മലർവാടി ബാലസംഘം കരകൗശല ശിൽപശാല

ദോഹ: മലർവാടി ബാലസംഘം റയാൻ സോൺ എട്ടുവയസ്സ് മുതൽ 13 വരെയുള്ളവർക്കുവേണ്ടി കരകൗശല ശിൽപശാല സംഘടിപ്പിച്ചു. സി.ഐ.സി. റയ്യാൻ സെന്ററിൽ നടന്ന നിരവധി കുട്ടികൾ പങ്കെടുത്ത ശിൽപശാലക്ക് സിജി ഖത്തർ പ്രതിനിധി തഹാറ നേതൃത്വം നൽകി.

ഹാഫിസ് ലബ്ബയുടെ ഖുർആൻ പാരായണത്തോടെ ആരംഭിച്ച പരിപാടിയിൽ മലർവാടി റയ്യാൻ സോണൽ ആക്ടിങ് കോഓഡിനേറ്റർ ഷിറിൻ ഷബീർ സ്വാഗതവും, വുമൺ ഇന്ത്യ റയ്യാൻ സോണൽ ആക്റ്റിങ് പ്രസിഡന്റ് ഹഫ്സത്ത് ആമുഖ പ്രഭാഷണവും നടത്തി. വുമൺ ഇന്ത്യ റയ്യാൻ ആക്ടിങ് സെക്രട്ടറി ശഫ്ന അബ്ദുൽ വാഹിദ് നന്ദി പ്രകാശിപ്പിച്ചു.