മുതിർന്ന പ്രവാസി മാധ്യമ പ്രവർത്തകൻ ഐ.എം.എ റഫീഖ്​ അന്തരിച്ചു

ദോഹ : ഖത്തറിലെ മുതിർന്ന മധ്യമ പ്രവർത്തകനും കേരള ശബ്ദം, വീക്ഷണം എന്നിവയുടെ ദോഹ റിപോർട്ടറുമായ തൃശുർ വടക്കേകാട്​ സ്വദേശി ഐ. എം. എ റഫീഖ് (63) അന്തരിച്ചു. ഖത്തറിലെ ഇന്ത്യൻ മാധ്യമ പ്രവർത്തകരുടെ കൂട്ടായ്മ ആയ ഇന്ത്യൻ മീഡിയ ഫോറം സ്ഥാപക ഭാരവാഹിയും, ദീർഘകാലം പ്രസിഡന്റ്, ജനറൽ സെക്രട്ടറി പദവികൾ വഹിക്കുകയും ചെയ്​തിരുന്നു.

അസുഖ ബാധിതനായി ചികിത്സയിലായിരുന്ന ഇദ്ദേഹം, ഒന്നര മാസം മുമ്പാണ്​ നാട്ടിലേക്ക്​ മടങ്ങിയത്​. ഏതാനും ദിവസങ്ങളിലായി ഗുരുതരാവസ്​ഥയിലായിരുന്നു. ​ബുധനാഴ്ച വൈകുന്നേരം വീട്ടിൽ വെച്ചായിരുന്നു അന്ത്യം സംഭവിച്ചത്​.

വട​ക്കേകാട്​ മണികണ്​ഠേശ്വരം വീട്ടിലയിൽ പരേതരായ കുഞ്ഞിബാവ, ഖദീജ ദമ്പതികളുടെ മകനാണ്​. രഹനയാണ്​ ഭാര്യ. മക്കൾ: റിയ, റഈസ്​, ഫൈസൽ. മരുമക്കൾ: ദാർവിഷ്​ , സഫ്​ന (പൊന്നാനി). സഹോദരങ്ങൾ: ജലീൽ, അബ്​ദുല്ല (ഖത്തർ), ബഷീർ.ഖബറടക്കം ​വ്യാഴാഴ്​ച നടക്കും.

2006ൽ ഖത്തറിൽ പ്രവാസിയായി എത്തിയ ഐ.എം.എ റഫീഖ്​ സ്വകാര്യ സ്​ഥാപനത്തിലെ തൊഴിലിനൊപ്പം മാധ്യമ പ്രവർത്തന മേഖലയിലും സജീവമായിരുന്നു. നാട്ടിൽ കോൺഗ്രസിൻെറ സജീവ പ്രവർത്തകനായിരുന്ന ഇദ്ദേഹം, മുതിർന്ന നേതാക്കളുമായി അടുത്ത ബന്ധം നിലനിർത്തിയിരുന്നു. നിര്യാണത്തിൽ ഇന്ത്യൻ മീഡിയ ഫോറം ഖത്തർ അനുശോചിച്ചു.

മാ​ധ്യ​മ പ്ര​വ​ർ​ത്ത​ന​ത്തോ​ട്​ സ​ത്യ​സ​ന്ധ​ത പു​ല​ർ​ത്തി​യ വ്യ​ക്തി​ത്വം -ഐ.​എം.​എ​ഫ്​

ദോ​ഹ: ഖ​ത്ത​റി​ലെ ഇ​ന്ത്യ​ൻ മാ​ധ്യ​മ​പ്ര​വ​ർ​ത്ത​ക​രു​ടെ കൂ​ട്ടാ​യ്മ​യാ​യ ഇ​ന്ത്യ​ൻ മീ​ഡി​യ ഫോ​റ​ത്തി​ന്റെ സ്ഥാ​പ​ക നേ​താ​വും മു​ൻ ജ​ന​റ​ൽ സെ​ക്ര​ട്ട​റി​യു​മാ​യി​രു​ന്ന ഐ.​എം.​എ. റ​ഫീ​ഖി​ന്റെ നി​ര്യാ​ണ​ത്തി​ൽ ഇ​ന്ത്യ​ൻ മീ​ഡി​യ ഫോ​റം ഖ​ത്ത​ർ അ​നു​ശോ​ച​നം രേ​ഖ​പ്പെ​ടു​ത്തി. ഖ​ത്ത​റി​ലെ ആ​ദ്യ​കാ​ല മാ​ധ്യ​മ​പ്ര​വ​ർ​ത്ത​ക​രി​ൽ ഒ​രാ​ളാ​യി​രു​ന്ന ഐ.​എം.​എ. റ​ഫീ​ഖ് പ്ര​വാ​സി പ്ര​ശ്ന​ങ്ങ​ൾ ഇ​ന്ത്യ​യി​ലെ ഭ​ര​ണാ​ധി​കാ​രി​ക​ളു​ടെ ശ്ര​ദ്ധ​യി​ൽ​പെ​ടു​ത്തു​ന്ന​തി​ൽ വ​ലി​യ പ​ങ്കു​വ​ഹി​ക്കു​ക​യും മാ​ധ്യ​മ​പ്ര​വ​ർ​ത്ത​ന​ത്തോ​ട് എ​ന്നും സ​ത്യ​സ​ന്ധ​ത പു​ല​ർ​ത്തു​ക​യും ചെ​യ്​​ത വ്യ​ക്തി​ത്വ​മാ​യി​രു​ന്നു ഐ.​എം.​എ. റ​ഫീ​ഖ്​ എ​ന്നും ഐ.​എം.​എ​ഫ് അ​നു​ശോ​ച​ന സ​ന്ദേ​ശ​ത്തി​ൽ പ​റ​ഞ്ഞു.