പ​രി​സ്ഥി​തി സു​സ്ഥി​ര​ത ഖ​ത്ത​റി​ന്റെ പ്ര​ഥ​മ പ​രി​ഗ​ണ​ന -മ​ന്ത്രി

ദോ​ഹ: പ്ര​കൃ​തി​വി​ഭ​വ​ങ്ങ​ളു​ടെ സം​ര​ക്ഷ​ണം രാ​ജ്യ​ത്തി​ന്റെ പ്ര​ഥ​മ പ​രി​ഗ​ണ​നാ ഘ​ട​ക​മാ​ണെ​ന്ന് വ്യ​ക്ത​മാ​ക്കി ഖ​ത്ത​ർ പ​രി​സ്ഥി​തി കാ​ലാ​വ​സ്ഥ വ്യ​തി​യാ​ന മ​ന്ത്രി ഡോ. ​അ​ബ്ദു​ല്ല ബി​ൻ അ​ബ്ദു​ൽ അ​സീ​സ് ബി​ൻ തു​ർ​ക്കി അ​ൽ സു​ബൈ​ഈ.

പ​രി​സ്ഥി​തി സു​സ്ഥി​ര​ത പ്രോ​ത്സാ​ഹി​പ്പി​ക്കു​ന്ന​ത് ഖ​ത്ത​ർ പ്ര​ത്യേ​കം മു​ൻ​ഗ​ണ​ന ന​ൽ​കു​ന്ന​താ​യും, ഭാ​വി ത​ല​മു​റ​ക​ളു​ടെ ജീ​വി​ത നി​ല​വാ​രം ഉ​റ​പ്പാ​ക്കു​ന്ന​തി​ന് പ​രി​ശ്ര​മി​ക്കു​ന്നു​വെ​ന്നും ക്യു.​ആ​ർ.​ഡി.​ഐ കൗ​ൺ​സി​ലി​ൽ സ​സ്റ്റ​യി​ന​ബി​ലി​റ്റി റി​സ​ർ​ച്, ഡെ​വ​ല​പ്‌​മെ​ന്റ് ആ​ൻ​ഡ് ഇ​ന്ന​വേ​ഷ​ൻ ക​മ്യൂ​ണി​റ്റി ഉ​ദ്ഘാ​ട​നം ചെ​യ്തു​കൊ​ണ്ട് അ​ദ്ദേ​ഹം പ​റ​ഞ്ഞു.

വി​ഷ​ൻ 2030ന് ​കീ​ഴി​ൽ പ​രി​സ്ഥി​തി സു​സ്ഥി​ര​താ രം​ഗ​ത്ത് ശ്ര​ദ്ധേ​യ നേ​ട്ട​ങ്ങ​ളാ​ണ് രാ​ജ്യം ക​ര​സ്ഥ​മാ​ക്കി​യ​ത്. ജൈ​വ​വൈ​വി​ധ്യ​ത്തി​നും മ​ലി​നീ​ക​ര​ണ നി​രീ​ക്ഷ​ണ​ത്തി​നു​മാ​യി സ​മ​ഗ്ര ഡേ​റ്റാ​ബേ​സു​ക​ൾ രൂ​പ​പ്പെ​ടു​ത്തു​ന്ന​തോ​ടൊ​പ്പം, പ​രി​സ്ഥി​തി നി​രീ​ക്ഷ​ണ​ത്തി​നാ​യി ഡ്രോ​ണു​ക​ൾ, നി​ർ​മി​ത​ബു​ദ്ധി, മു​ന്ന​റി​യി​പ്പ് സം​വി​ധാ​ന​ങ്ങ​ൾ എ​ന്നി​വ​യു​ൾ​പ്പെ​ടെ ആ​ധു​നി​ക സാ​ങ്കേ​തി​ക​വി​ദ്യ​യു​ടെ സ​ഹാ​യ​ത്തോ​ടെ നി​ര​വ​ധി സം​വി​ധാ​ന​ങ്ങ​ളാ​ണ് മ​ന്ത്രാ​ല​യം വി​ക​സി​പ്പി​ച്ച​തെ​ന്നും മ​ന്ത്രി ചൂ​ണ്ടി​ക്കാ​ട്ടി.

ക്യു.​ആ​ർ.​ഡി.​ഐ കൗ​ൺ​സി​ലു​മാ​യി സ​ഹ​ക​രി​ച്ച് ക​ഴി​ഞ്ഞ വ​ർ​ഷം സ​മു​ദ്ര പ​രി​സ്ഥി​തി നി​രീ​ക്ഷ​ണം, വി​ദൂ​ര​സ്ഥ​ല​ങ്ങ​ളി​ലെ വി​വ​ര ശേ​ഖ​ര​ണം, കു​ടി​യേ​റ്റ പ​ക്ഷി​ക​ളെ കൈ​കാ​ര്യം ചെ​യ്യ​ൽ, പ​രി​സ്ഥി​തി ആ​ഘാ​ത​വും കാ​ർ​ബ​ൺ പു​റ​ന്ത​ള്ള​ലും വി​ല​യി​രു​ത്തു​ന്ന​തി​നു​ള്ള ഗ​വേ​ഷ​ണ പ​ങ്കാ​ളി​ത്തം തു​ട​ങ്ങി വൈ​വി​ധ്യ​മാ​ർ​ന്ന പ​ദ്ധ​തി​ക​ൾ മ​ന്ത്രാ​ല​യം ന​ട​പ്പാ​ക്കി​യ​താ​യും അ​ദ്ദേ​ഹം പ​റ​ഞ്ഞു.

അ​പ​ക​ട​ക​ര​മാ​യ രാ​സ​വ​സ്തു​ക്ക​ളു​ടെ സാ​ന്നി​ധ്യം വേ​ഗ​ത്തി​ൽ അ​റി​യു​ന്ന​തി​നു​ള്ള നൂ​ത​നാ​ശ​യ​ങ്ങ​ൾ, ട്ര​ക്ക് സു​ര​ക്ഷ നി​രീ​ക്ഷി​ക്കു​ന്ന​തി​നു​ള്ള ഉ​പ​ഗ്ര​ഹ വി​വ​ര​ങ്ങ​ളു​ടെ ഉ​പ​യോ​ഗം, പ​രി​സ്ഥി​തി ആ​വ​ശ്യ​ക​ത​ക​ൾ​ക്കാ​യു​ള്ള സ്മാ​ർ​ട്ട് സാ​ങ്കേ​തി​ക​വി​ദ്യ​ക​ൾ എ​ന്നി​വ​യും ഇ​തി​ന്റെ ഭാ​ഗ​മാ​ണെ​ന്നും മ​ന്ത്രി സൂ​ചി​പ്പി​ച്ചു.