Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightQatarchevron_rightമലപ്പുറം...

മലപ്പുറം പാസ്​പോർട്ട്​ ഒാഫിസിന്​ താഴ്​വീണു; ഉയരാതെ ​പ്രവാസിപ്രതിഷേധം

text_fields
bookmark_border
മലപ്പുറം പാസ്​പോർട്ട്​ ഒാഫിസിന്​ താഴ്​വീണു;  ഉയരാതെ ​പ്രവാസിപ്രതിഷേധം
cancel

ദോഹ: ​കേരളത്തിൽ കൂടുതൽ പ്രവാസികളുള്ള ജില്ലയായ മലപ്പുറത്തിന്​ ഏറെ ഉപകാരപ്രദമായിരുന്ന പാസ്​പോർട്ട്​ ഒാഫിസിന്​ എന്ന​േത്തക്കുമായി താഴ്​വീണു. ഇന്ത്യയിൽതന്നെ സാമ്പത്തികമായി ഏ​െറ ലാഭത്തിലായിരുന്ന ഒാഫിസാണ്​ സാമ്പത്തിക ചെലവി​​​​​​​​െൻറ തന്നെ കാര്യം പറഞ്ഞ്​ കേന്ദ്രവിദേശകാര്യമന്ത്രാലയം പൂട്ടിയത്​ എന്നതാണ്​ ഏറെ വിചിത്രം. അതേസമയം ഒാഫിസ്​ ഏറെ ഉപകാരപ്രദമായിരുന്ന പ്രവാസിലോകത്ത്​ നിന്നാക​െട്ട പൂട്ടിയതിനെതിരെ കാര്യമായ പ്രതിഷേധമുയരുന്നുമില്ല. 2006ലാണ്​ മലപ്പുറത്ത്​ പാസ്​പോർട്ട്​ ഒാഫിസ്​ സ്​ഥാപിക്ക​െപ്പടുന്നത്​. 2017നവംബറിലാണ്​ ഒാഫിസ്​ പൂട്ടുകയാണെന്നും പ്രവർത്തനം കോഴിക്കോട്​ ഒാഫിസിൽ ലയിപ്പിക്കുകയാണെന്നുമുള്ള മന്ത്രാലയത്തി​​​​​​​െൻറ ഉത്തരവ്​ ആദ്യമായി വരുന്നത്​.

എന്നാൽ ഇതിനെതിരെ പ്രവാസിലോകത്തുനിന്നടക്കം വ്യാപകപ്രതിഷേധമുയർന്നു. സാമ്പത്തിക ചെലവും കോഴിക്കോട്​ ഒാഫിസിൽ ലയിപ്പിച്ചാലുള്ള ഗുണവും ചൂണ്ടിക്കാട്ടിയാണ്​ മലപ്പുറം ഒാഫിസ്​ അടച്ചുപൂട്ടാൻ തീരുമാനിച്ചത്​. നവംബർ 17ന്​ പ്രവർത്തനം അവസാനിപ്പിച്ചു. നവംബർ 24വരെ എൻക്വയറി വിഭാഗവും 30വരെ പാസ്​പോർട്ട്​ ഒാഫിസറും ഇവിടെ തന്നെ തുടർന്നു. പാസ്​പോർട്ട്​ ഒാഫിസറായിരുന്ന ജി. ശിവകുമാറിനെ പിന്നീട്​ കോയമ്പത്തൂരിലേക്ക്​ മാറ്റി. ഇതിനിടെ തന്നെ മുഴുവൻ ജീവനക്കാരെയും രേഖകളും വസ്​തുക്കളും കോഴിക്കോ​േട്ടക്ക്​ മാറ്റിയിരുന്നു. പ്രതിഷേധമുയർന്നതോടെ പി.കെ കുഞ്ഞാലിക്കുട്ടി എം.പി ഹൈക്കോടതിയിൽ പൊതുതാൽപര്യ ഹരജി നൽകിയിരുന്നു. വിദേശകാര്യ മന്ത്രാലയത്തി​​​​​​​െൻറ നീക്കം അസാധുവാക്കണമെന്നായിരുന്നു ആവശ്യം.

11 വർഷത്തിനുള്ളിൽ 20 ലക്ഷത്തോളം പാസ്​പോർട്ടുകളാണ്​ മലപ്പുറം ഒാഫിസിൽ കൈകാര്യം ചെയ്​തതെന്നും ഏകദേശം 310 കോടി രൂപ ഇൗ ഇനത്തിൽ സർക്കാറിന്​ ലഭിച്ചിട്ടുമുണ്ടെന്നും അദ്ദേഹത്തി​​​​​​​െൻറ ഹരജിയിൽ ചൂണ്ടിക്കാട്ടിയിരുന്നു. ഇതിനിടെയാണ്​ പാസ്​പോർട്ട്​ ഒാഫിസ്​ മലപ്പുറത്ത്​ തന്നെ തുടരണമെന്ന ഉത്തരവും കേന്ദ്രസർക്കാറി​േൻറതായി വന്നത്​. കഴിഞ്ഞ ഡിസംബർ 31വരെ മലപ്പുറം ഒാഫിസ്​ പ്രവർത്തിക്കുന്ന വാടകകെട്ടിടം തുടരണമെന്ന ഉത്തരവും ഇറങ്ങി.
2017 ഡിസംബറിലായിരുന്നു കേന്ദ്രസർക്കാറി​​​​​​​െൻറ ഇൗ ഉത്തരവ്​. ഇതുചൂണ്ടിക്കാണിച്ച്​ പി.കെ കുഞ്ഞാലിക്കുട്ടിയുടെ ഹരജി ഹൈക്കോടതി തീർപ്പാക്കുകയായിരുന്നു. കോഴിക്കോട്​ ഒാഫിസി​​​​​​​െൻറ ഭാഗമായി തുടരുന്നതിനിടെ തന്നെയാണ്​ മലപ്പുറം ഒാഫിസ്​ നിലനിർത്തണമെന്ന ഉത്തരവും വന്നത്​. 

മലപ്പുറത്ത്​ തന്നെ ഒാഫിസ്​ നിലനിർത്തണമെങ്കിൽ ഒാഫിസ്​ പ്രവർത്തിച്ചിരുന്ന കെട്ടിടത്തി​​​​​​​െൻറ ഉടമയുടെ സമ്മതപത്രവും മറ്റും വേണ്ടിയിരുന്നു. കോഴിക്കോട്​ നിന്ന്​ സാധനങ്ങൾ തിരി​െക എത്തിക്കേണ്ടതുമുണ്ടായിരുന്നു. മറ്റ്​ നിയമതടസങ്ങൾ മറികടക്കുന്നതി​​​​​​​െൻറ ഭാഗമായാണ്​ ഒാഫിസ്​ പേരിന്​ പുനസ്​ഥാപിക്കാൻ അന്ന്​ ഉത്തവിട്ടതെന്നും സൂചനയുണ്ടായിരുന്നു. പേരിന്​ മാാത്രമാണ്​ ഒാഫിസ്​ പിന്നീട്​ പുനസ്​ഥാപിക്കപ്പെട്ടത്​. ഒരു ഡ്രൈവറും സുരക്ഷജീവനക്കാരനും ക്ലീനിംഗ്​ തൊഴിലാളിയും അ​േന്വഷണവിഭാഗത്തിൽ താൽകാലിക ജീവനക്കാരനും മാത്രമാണ്​ ഉണ്ടായിരുന്നത്​. പ്രതിഷേധവുമായി ഇറങ്ങിയവർ ഒാഫിസ്​ പുനസ്​ഥാപിക്കുമെന്ന ഉത്തരവ്​ വന്നതോടെ പിൻമാറുകയും ചെയ്​തു. ഇതോടെയാണ്​ എന്നത്തേക്കുമായി ഒാഫിസ്​ മലപ്പുറത്തുനിന്ന്​ മാറാനുള്ള അറിയിപ്പ്​ 2018 മാർച്ച്​ 28 ബുധനാഴ്​ച വൈകീട്ട്​ ഒാഫിസിൽ ലഭിച്ചത്​. 29ന്​ പെസഹ വ്യാഴവും 30ന്​ ദുഖവെള്ളിയും പ്രമാണിച്ച്​ പൊതുഅവധി ആയതിനാൽ 28ന്​ തന്നെ മലപ്പുറം ഒാഫിസ്​ പ്രവർത്തനം നിർത്തുകയാണുണ്ടായത്​.

സേവാകേന്ദ്രം തുടരും

പാസ്​പോർട്ട്​ സേവാകേന്ദ്രം മലപ്പുറം മുന്നാ​ംപടിയിൽ തന്നെ തുടരും. പുതിയ പാസ്​പോർട്ട്​ അപേക്ഷകൾ, മറ്റ്​ നടപടിക്രമങ്ങൾ പോലുള്ള പ്രാഥമിക കാര്യങ്ങൾക്ക്​ ഇവിടെ സൗകര്യമുണ്ടാകും. എന്നാൽ പാസ്​പോർട്ട്​ ഒാഫിസറെ കാണൽ, അപേക്ഷകനുമായുള്ള കൂടിക്കാഴ്​ച തുടങ്ങിയ പ്രധാനകാര്യങ്ങൾക്ക്​​ കോഴിക്കോട്​ പാസ്​പോർട്ട്​ ഒാഫിസിൽ എത്തുകയേ നിർവാഹമുള്ളൂ.

എന്തുകൊണ്ട്​ മലപ്പുറം ഒാഫിസ്​ വേണം?

ഏറ്റവും പുതിയ കണക്കനുസരിച്ച്​ കേരളത്തിൽ ആകെ 28 ലക്ഷം പ്രവാസികൾ ആണ്​ ഉള്ളത്​. കുടുംബശ്രീ സി.ഡി.എസുകളുടെ നേതൃത്വത്തിൽ നടത്തിയ കണക്കനുസരിച്ചാണിത്​. ഇതിൽ 88 ശതമാനം ആളുകളും ഗൾഫ്​ പ്രവാസികളാണ്​. ഇതിൽ തന്നെ കൂടുതൽ പേർ മലപ്പുറം, പാലക്കാട്​ ജില്ലക്കാരാണ്​. ഇതിനാൽ മലപ്പുറത്ത്​ എല്ലാ സൗകര്യങ്ങളുമുള്ള പാസ്​പോർട്ട്​ ഒാഫിസ്​ ഉണ്ടായിരുന്നത്​ ഏറെ അനുഗ്രഹമായിരുന്നു. കേരളത്തിലെ മൊത്തം പ്രവാസികളുടെ 18 ശതമാനത്തി​​​​​​​െൻറയും പാസ്​പോർട്ട്​ സംബന്ധമായ കാര്യങ്ങൾ നിർവഹിച്ചിരുന്നത്​ ഇൗ ഒാഫിസാണ്​. പ്രവർത്തനം തുടങ്ങിയ 2006 ആഗസ്​റ്റ്​ മുതൽ 2017 ആഗസ്​റ്റ്​ വരെ 20 ലക്ഷം അപേക്ഷകളിലാണ്​ ഇവിടെ തീർപ്പുണ്ടായത്​. ദിനേന 1250 അപേക്ഷകളാണ്​ ഇൗ ഒാഫിസിൽ കൈകാര്യം ചെയ്​തിരുന്നത്​. ഇനി മുതൽ വയനാട്​, കാസർകോട്​, കണ്ണൂർ, കോഴിക്കോട്​, മലപ്പുറം ജില്ലക്കാർക്ക്​ കോഴിക്കോട്​ പാസ്​പോർട്ട്​ ഒാഫിസിനെ ആശ്രയിക്കേണ്ടി വരും. ജനസംഖ്യാനുപാതത്തിൽ നോക്കിയാൽ കേരളമാണ്​ ഏറ്റവും കൂടുതൽ പ്രവാസികൾ ഉള്ള സംസ്​ഥാനം. 

സർക്കാർ വാദം, മറുവാദം

ചെലവു ചുരുക്കുകയെന്നതാണ്​ മലപ്പുറം പാസ്​പോർട്ട്​ ഒാഫിസ്​ നിർത്തലാക്കുന്നതിനുള്ള മുഖ്യകാരണമായി കേന്ദ്രവിദേശകാര്യ മന്ത്രാലയം പറയുന്നത്​. എല്ലാവർക്കും ഏറ്റവും എളുപ്പത്തിൽ പാസ്​പോർട്ട്​ സംബന്ധമായ കാര്യങ്ങൾ ലഭ്യമാകാൻ ഒാൺലൈൻ സേവനങ്ങൾ ഉള്ളപ്പോൾ മലപ്പുറം ഒാഫിസ്​ നിർത്തലാക്കുന്നത്​ ആളുകളെ കാര്യമായി ബാധിക്കുകയില്ലെന്നും സർക്കാർ പറയുന്നു. എന്നാൽ കണക്കുകൾ പ്രകാരം ഏറ്റവും ലാഭത്തിലുള്ളതാണ്​ മലപ്പുറം ഒാഫിസ്​. ചെലവ്​ കൂട്ടുകയല്ല സർക്കാറിന്​ ലാഭം ഉണ്ടാക്കിക്കൊടുക്കുകയാണ്​ ഇൗ ഒാഫിസ്​ ചെയ്​തത്​. ചെലവി​​​​​​​െൻറ കാര്യം പറയുകയാണെങ്കിൽ മറ്റെല്ലാ പാസ്​പോർട്ട്​ ഒാഫിസുകളും പൂട്ടിയതിന്​ ശേഷമേ മലപ്പുറം ഒാഫിസ്​ പൂ​േട്ടണ്ടതുള്ളൂ എന്നുമുള്ള മറുവാദവുമുണ്ട്​.

ഇനി രക്ഷയുണ്ടോ?
മലപ്പുറം ഒാഫിസ്​ പൂർണമായും പൂട്ടിയ സ്​ഥിതിക്ക്​ ഇനി അത്​ പുനസ്​ഥാപിക്കാൻ വല്ല സാധ്യതയുമുണ്ടോ?ജനങ്ങളുടെ ശക്​തമായ ആവശ്യം ഉണ്ടായാൽ ഇതിന്​ വഴിയുണ്ടെന്ന്​ ഇൗ രംഗത്തുള്ളവർ പറയുന്നു. എന്നാൽ കാര്യങ്ങൾ കേന്ദ്രസർക്കാറിനെ ബോധ്യപ്പെടുത്താൻ കഴിയണം. ​ൈവകാരികമായി പ്രതികരിക്കാതെ ശരിയായ വഴികളിലൂടെ ആവശ്യം ഉന്നയിക്കണം. കേരളത്തിലെ എം.പിമാർ ശക്​തമായി പ്രതികരിക്കണം. ഇതൊക്കെ വിജയിച്ചാൽ ഒാഫിസ്​ സർക്കാർ പുനസ്​ഥാപിക്കുന്ന കാര്യത്തിൽ പ്രതീക്ഷയുണ്ടെന്ന്​ പ്രവാസിസാമൂഹിക പ്രവർത്തകനായ അബ്​ദുൽ റഉൗഫ്​ കൊണ്ടോട്ടി പറയുന്നു. പ്രവാസി സംഘടനകൾ മറ്റുള്ള എല്ലാ ആവശ്യങ്ങൾക്കും വേണ്ടി പ്രതികരിക്കുകയും ശബ്​ദമുയർത്തുകയും ചെയ്യും. എന്നാൽ തങ്ങളെ നേരിട്ട്​ ബാധിക്കുന്ന വിഷയങ്ങളിൽ അവർ പലപ്പോഴും നിശബ്​ദരാണെന്നും അദ്ദേഹം പറയുന്നു.

Show Full Article
TAGS:Malappuram Passport office - Gulf News malayalam news 
Web Title - Malappuram Passport office - Qatar Gulf News
Next Story