തൃശൂർ ജില്ല സൗഹൃദ വേദി മെഡിക്കൽ ക്യാമ്പ്

ദോഹ: തൃശ്ശൂർ ജില്ല സൗഹൃദ വേദിയും നസീം അൽറബീഹ് മെഡിക്കൽ സെൻററും സംയുക്​തമായി സംഘടിപ്പിച്ച മെഡിക്കൽ ക്യാമ്പ് പങ്കാളിത്തംകൊണ്ട്​ ശ്രദ്ധേയമായി. ബ്ലഡ്‌ ഷുഗർ, പ്രഷർ, കൊളസ്‌ട്രോൾ, കാഴ്ച ശക്തി, പല്ല് തുടങ്ങിയ പരിശോധനക്ക് പുറമെ വിദഗ്ധ ഡോക്ടർമാരുടെ സേവനവും സൗജന്യമായി മരുന്നുകളും വിതരണം ചെയ്തു. മെഡിക്കൽ ക്യാമ്പിന് 600 ഓളം വേദി അംഗങ്ങൾ രജിസ്​റ്റർ ചെയ്തെങ്കിലും കോവിഡ് പ്രോട്ടോകോൾ പാലിക്കുന്നതിനായി എണ്ണം 450 ആയി പരിമിതപ്പെടുത്തുകയായിരുന്നു.

ക്യാമ്പ്​ വേദി അഡ്വൈസറി ബോർഡ് അംഗവും ഡയറക്ടറുമായ വി.എസ്. നാരായണൻ ഉദ്​ഘാടനം നിർവഹിച്ചു. ക്യാമ്പ് കോഓഡിനേറ്റർ മുഹമ്മദ് ഇസ്മയിൽ സ്വാഗതം പറഞ്ഞു. പ്രസിഡൻറ്​ മുഹമ്മദ് മുസ്തഫ അധ്യക്ഷത വഹിച്ചു. ജനറൽ സെക്രട്ടറി ശ്രീനിവാസൻ, നസ്സീം അൽ റബീഹ് അസിസ്​റ്റൻറ്​ കോഓപറേറ്റിവ് ആൻഡ്​​ റിലേഷൻഷിപ് മാനേജർ ഇക്ബാൽ അബ്​ദുല്ല, വക്ര ബ്രാഞ്ച് മാനേജർ റിയാസ് ഖാൻ, നഴ്സിങ്​ ഇൻചാർജ് ഷെമി അഷിം എന്നിവർ സംസാരിച്ചു. കോഓഡിനേറ്റർ സുഭാഷ് നന്ദി രേഖപ്പെടുത്തി.