മട്ടന്നൂർ സ്വദേശി ഖത്തറിൽ നിര്യാതനായി

ദോഹ: കണ്ണൂർ മട്ടന്നൂർ സ്വദേശി ഖത്തറിൽ നിര്യാതനായി. പനയത്താംപറമ്പ് എൽ.പി സ്ക്കൂളിന് സമീപം പരേതനായ സി.പി. കുഞ്ഞിരാമന്‍റെയും കെ. നാരായണിയുടെയും മകൻ സുമേഷ് കാവുങ്കൽ (48) ആണ്​ കഴിഞ്ഞ ദിവസം നിര്യാതനായത്​.

സ്വകാര്യ കമ്പനിയിൽ ഹെവിവെഹിക്ക്​ൾ ഡ്രൈവറായി ജോലിചെയ്യുകയായിരുന്ന സുമേഷ്​ മസ്തിഷ്കാഘാതത്തെ തുടർന്ന്​ പത്തു ദിവസമായി ഹമദ്​ മെഡിക്കൽ കോർപറേഷനിൽ ചികിത്സയിലായിരുന്നു. നടപടികൾ പൂർത്തിയാക്കിയ മൃതദേഹം വെള്ളിയാഴ്ച രാത്രിയോടെ നാട്ടിലേക്ക്​ കൊണ്ടുപോയി. സുമേഷ് 17 വർഷമായി ഖത്തറിലാണ്​.

ഭാര്യ: സന്ധ്യ. മക്കൾ: ആദി ദേവ്, ആയുഷ്‌ ദേവ്‌ (കടമ്പൂർ ഹയർ സെക്കൻഡറി സ്കൂൾ). സഹോദരങ്ങൾ: സജീവൻ (ഡ്രൈവർ), സുഷമ (ഏച്ചൂർ), സജിഷ (തലമുണ്ട), സബി രാജ് (ഗൾഫ്). സംസ്കാരം ശനിയാഴ്ച രാവിലെ ഒമ്പതിന് പയ്യാമ്പലത്ത്​ നടക്കും.