ജ​യി​ക്കാ​ൻ മൈ​ൻ​ഡ് ഗെ​യി​മും പ്ര​ധാ​നം -പ്ര​കാ​ശ് പ​ദു​ക്കോ​ൺ

ദോ​ഹ: ഒ​ളി​മ്പി​ക്സ് ഉ​ൾ​പ്പെ​ടെ അ​ന്താ​രാ​ഷ്ട്ര കാ​യി​ക വേ​ദി​ക​ളി​ൽ ഫി​സി​ക്ക​ൽ ഗെ​യി​മി​നൊ​പ്പം മൈ​ൻ​ഡ് ഗെ​യി​മും ഏ​റെ പ്ര​ധാ​ന​മാ​ണെ​ന്ന് ഇ​ന്ത്യ​യു​ടെ ബാ​ഡ്മി​ന്റ​ൺ ഇ​തി​ഹാ​സം പ്ര​കാ​ശ് പ​ദു​ക്കോ​ൺ പ​റ​ഞ്ഞു. ഏ​ഷ്യ​ൻ ഗെ​യിം​സി​ലും ലോ​ക​ചാ​മ്പ്യ​ൻ​ഷി​പ്പു​ക​ളി​ലും മെ​ഡ​ലു​ക​ൾ നേ​ടു​ന്ന പ​ല താ​ര​ങ്ങ​ളും ഒ​ളി​മ്പി​ക്സി​ന്റെ ഏ​റ്റ​വും സു​പ്ര​ധാ​ന​മാ​യ വേ​ദി​യി​ലെ നി​ർ​ണാ​യ​ക മ​ത്സ​ര​ത്തി​ൽ തോ​ൽ​വി വ​ഴ​ങ്ങു​ന്ന​ത് മാ​ന​സി​ക ഗെ​യി​മി​ലെ അ​ഭാ​വം​കൊ​ണ്ടാ​ണ്.

ഒ​ളി​മ്പി​ക്സ് പോ​ലു​ള്ള വ​ലി​യ മ​ത്സ​ര​ങ്ങ​ള്‍ ജ​യി​ക്കാ​ന്‍ സ​മ്മ​ര്‍ദ​ത്തെ കൂ​ടി അ​തി​ജീ​വി​ക്കാ​ന്‍ പ​ഠി​ക്ക​ണം. അ​വി​ടെ മൈ​ന്‍ഡ് ഗെ​യിം ഏ​റെ പ്ര​ധാ​ന​മാ​ണ്. ക​ളി​ക്കാ​ര​ന് ശാ​രീ​രി​ക ക്ഷ​മ​ത​ക്ക് ന​ൽ​കു​ന്ന പ്ര​ധാ​ന്യം പോ​ലെ​ത്ത​ന്നെ മാ​ന​സി​ക ക​രു​ത്ത് വ​ർ​ധി​പ്പി​ക്കാ​നു​ള്ള പ​രി​ശീ​ല​ന​ത്തി​നും മു​ൻ​തൂ​ക്കം ന​ൽ​ക​ണം. സ്​​പോ​ർ​ട്സ് സൈ​ക്കോ​ള​ജി​സ്റ്റു​ക​ൾ, മെ​ന്റ​ലി​സ്റ്റ്, കൗ​ൺ​സ​ലി​ങ്, യോ​ഗ ഉ​ൾ​പ്പെ​ടെ വി​വി​ധ പ​ദ്ധ​തി​ക​ളും ഇ​തി​നാ​യി താ​ര​ങ്ങ​ൾ​ക്ക് ഉ​റ​പ്പാ​ക്ക​ണം -അ​ദ്ദേ​ഹം പ​റ​ഞ്ഞു.

സൈ​ന ​ന​ഹ്‍വാ​ളി​നെ​യും പി.​വി. സി​ന്ധു​വി​നെ​യും പോ​ലു​ള്ള പ്ര​തി​ഭ​ക​ള്‍ ഇ​നി​യും ഉ​യ​ര്‍ന്നു​വ​രു​മെ​ന്നും ദോ​ഹ​യി​ൽ ന​ട​ന്ന ‘പ​ദു​ക്കോ​ണ്‍ സ്കൂ​ള്‍ ഓ​ഫ് ബാ​ഡ്മി​ന്റ​ണ്‍’ പ്ര​ഖ്യാ​പ​ന​ത്തി​നി​ടെ അ​ദ്ദേ​ഹം മാ​ധ്യ​മ പ്ര​വ​ർ​ത്ത​ക​രോ​ട് പ​റ​ഞ്ഞു.

‘‘സൈ​ന​ക്കും സി​ന്ധു​വി​നും ശേ​ഷം ബാ​ഡ്മി​ന്റ​ണ്‍ കോ​ര്‍ട്ടി​ല്‍ ഇ​ന്ത്യ​ന്‍ കു​തി​പ്പി​ന് വേ​ഗം കു​റ​ഞ്ഞി​ട്ടു​ണ്ട് എ​ന്ന​ത് ശ​രി​യാ​ണ്. എ​ന്നാ​ൽ, വി​വി​ധ പ്രാ​യ വി​ഭാ​ഗ​ങ്ങ​ളി​ൽ ഇ​ന്ത്യ​ക്ക് ഒ​രു​പി​ടി താ​ര​ങ്ങ​ളു​ണ്ട്. അ​വ​ർ​ക്കാ​യി മി​ക​ച്ച അ​ടി​സ്ഥാ​ന സൗ​ക​ര്യ​ങ്ങ​ളും വി​വി​ധ ടൂ​ർ​ണ​മെ​ന്റു​ക​ളു​മു​ണ്ട്. അ​വ​രി​ൽ വ​ലി​യ പ്ര​തീ​ക്ഷ​യു​മു​ണ്ട്. 2030ൽ ​ഖ​ത്ത​റി​ൽ ന​ട​ക്കു​ന്ന​ത് ഉ​ൾ​പ്പെ​ടെ വ​രാ​നി​രി​ക്കു​ന്ന ഏ​ഷ്യ​ൻ ഗെ​യിം​സു​ക​ളി​ൽ ഇ​ന്ത്യ​ക്ക് മി​ക​ച്ച സം​ഘ​മു​ണ്ട്.

പ​ദു​ക്കോ​ൺ അ​ക്കാ​ദ​മി ഉ​ൾ​പ്പെ​ടെ ഇ​ന്ത്യ​യി​ലെ ബാ​ഡ്മി​ന്റ​ൺ പ​രി​ശീ​ല​ന കേ​ന്ദ്ര​ങ്ങ​ളി​ൽ ഓ​രോ വ​ർ​ഷ​വും ആ​യി​ര​ത്തോ​ളം താ​ര​ങ്ങ​ൾ​ക്ക് മി​ക​ച്ച പ​രി​ശീ​ല​നം ന​ൽ​കു​ന്നു​ണ്ട്. ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ൽ​നി​ന്നു​ള്ള താ​ര​ങ്ങ​ളു​ടെ വ​ര​വ് ശ്ര​ദ്ധേ​യ​മാ​ണ്’’ -പ്ര​കാ​ശ് പ​ദു​​ക്കോ​ൺ പ​റ​ഞ്ഞു.

ദോ​ഹ​യി​ല്‍ അ​ത്‍ല​ന്‍ സ്പോ​ര്‍ട്സു​മാ​യി ചേ​ര്‍ന്നാ​ണ് പ​ദു​ക്കോ​ണ്‍ സ്കൂ​ള്‍ ഓ​ഫ് ബാ​ഡ്മി​ന്റ​ണ്‍ പ്ര​വ​ർ​ത്ത​ന​മാ​രം​ഭി​ക്കു​ന്ന​ത്. ​അ​ഞ്ച് വ​യ​സ്സ് മു​ത​ലു​ള്ള കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും പ്ര​വേ​ശ​നം ന​ൽ​കും വി​ധ​മാ​ണ് അ​ക്കാ​ദ​മി​യു​ടെ പ്ര​വ​ർ​ത്ത​ന​മെ​ന്ന് ഭാ​ര​വാ​ഹി​ക​ൾ പ​റ​ഞ്ഞു. ദോ​ഹ​യി​ലെ അ​ക്കാ​ദ​മി​യി​ൽ മി​ക​ച്ച പ്ര​ക​ട​നം കാ​ഴ്ച​വെ​ക്കു​ന്ന​വ​ർ​ക്ക് ബം​ഗ​ളൂ​രു​വി​ലെ പ​ദു​​ക്കോ​ൺ സ്കൂ​ളി​ൽ പ​രി​ശീ​ല​ന​ത്തി​ന് അ​വ​സ​രം ന​ൽ​കും.

‌മെ​ഷാ​ഫി​ലെ ബീ​റ്റാ കേം​ബ്രി​ജ് സ്കൂ​ളി​ല്‍ ആ​ദ്യ അ​ക്കാ​ദ​മി​ക്ക് ന​വം​ബ​റി​ല്‍ തു​ട​ക്ക​മാ​കും. പ​ദു​ക്കോ​ൺ അ​ക്കാ​ദ​മി​യു​ടെ ഇ​ന്ത്യ​ക്ക് പു​റ​ത്തെ ആ​ദ്യ സം​രം​ഭ​ത്തി​നാ​ണ് ദോ​ഹ​യി​ൽ തു​ട​ക്ക​മാ​വു​ന്ന​​ത്.

അ​ത്‍ല​ൺ പ​ദു​ക്കോ​ണ്‍ അ​ക്കാ​ദ​മി​യു​ടെ ജ​ഴ്സി പ്ര​കാ​ശ​ന​വും, ധാ​ര​ണ​പ​ത്ര കൈ​മാ​റ്റ​വും ദോ​ഹ​യി​ൽ ന​ട​ന്നു. വാ​ര്‍ത്ത​സ​മ്മേ​ള​ന​ത്തി​ല്‍ ഇ​ന്ത്യ​ൻ സ്​​പോ​ർ​ട്സ് സെ​ന്റ​ർ പ്ര​സി​ഡ​ന്റ് ഇ.​പി. അ​ബ്ദു​റ​ഹ്മാ​ന്‍, അ​ത്‍ല​ന്‍ സ്പോ​ര്‍ട്സ് ഡ​യ​റ​ക്ട​ര്‍ റ​ബീ​ഹ സ​ഫീ​ര്‍ എ​ന്നി​വ​രും പ​ങ്കെ​ടു​ത്തു. ജ​ഴ്സി പ്ര​കാ​ശ​ന​ത്തി​ൽ ഐ.​എ.​സി.​ബി.​എ​ഫ് പ്ര​സി​ഡ​ന്റ് ഷാ​ന​വാ​സ് ബാ​വ, നി​ഹാ​ദ് അ​ലി, സ​ഫീ​ർ റ​ഹ്മാ​ൻ, പി.​എ​ൻ. ബാ​ബു​രാ​ജ​ൻ എ​ന്നി​വ​ർ പ​​ങ്കെ​ടു​ത്തു.