തുർക്കിയിൽ നിന്നും പാലെത്തി; ഹിറ്റായി

ദോഹ: അൽ മറായി പാൽ എന്നത്​ കാലങ്ങളായി ഖത്തറിലെ സ്വദേശികളുടെയും വിദേശികളുടെയും പ്രിയപ്പെട്ട ബ്രാൻഡാണ്​. സൗദിയിൽ നിന്നും ഇറക്കുമതി ചെയ്യുന്ന അൽ മറായിക്ക്​ പകരം മറ്റൊരു വിദേശ രാജ്യത്തുനിന്നുള്ള പാൽ എന്നത്​ ആദ്യം ചിന്തിക്കുക പലർക്കും ബുദ്ധിമുട്ടായിരുന്നു. എന്നാൽ ഇപ്പോൾ കഥ മാറി. 
തുർക്കിയിൽ നിന്നുള്ള പശുവിൻ പാൽ പാക്കറ്റുകൾ വിപണിയിൽ എത്തിയതോടുകൂടി അതി​​​െൻറ രുചിയും ഉപയോഗവും നല്ല അഭി​പ്രായത്തിന്​ കാരണമായതോടെ ‘വാമൊഴി’യിലൂടെ ഗുണഗണങ്ങൾ ജനങ്ങൾക്കിടയിൽ പ്രചരിച്ചു. 
മണിക്കൂറുകൾക്കകം തുർക്കിയുടെ പാൽ പാക്കറ്റുകൾ വിപണിയിൽ ‘ട്രൻഡാ’യി. 
ഒരു ലിറ്ററിന്​ നാല്​ റിയാലെ ഉള്ളൂ എന്നതും പാലി​​​െൻറ ഗുണവും രുചിയും മികച്ചതാണന്നും ഉപഭോക്താക്കൾ പറയുന്നു. തുർക്കിയിൽ നിന്നുള്ള വിവിധ പാലുത്​പ്പന്നങ്ങളും എത്തിയിട്ടുണ്ട്​.