ശോ​ധ​ന കാ​മ്പ​യി​നു​ക​ളി​ലൂ​ടെ ല​ക്ഷ്യ​മി​ടു​ന്ന​തെ​ന്ന് മ​ന്ത്രാ​ല​യം വ്യ​ക്ത​മാ​ക്കി. പ്രാ​ദേ​ശി​ക ആ​വാ​സ​വ്യ​വ​സ്ഥ​യെ സം​ര​ക്ഷി​ക്കു​ന്ന​തി​നും സ​ന്ദ​ർ​ശ​ക​രെ ആ​ക​ർ​ഷി​ക്കു​ന്ന​തി​നു​മാ​യി പു​തി​യ സം​വി​ധാ​ന​ങ്ങ​ളോ​ടെ സ​ജ്ജ​മാ​ക്കി​യ നി​ര​വ​ധി പ്ര​കൃ​തി​ദ​ത്ത സം​ര​ക്ഷി​ത പ്ര​ദേ​ശ​ങ്ങ​ൾ ഖ​ത്ത​റി​ലു​ണ്ട്. കൂ​ടാ​തെ അ​വ​യു​ടെ സം​ര​ക്ഷ​ണ​വും പ​രി​പാ​ല​ന​ത്തി​നു​മാ​യി നി​ര​വ​ധി പ്ര​കൃ​തി സം​ര​ക്ഷ​ണ​കേ​ന്ദ്ര​ങ്ങ​ളും സം​ര​ക്ഷ​ണ മേ​ഖ​ല​ക​ളും സ്ഥാ​പി​ക്കു​ക​യും ചെ​യ്തി​ട്ടു​ണ്ട്.

സം​ര​ക്ഷി​ത പ്ര​ദേ​ശ​ങ്ങ​ളു​ടെ​യും വ​ന്യ​ജീ​വി​ക​ളു​ടെ​യും സു​ര​ക്ഷ​യും പ​രി​പാ​ല​ന ചു​മ​ത​ല​യു​മു​ള്ള പ്ര​കൃ​തി സം​ര​ക്ഷ​ണ​കേ​ന്ദ്ര​ങ്ങ​ൾ, അ​വ​യു​ടെ പാ​രി​സ്ഥി​തി​ക ഘ​ട​ക​ങ്ങ​ൾ നി​ല​നി​ർ​ത്തി​ക്കൊ​ണ്ട് ത​ന്നെ സം​ര​ക്ഷ​ണ ന​യ​ങ്ങ​ളും പ്ര​വ​ർ​ത്ത​ന​ങ്ങ​ളും മു​ന്നോ​ട്ട് വെ​ക്കു​ന്നു. വ​രും ത​ല​മു​റ​ക​ളു​ടെ ന​ല്ല ഭാ​വി​ക്കാ​യി വ​ന്യ​ജീ​വി​ക​ളു​ടെ സു​സ്ഥി​ര പ​രി​പാ​ല​നം, സം​ര​ക്ഷ​ണം തു​ട​ങ്ങി​യ​വ ഖ​ത്ത​റി​ന്റെ പ​രി​സ്ഥി​തി​യോ​ടു​ള്ള കാ​ഴ്ച​പ്പാ​ടി​ന്റെ ഉ​ദാ​ഹ​ര​ണ​ങ്ങ​ളാ​ണ്. ഖ​ത്ത​റി​ൽ വ​ന്യ​ജീ​വി​ക​ൾ​ക്കും സ​സ്യ ജ​ന്തു​ജാ​ല​ങ്ങ​ൾ​ക്കും പ്രാ​ധാ​ന്യം ന​ൽ​കി​ക്കൊ​ണ്ടു​ള്ള സം​ര​ക്ഷി​ത പ്ര​ദേ​ശ​ങ്ങ​ളു​ടെ ആ​കെ വി​സ്തീ​ർ​ണം 3464 ച​തു​ര​ശ്ര കി​ലോ​മീ​റ്റ​റാ​ണ്. രാ​ജ്യ​ത്തി​ന്റെ ആ​കെ വി​സ്തൃ​തി​യു​ടെ 23.6 ശ​ത​മാ​ന​ത്തോ​ളം വ​രു​മി​ത്.

അ​ൽ അ​രീ​ഖ്, അ​ൽ ദ​ഖീ​റ, ഖോ​ർ അ​ൽ ഉ​ദൈ​ദ്, അ​ൽ റി​ഫ, ഉ​മ്മു​ൽ അ​മ​ദ്, ഉ​മ്മു ഖ​ർ​ൻ, അ​ൽ സ​നാ​ഈ, അ​ൽ റീം, ​അ​ൽ ഷ​ഹാ​നി​യ, അ​ൽ മു​സാ​ഹ​ബി​യ, അ​ൽ ലു​സൈ​ൽ, വാ​ദി സു​ൽ​താ​ന തു​ട​ങ്ങി 12 സം​ര​ക്ഷി​ത പ്ര​കൃ​തി സം​ര​ക്ഷ​ണ​കേ​ന്ദ്ര​ങ്ങ​ൾ ഖ​ത്ത​റി​ലു​ണ്ട്. ഖോ​ർ അ​ൽ ഉ​ദൈ​ദ്, അ​ൽ ദ​ഖീ​റ റി​സ​ർ​വ് എ​ന്നി​ങ്ങ​നെ 720 ച​തു​ര​ശ്ര കി​ലോ​മീ​റ്റ​ർ വി​സ്തൃ​തി​യി​ൽ ര​ണ്ട് സ​മു​ദ്ര​കേ​ന്ദ്ര​ങ്ങ​ളും ഖ​ത്ത​ർ സം​ര​ക്ഷ​ണ വ​ല​യ​ത്തി​ലു​ൾ​പ്പെ​ടു​ത്തി​യി​ട്ടു​ണ്ട്.