കോവിഡ്​: സേവനനിരതരായി മലയാളി സമാജം

ദോഹ: കോവിഡ്​ കാലത്ത്​ ദുരിതബാധിതർക്ക്​ ഭക്ഷണമടക്കമുള്ള സേവനങ്ങൾ നൽകി മലയാളി സമാജം പ്രവർത്തകർ. ലോക്ഡൗൺ മൂലം ദുരിതമനുഭവിക്കുന്നവർക്ക്​ അവശ്യസാധനങ്ങളുടെ കിറ്റ് പ്രവർത്തകർ വിതരണം ചെയ്യുന്നുണ്ട്​. 

ചെറിയ പെരുന്നാൾ ദിനത്തിൽ 300ലധികം ബാച്ചിലർ റൂമുകളിൽ പെരുന്നാൾ ഭക്ഷണം എത്തിച്ചുനൽകി. കഴിഞ്ഞ ഓണത്തിന്​ 1500 തൊഴിലാളികളടക്കം 2500 പേർക്ക്​ മലയാളി സമാജത്തിലെ അംഗങ്ങൾ വീടുകളിൽ പാകംചെയ്ത സദ്യ നൽകിയിരുന്നു.  

2019 ഏപ്രിൽ 13നാണ്​ മലയാളി സമാജം പ്രവർത്തനം തുടങ്ങിയത്​. പ്രശസ്ത കവിയും സാഹിത്യകാരനും അധ്യാപകനുമായ മധുസൂദനൻ നായരാണ്​ പ്രവർത്തനം ഉദ്​ഘാടനം ചെയ്​തത്​.