നു​ഴ​ഞ്ഞു​ക​യ​റി​യ മൈ​ന​ക​ളെ തു​ര​ത്ത​ൽ; പിടികൂടി കൂട്ടിലടച്ചത് 35,838 മൈ​ന​ക​ളെ

ദോ​ഹ: ആ​കാ​ശ അ​തി​രു​ക​ൾ ക​ട​ന്ന് നു​ഴ​ഞ്ഞു​ക​യ​റി​യ മൈ​ന​ക​ളെ​ക്കൊ​ണ്ട് പൊ​റു​തി​മു​ട്ടി​യി​രി​ക്കു​ക​യാ​ണ് ഖ​ത്ത​ർ. വി​ള​ക​ൾ ന​ശി​പ്പി​ച്ചും, മ​റ്റു പ​ക്ഷി​ക​ളെ ആ​​ക്ര​മി​ച്ചും രാ​ജ്യ​ത്തി​ന്റെ സ്വാ​ഭാ​വി​ക പ​രി​സ്ഥി​തി​ക്ക് ആ​ഘാ​ത​മാ​യി മാ​റി​യ മൈ​ന​ക​ൾ​ക്കെ​തി​രെ ശ​ക്ത​മാ​യ ന​ട​പ​ടി​യാ​ണ് ഖ​ത്ത​ർ പ​രി​സ്ഥി​തി മ​ന്ത്രാ​ല​യം സ്വീ​ക​രി​ക്കു​ന്ന​ത്. പ​ദ്ധ​തി ആ​രം​ഭി​ച്ച​തി​നു​ശേ​ഷം ഏ​ക​ദേ​ശം 35,838 മൈ​ന​ക​ളെ പി​ടി​കൂ​ടി​യ​താ​യി പ​രി​സ്ഥി​തി കാ​ലാ​വ​സ്ഥ വ്യ​തി​യാ​ന വി​ഭാ​ഗം അ​റി​യി​ച്ചു. ഈ ​വ​ർ​ഷം ജ​നു​വ​രി മു​ത​ൽ ജൂ​ൺ വ​രെ​യു​ള്ള കാ​ല​യ​ള​വി​ൽ മാ​ത്രം 9416 പ​ക്ഷി​ക​ളെ​യാ​ണ് പി​ടി​കൂ​ടി​യ​ത്.തെ​ക്കു​കി​ഴ​ക്ക​ൻ ഏ​ഷ്യ​ൻ രാ​ജ്യ​ങ്ങ​ളി​ൽ​നി​ന്നെ​ത്തി കു​ടി​യേ​റി​യ​വ​ർ, തി​രി​ച്ചു​പോ​കു​ന്നി​ല്ലെ​ന്നു മാ​ത്ര​മ​ല്ല, ഖ​ത്ത​റി​ന്റെ പ​രി​സ്ഥി​തി​ക്കു​ത​ന്നെ മു​റി​വേ​ൽ​പി​ക്കും​വി​ധം വ​ള​ർ​ന്ന​തോ​ടെ​യാ​ണ് മ​ന്ത്രാ​ല​യം രം​ഗ​ത്തി​റ​ങ്ങി​യ​ത്.

രാ​ജ്യ​ത്തി​​ന്റെ വി​വി​ധ ഭാ​ഗ​ങ്ങ​ളി​ലാ​യി കൂ​ടു​ക​ൾ സ്ഥാ​പി​ച്ചാ​ണ് ഇ​വ​യെ പി​ടി​കൂ​ടു​ന്ന​ത്. മു​ൻ വ​ർ​ഷ​ങ്ങ​ളേ​ക്കാ​ൾ കൂ​ടു​ത​ൽ ശാ​സ്ത്രീ​യ​വും ആ​സൂ​ത്രി​ത​വു​മാ​യ പ​ദ്ധ​തി​ക​ളി​ലൂ​ടെ​യാ​ണ് മൈ​ന നി​യ​ന്ത്ര​ണം അ​ധി​കൃ​ത​ർ ന​ട​പ്പാ​ക്കു​ന്ന​ത്. ഓ​രോ ഘ​ട്ട​ത്തി​ലു​മാ​യി കൂ​ടു​ത​ൽ കൂ​ടു​ക​ൾ സ്ഥാ​പി​ച്ചാ​ണ് മൈ​ന​പി​ടി​ത്തം സ​ജീ​വ​മാ​ക്കു​ന്ന​ത്. ക​ഴി​ഞ്ഞ വ​ർ​ഷം 16 ഇ​ട​ങ്ങ​ളി​ലാ​യി​രു​ന്നു പ്ര​ത്യേ​ക കൂ​ടു​ക​ൾ ത​യാ​റാ​ക്കി സ്ഥാ​പി​ച്ച​തെ​ങ്കി​ൽ ഇ​ത്ത​വ​ണ തു​ട​ക്ക​ത്തി​ൽ 33 സ്ഥ​ല​ങ്ങ​ളി​ൽ കൂ​ടു​ക​ൾ വെ​ച്ചാ​ണ് മൈ​ന​ക​ളെ കെ​ണി​യി​ലാ​ക്കി​യ​ത്. ​പി​ന്നീ​ട് ജൂ​ൺ മാ​സ​ത്തി​ൽ അ​ത് 35 സ്ഥ​ല​ങ്ങ​ളി​ൽ 611 കൂ​ടു​ക​ളാ​യി വ​ർ​ധി​പ്പി​ച്ചു. മൈ​ന​ക​ളു​ടെ കൂ​ടു​ത​ൽ സാ​ന്നി​ധ്യ​മു​ള്ള സ്ഥ​ല​ങ്ങ​ൾ ക​ണ്ടെ​ത്തി​യാ​ണ് ഇ​വി​ട​ങ്ങ​ളി​ൽ കെ​ണി​യൊ​രു​ക്കി പി​ടി​കൂ​ടു​ന്ന​ത്.

ക​ഴി​ഞ്ഞ വ​ർ​ഷം 150ഓ​ളം കൂ​ടു​ക​ളാ​ണ് സ്ഥാ​പി​ച്ച​തെ​ങ്കി​ൽ, ജ​നു​വ​രി​യി​ൽ 434 കൂ​ടു​ക​ളി​ലൂ​ടെ 1512 മൈ​ന​ക​ളെ​യാ​ണ് പി​ടി​കൂ​ടി​യ​ത്. ഫെ​ബ്രു​വ​രി​യി​ൽ 1350ഉം, ​മാ​ർ​ച്ചി​ൽ 1461ഉം, ​ഏ​പ്രി​ലി​ൽ 1613ഉം ​എ​ണ്ണ​ത്തെ പി​ടി​കൂ​ടി.കാ​ഴ്ച​യി​ൽ നി​സ്സാ​ര​നും നി​രു​പ​ദ്ര​വ​കാ​രി​യു​മെ​ങ്കി​ലും പ​രി​സ്ഥി​തി​ക്ക് വ​ലി​യ ശ​ല്യ​ക്കാ​ര​നാ​യാ​ണ് മൈ​ന​യെ വി​ല​യി​രു​ത്തു​ന്ന​ത്. ആ​ക്ര​മ​ണാ​ത്മ​ക സ്വ​ഭാ​വം കാ​ര​ണം മ​റ്റു പ​ക്ഷി​വ​ർ​ഗ​ങ്ങ​ളു​ടെ നി​ല​നി​ൽ​പു​ത​ന്നെ ഭീ​ഷ​ണി​യാ​വു​ന്നു. ഫാ​മു​ക​ളി​ലും തോ​ട്ട​ങ്ങ​ളി​ലും വി​ള​ക​ൾ ന​ശി​പ്പി​ക്കു​ക മാ​ത്ര​മ​ല്ല, മ​ലേ​റി​യ, പ​ക​ർ​ച്ച​വ്യാ​ധി​ക​ൾ ഉ​ൾ​പ്പെ​ടെ രോ​ഗ​ങ്ങ​ൾ പ​ട​ർ​ത്താ​നും ശേ​ഷി​യു​ണ്ട്. രോ​ഗം പ​ക​ർ​ത്തു​ന്ന​ത് പ്രാ​ദേ​ശി​ക പ​ക്ഷി-​ജീ​വ വ​ർ​ഗ​ങ്ങ​ളു​ടെ വം​ശ​നാ​ശ​ത്തി​നും കാ​ര​ണ​മാ​കു​ന്ന​താ​യി പ​ഠ​ന​ങ്ങ​ൾ സൂ​ചി​പ്പി​ക്കു​ന്നു. രാ​ജ്യാ​തി​ർ​ത്തി​ക​ളും ക​ട​ലും ക​ട​ന്ന് പ​റ​ന്നെ​ത്തു​ന്ന മൈ​ന​ക​ളു​ടെ എ​ണ്ണം പെ​രു​കി​യ​തോ​ടെ​യാ​ണ് പ​രി​സ്ഥി​തി മ​ന്ത്രാ​ല​യം ന​ട​പ​ടി ശ​ക്ത​മാ​ക്കി​യ​ത്.

നി​രീ​ക്ഷി​ക്കാ​നും പി​ടി​കൂ​ടാ​നും, വേ​ണ്ട രൂ​പ​ത്തി​ൽ ഇ​വ​യെ തു​ര​ത്താ​നു​മെ​ല്ലാ​മാ​യി മി​ക​ച്ച ഫീ​ൽ​ഡ് വ​ർ​ക്ക് സം​ഘ​ത്തെ​യും സ​ജ്ജ​മാ​ക്കി​യി​ട്ടു​ണ്ട്. പൂ​ർ​ണ​മാ​യും ഇ​വ​യു​ടെ വ​ര​വ് ത​ട​യു​ക​യും, പെ​രു​പ്പം നി​യ​ന്ത്രി​ക്കു​ക​യും രാ​ജ്യ​ത്തെ പ​ക്ഷി-​ജീ​വ​ജാ​ല​ങ്ങ​ളു​ടെ സം​ര​ക്ഷ​ണം ഉ​റ​പ്പാ​ക്കു​ക​യു​മെ​ല്ലാം മ​ന്ത്രാ​ല​യം നേ​തൃ​ത്വ​ത്തി​ലെ സ​മി​തി​യു​ടെ ചു​മ​ത​ല​യാ​ണ്. ഖ​ത്ത​റി​ന്റെ​ത് ഉ​ൾ​പ്പെ​ടെ മേ​ഖ​ല​യി​ലെ പ​രി​സ്ഥി​തി, വൈ​വി​ധ്യ​ങ്ങ​ൾ​ക്ക് ഭീ​ഷ​ണി​യാ​യ പ​ക്ഷി​യാ​യാ​ണ് മൈ​ന​യെ ക​ണ​ക്കാ​ക്കു​ന്ന​ത്. സാ​ധാ​ര​ണ സീ​സ​ണു​ക​ളി​ലെ​ത്തു​ന്ന ദേ​ശാ​ട​ന​ക്കി​ളി​ക​ൾ നി​ശ്ചി​ത സ​മ​യ​ത്തി​നു​ശേ​ഷം മ​ട​ങ്ങു​ന്നു​വെ​ങ്കി​ൽ ഇ​വ വാ​സം ഉ​റ​പ്പി​ക്കു​ക​യും, കു​ടി​യേ​റി​യ സ്ഥ​ല​ങ്ങ​ളി​ലെ പ​രി​സ്ഥി​തി​ക്ക് ആ​ഘാ​ത​മാ​യി തു​ട​രു​ക​യും ചെ​യ്യു​ന്ന​താ​യി പ​ക്ഷി നി​രീ​ക്ഷ​ക​ർ പ​റ​യു​ന്നു. ഇ​തോ​ടെ​യാ​ണ് 2022 ന​വം​ബ​ർ മു​ത​ൽ പ​രി​സ്ഥി​തി മ​ന്ത്രാ​ല​യം മൈ​ന​പി​ടി​ത്തം സ​ജീ​വ​മാ​ക്കി​യ​ത്.