മാ​വേ​ലി ‘മു​ന്ന ഭാ​യ്​’ നാ​ടു​വാ​ണീ​ടും കാ​ലം

ഓ​ണ​വും തി​രു​വോ​ണ​വും ക​ഴി​ഞ്ഞ്​ മാ​വേ​ലി കേ​ര​ളം വി​ട്ട്​ പാ​താ​ള​ത്തി​ലേ​ക്ക്​ മ​ട​ങ്ങി​യെ​ങ്കി​ലും ഇ​വി​ടെ ഖ​ത്ത​റി​ലെ എ​ല്ലാ ആ​ഴ്​​ച​യി​ലും മാ​വേ​ലി​യു​ണ്ട്. പ്ര​ജ​ക​ളു​ടെ ക്ഷേ​മം അ​ന്വേ​ഷി​ച്ചും അ​വ​ർ​ക്ക്​ സ​ന്തോ​ഷം​പ​ക​ർ​ന്നും സെ​ൽ​ഫി​ക്ക്​ പു​ഞ്ചി​രി​ച്ച്​ പോ​സ്​ ചെ​യ്​​തും ക്ഷ​ണി​ക്കു​ന്ന​വ​രു​ടെ വീ​ടു​ക​ളി​ലെ​ത്തി അ​നു​ഗ്ര​ഹം ചൊ​രി​ഞ്ഞും അ​ദ്ദേ​ഹം ബി​സി​യാ​ണ്. ഓ​ണം ക​ഴി​ഞ്ഞ്​ മാ​സ​ങ്ങ​ളാ​യെ​ങ്കി​ലും ഖ​ത്ത​റി​ലെ മ​ല​യാ​ളി​ക​ളു​ടെ മാ​വേ​ലി​ത്ത​മ്പു​രാ​ൻ ‘മു​ന്നാ ഭാ​യി​ക്ക്​’ തി​ര​ക്കൊ​ഴി​യു​ന്നി​ല്ല. എ​ല്ലാ വെ​ള്ളി, ശ​നി ദി​വ​സ​ങ്ങ​ളി​ലും അ​തി​രാ​വി​ലെ ച​മ​യ​മു​റി​യി​ൽ ക​യ​റ​ണം. ഒ​ന്ന​ര മ​ണി​ക്കൂ​ർ നീ​ണ്ട മേ​ക്ക​പ്പും ക​ഴി​ഞ്ഞ്, ഓ​ല​ക്കു​ട​യും ചൂ​ടി, ഓ​ണാ​ഘോ​ഷ വേ​ദി​ക​ളി​ലേ​ക്ക്. ഓ​ണ​വേ​ദി​ക​ളി​ൽ​നി​ന്ന് വേ​ദി​ക​ളി​ലേ​ക്കു​ള്ള യാ​ത്ര​ക്ക്​ ഒ​ക്​​ടോ​ബ​ർ മാ​സം പി​ന്നി​ടു​മ്പോ​ഴും ഒ​ഴി​വു​ക​ളി​ല്ല.

ആ​ഗ​സ്​​റ്റി​ലാ​യി​രു​ന്നു കേ​ര​ള​ത്തി​ലെ​മ്പാ​ടും ഓ​ണം ആ​ഘോ​ഷി​ച്ച​തെ​ങ്കി​ൽ, പ്ര​വാ​സ​ത്തി​ലെ ഓ​ണം അ​ത്തം പ​ത്തി​ന്​ തീ​രു​ന്ന​ത​ല്ല. ചി​ങ്ങ​ത്തി​ൽ തു​ട​ങ്ങി, അ​ടു​ത്ത ക്രി​സ്​​മ​സ്​ ആ​ഘോ​ഷം വ​രെ പ്ര​വാ​സ​ത്തി​ലെ ഓ​ണം നീ​ണ്ടു​നി​ൽ​ക്കും എ​ന്നാ​ണ്​ പ​തി​വ്. ​ജോ​ലി​ത്തി​ര​ക്കു​ക​ളും ക​ഴി​ഞ്ഞ്, വാ​രാ​ന്ത്യ​ത്തി​ലെ വെ​ള്ളി, ശ​നി ദി​വ​സ​ങ്ങ​ളി​ൽ ആ​ഘോ​ഷ​ങ്ങ​ൾ​ക്കാ​യി ഒ​ത്തു​കൂ​ടു​​മ്പോ​ൾ സ​ദ്യ​യും ഓ​ണ​പ​രി​പാ​ടി​ക​ളും​പോ​ലെ ഒ​ഴി​ച്ചു​കൂ​ടാ​നാ​വാ​ത്ത ഒ​ന്നാ​ണ്​ ​ഖ​ത്ത​ർ പ്ര​വാ​സി​ക​ൾ​ക്ക്​ ഇ​ന്ന്​ മു​ന്നാ ഭാ​യ്​ മാ​വേ​ലി.

കോ​ഴി​ക്കോ​ട്​ ജി​ല്ല​യി​ലെ പ​യ്യോ​ളി തു​റ​യൂ​ർ സ്വ​ദേ​ശി​യാ​യ മു​ന്നാ ഭാ​യ്​ എ​ന്ന പ​യ​റ്റു​മ​ണ്ണി​ൽ ഷാ​ജ​ഹാ​ൻ പ്ര​മു​ഖ സ്വ​കാ​ര്യ ക​മ്പ​നി​യാ​യ അ​ലി ബി​ൻ അ​ലി​യി​ലെ ജീ​വ​ന​ക്കാ​ര​നാ​ണ്.

ഇ​വി​ടെ​നി​ന്ന് വാ​രാ​ന്ത്യ​ത്തി​ലെ അ​വ​ധി അ​നു​സ​രി​ച്ചാ​ണ്​ മാ​വേ​ലി ബു​ക്കി​ങ്​ ഷെ​ഡ്യൂ​ൾ ചെ​യ്യു​ന്ന​തെ​ന്ന്​ മു​ന്നാ ഭാ​യ്​ പ​റ​യു​ന്നു. ച​മ​യം ദോ​ഹ​യു​ടെ ദി​നേ​ശ്, ര​ഞ്​​ജി​ത്ത്​ എ​ന്നി​വ​രാ​ണ്​ മേ​ക്ക​പ്പു​കാ​രാ​യി പ്ര​വ​ർ​ത്തി​ക്കു​ന്ന​ത്. ഓ​രോ മേ​ക്ക​പ്പി​നും വ​സ്​​ത്ര​ങ്ങ​ൾ​ക്കു​മാ​യി 500 റി​യാ​ലെ​ങ്കി​ലും ചെ​ല​വ്​ വ​രും. വേ​ഷം​കെ​ട്ടു​ന്ന ദി​വ​സ​ങ്ങ​ളി​ൽ അ​തി​രാ​വി​ലെ​ത​ന്നെ മേ​ക്ക​പ്പ്​ മു​റി​യി​ൽ ക​യ​റ​ണം. ഒ​ന്ന​ര മ​ണി​ക്കൂ​റി​ലേ​റെ മേ​ക്ക​പ്പി​നു​ത​ന്നെ വേ​ണ്ടി​വ​രും. പി​ന്നീ​ട്, പ​രി​പാ​ടി​യു​ടെ വേ​ദി​യി​ലെ​ത്തി​ക്ക​ഴി​ഞ്ഞാ​ൽ ഭ​ക്ഷ​ണ​​മൊ​ന്നു​മി​ല്ലാ​തെ വൈ​കും വ​രെ മാ​വേ​ലി പ്ര​ജ​ക​ൾ​ക്കി​ട​യി​ലാ​ണ്. സ​ന്തോ​ഷ​ത്തോ​ടെ അ​രി​കി​ലെ​ത്തു​ന്ന​വ​ർ​ക്ക്​ ഫോ​​ട്ടോ​ക്കാ​യി പോ​സ്​ ചെ​യ്​​തും എ​ല്ലാ​വ​ർ​ക്കും ചി​രി സ​മ്മാ​നി​ച്ചും ഖ​ത്ത​റി​ലെ ഓ​ണാ​ഘോ​ഷ വേ​ദി​യെ പ്രൗ​ഢ​മാ​ക്കി മു​ന്നാ ഭാ​യ്​ ഉ​ണ്ടാ​കും.

ഓ​ണം തു​ട​ങ്ങി​യാ​ൽ മി​ക്ക​വാ​റും വെ​ള്ളി, ശ​നി ദി​വ​സ​ങ്ങ​ളി​ൽ മാ​വേ​ലി​വേ​ഷ​ത്തി​ലാ​യി​രി​ക്കും. ഒ​രു ദി​വ​സം​ത​ന്നെ ഒ​ന്നി​ലേ​റെ ഇ​ട​ങ്ങ​ളി​ൽ പ്ര​വാ​സി​ക​ളു​ടെ മാ​വേ​ലി അ​നു​ഗ്ര​ഹ​വു​മാ​യി സാ​ന്നി​ധ്യ​മ​റി​യി​ക്കേ​ണ്ടി​വ​രും. വി​വി​ധ കൂ​ട്ടാ​യ്​​മ​ക​ളു​ടെ പ​രി​പാ​ടി​ക​ളി​ൽ, നാ​ലും അ​ഞ്ചും കു​ടും​ബ​ങ്ങ​ൾ ഒ​ത്തു​ചേ​രു​ന്ന വീ​ടു​ക​ളി​ലെ ആ​ഘോ​ഷ​ങ്ങ​ളി​ൽ അ​ങ്ങ​നെ എ​ല്ലാ​യി​ട​ത്തു​മാ​യി ഓ​ടി​യെ​ത്തും. ​ഖ​ത്ത​റി​ൽ മാ​ത്ര​മ​ല്ല, ഈ ​വ​ർ​ഷം ബ​ഹ്​​റൈ​ൻ, ദു​ബൈ എ​ന്നി​വി​ട​ങ്ങ​ളി​ലു​മെ​ത്തി​യും മാ​വേ​ലി വേ​ഷ​മ​ണി​ഞ്ഞി​രു​ന്നു.

സ്​​കൂ​ൾ പ​ഠ​ന​കാ​ല​ത്ത്​ നാ​ട​ക​ങ്ങ​ളി​ലും മ​റ്റു​മാ​യി അ​ഭി​ന​യ​മി​ക​വ്​ തെ​ളി​യി​ച്ച ഷാ​ജ​ഹാ​ൻ, പ്ര​വാ​സ​ത്തി​ലെ തി​ര​ക്കി​നി​ട​യി​ലും ക​ല​യും അ​ഭി​ന​യ​വും മ​റ​ന്നി​ട്ടി​ല്ല. വി​വി​ധ ഷോ​ർ​ട്ട്ഫി​ലി​മു​ക​ളി​ലും മ​റ്റു​മാ​യി ഇ​തി​ന​കം പ​ല വേ​ഷ​ങ്ങ​ളും ചെ​യ്​​തു. അ​തി​നി​ട​യി​ലാ​ണ്, ത​ടി​യും ഉ​യ​ര​വു​മു​ള്ള ശ​രീ​രം ക​ണ്ട്​ സു​ഹൃ​ത്തു​ക്ക​ൾ മു​ന്നാ ഭാ​യി​യെ ​മാ​വേ​ലി​വേ​ഷ​ത്തി​ന്​ ക്ഷ​ണി​ക്കു​ന്ന​ത്. ആ​ദ്യം ഒ​രു ത​മാ​ശ എ​ന്ന നി​ല​യി​ൽ ഏ​റ്റെ​ടു​ത്ത ​മാ​വേ​ലി​വേ​ഷം ഖ​ത്ത​റി​ലെ പ്ര​വാ​സി മ​ല​യാ​ളി​ക​ൾ ഏ​റ്റെ​ടു​ത്തു. പി​ന്നെ, എ​ല്ലാ ആ​ഴ്​​ച​ക​ളി​ലും തി​ര​ക്കാ​യി. എ​ല്ലാ ആ​ഘോ​ഷ ച​ട​ങ്ങി​ലും സാ​ന്നി​ധ്യം നി​ർ​ബ​ന്ധ​മാ​യ​തോ​ടെ വേ​ദി​ക​ളി​ൽ​നി​ന്ന്​ വേ​ദി​ക​ളി​ലേ​ക്കു​ള്ള ഓ​ട്ട​മാ​യി.

ചി​ല വേ​ദി​ക​ളി​ൽ മാ​വേ​ലി​യെ കാ​ണു​മ്പോ​ൾ കൗ​തു​ക​ത്തോ​ടെ എ​ത്തു​ന്ന സ്വ​ദേ​ശി​ക​ളും വി​ദേ​ശി​ക​ളു​മെ​ല്ലാം ഫോ​​ട്ടോ എ​ടു​ത്തും മാ​വേ​ലി​ക്കു പി​ന്നി​ലെ ഐ​തി​ഹ്യ​ങ്ങ​ൾ ചോ​ദി​ച്ച​റി​ഞ്ഞു​മെ​ല്ലാം കൂ​ട്ടു​കൂ​ടു​മ്പോ​ൾ ഇ​ര​ട്ടി സ​ന്തോ​ഷ​മെ​ന്ന്​ മു​ന്നാ ഭാ​യ്​ പ​റ​യു​ന്നു. 1999ൽ ​ദു​ബൈ​യി​ലെ​ത്തി പി​ന്നീ​ട്​ കു​വൈ​ത്തി​ലും ജോ​ലി ചെ​യ്​​ത്​ തു​ട​ങ്ങി​യ​താ​യി​രു​ന്നു പ്ര​വാ​സം. അ​മേ​രി​ക്ക​ൻ സൈ​നി​ക വി​ഭാ​ഗ​ത്തി​ന്റെ ലോ​ജി​സ്​​റ്റി​ക്​​സി​ൽ ഭാ​ഗ​മാ​യ​തോ​ടെ ഇ​റാ​ഖ്, അ​ഫ്​​ഗാ​ൻ, ഛാദ്​ ​തു​ട​ങ്ങി​യ രാ​ജ്യ​ങ്ങ​ളി​ലും ജോ​ലി ചെ​യ്​​ത ശേ​ഷ​മാ​യി​രു​ന്നു ഖ​ത്ത​റി​ലെ​ത്തു​ന്ന​ത്.