മലയാളി വിദ്യാർഥി ഖത്തറിൽ മരിച്ചു

ദോഹ: അസുഖ ബാധിതനായി ചികിത്സയിലായിരുന്ന കണ്ണൂർ ചുഴലി സ്വദേശി വിദ്യാർഥി ഖത്തറിൽ മരിച്ചു. എം.ഇ.എസ് ഇന്ത്യൻ സ്കൂൾ വിദ്യാർഥിയും ചുഴലി പാറങ്ങോട്ട് ഷാജഹാന്റെ മകനുമായ മുഹമ്മദ് ഷദാൻ (10) ആണ് ​സിദ്ര ആശുപത്രിയിൽ മരിച്ചത്.

അഞ്ചാം ക്ലാസുകാരനായ ഷദാൻ നാളുകളായി ചികിത്സയിലായിരുന്നു. പിതാവ്: ഷാജഹാൻ. മാതാവ്: ഹഫ്‌സീന. സഹോദരങ്ങൾ: ഷഹാൻ (എം.ഇ.എസ് ഇന്ത്യൻ സ്കൂൾ), ഷിയാൻ. കെ.എം.സി.സി അൽ ഇഹ്സാൻ മയ്യിത്ത് പരിപാലന കമ്മിറ്റിക്കു കീഴിൽ നടപടികൾ പൂർത്തിയാക്കിയ ശേഷം മൃതദേഹം ബുധനാഴ്ച നാട്ടിലെത്തിക്കും.