മാംസം അറവ്​ ചെയ്യുന്നതിനുള്ള ക്രമീകരണങ്ങൾ  തയ്യാറായതായി ആരോഗ്യ നിയന്ത്രണ വിഭാഗം 

ദോഹ: റമദാന്‍, ഈദുല്‍ ഫിത്തര്‍ ആഘോഷങ്ങള്‍ക്കാവശ്യമായ  മാംസം അറവ്​ ചെയ്യുന്നതിനുള്ള ക്രമീകരണങ്ങൾ  തയ്യാറാതായി ദോഹ നഗരസഭയിലെ ആരോഗ്യ നിയന്ത്രണ വിഭാഗം മേധാവി മുഹമ്മദ് അഹമ്മദ് ബുഹാഷിം അല്‍സെയ്ദ് അറിയിച്ചു. റംസാനില്‍ മാംസ വിപണിയിലെ ആവശ്യകത കണക്കിലെടുത്ത്​ ദിവസംതോറും 4,000-4,500 മൃഗങ്ങളെ അറവ്​ ചെയ്യേണ്ടി വരുമെന്നും അദ്ദേഹം പറഞ്ഞു. മൃ​ഗങ്ങളെ അറവുചെയ്യുന്നതിന്​ മുമ്പ്​ കൃത്യമായ പരിശോധനകൾ നടത്തുന്നുണ്ട്​. ദോഹയിലെ നാല് അറവുശാലകളിലേക്കായി മുപ്പതോളം മൃഗഡോക്ടര്‍മാരാണ്​ പരിശോധനകൾക്ക്​ നേതൃത്വം നൽകുന്നത്​. ഇൗ വർഷം തുടക്കം മുതൽ ഇതുവരെ ഭക്ഷണശാലകളിൽ 8,500 പരിശോധനകളില്‍ 49 ഭക്ഷണശാലകള്‍ അടപ്പിക്കുകയും 96 ലംഘനങ്ങള്‍ പിടികൂടുകയും ചെയ്തിട്ടുണ്ട്​. ജനുവരി, ഏപ്രില്‍ മാസങ്ങളിലാണ് നിയമലംഘനങ്ങൾ കൂടുതലായി റിപ്പോർട്ട്​ ചെയ്​തതും കൂടുതല്‍ ഭക്ഷ്യശാലകള്‍ അടച്ച്​ പൂട്ടിയതും. ജനുവരിയില്‍ പതിനഞ്ചും ഏപ്രിലില്‍ പതിനാലും സ്ഥാപനങ്ങളാണ്​ പരിശോധനയിൽ നിയമം പാലിക്കാത്തതിനെ തുടർന്ന്​ അടപ്പിച്ചത്​. 

റമദാൻ പ്രമാണിച്ച്​ വ്യവസായ മേഖലയിലെ ഭക്ഷ്യശാലകളിലും ഹൈപ്പര്‍മാര്‍ക്കറ്റുകളിലുമാണ് കൂടുതല്‍ പരി​േ​ശാധനകൾ  നടത്തുമെന്നും അദ്ദേഹം പറഞ്ഞു.  ഇഫ്താര്‍ കൂടാരങ്ങളില്‍ സന്നദ്ധ സംഘടനകളുമായി സഹകരിച്ച് ഭക്ഷ്യ സുരക്ഷക്ക്​ വേണ്ടതെല്ലാം സ്വീകരിക്കുന്നുണ്ട്​. കൂടുതല്‍ വേഗവും സുതാര്യതയും ഉറപ്പുവരുത്താനായി ഭക്ഷ്യശാലകളില്‍ ഡിജിറ്റല്‍ ഗഡ്ജറ്റുകള്‍ ഉപ​േയാഗിച്ചുള്ള പരി​േശാധന വിജയം കാണുന്നതായും അ​േദ്ദഹം പറഞ്ഞു.