ഖത്തരി ഉൽപന്നങ്ങൾക്ക്​ ലോഗോ തയാറാക്കൂ, 25,000 റിയാൽ സമ്മാനം നേടൂ

ദോഹ: ഖത്തരി ഉൽപന്നങ്ങളിൽ പതിക്കാനായുള്ള ലോഗോ തയാറാക്കുന്നതിന്​ മത്സരവുമായി വാണിജ്യവ്യവസായ മന്ത്രാലയം. 'Qatari Product' എന്ന ആശയത്തിലൂന്നിയാണ്​ മത്സരം. മാറ്റത്തി​െൻറയും നവീകരണത്തി​െൻറയും പുതിയ രീതിക്കായും പ്രാദേശിക ഉൽപന്നങ്ങൾ ​​പ്രോത്സാഹിപ്പിക്കുന്നതിനുമായാണ് മത്സരം. പുതുമയുള്ളതും ഖത്തറിനെ പ്രതിഫലിപ്പിക്കുന്നതുമാകണം ലോഗോകൾ. പരമ്പരാഗത രീതിയിൽ അല്ലാത്ത നൂതനമായ ആശയമായിരിക്കണം പ്രതിഫലിക്കേണ്ടത്​. തയാറാക്കുന്ന ലോഗോകൾ ഈ മത്സരത്തിനു​ വേണ്ടി മാത്രം തയാറാക്കിയതായിരിക്കണം. വേറെ ഏതെങ്കിലും മത്സരത്തിനോ മറ്റോ മുമ്പ്​ അയച്ചതായിരിക്കരുത്​. മറ്റ്​ ഏതെങ്കിലും ലോഗോകളിൽ നിന്ന്​ പ്രചോദനം കൊണ്ടായിരിക്കരുത്​. ഖത്തർ സ്വ​േദശികൾക്കോ താമസക്കാർക്കോ പ​ങ്കെടുക്കാം. തയാറാക്കുന്ന ലോഗോയിൽ ഏതെങ്കിലും ഉൽപന്നങ്ങളോ മറ്റാരെയെങ്കിലുമോ പരിചയപ്പെടുത്തുന്ന ഘടകങ്ങൾ ഉണ്ടായിരിക്കരുത്​. മറ്റേതെങ്കിലും മത്സരത്തിന്​ അയച്ചവ പറ്റില്ല. മുമ്പ്​ വേറെ ഏതിനെങ്കിലും അയച്ചിട്ട്​ പരിഗണിക്കപ്പെടാത്തവ പോലും പാടില്ല.

രണ്ട്​ സെൻറീമീറ്ററിൽ ചെറുതാക്കിയാൽ പോലും കൃത്യമായി കാണുന്നവയായിരിക്കണം. കടുപ്പമുള്ള ചുവപ്പ്​ കളർ ഉപയോഗിച്ചിരിക്കണം. 'Qatari Product' എന്ന വാക്ക്​ അറബിയിലും ഇംഗ്ലീഷിലും ഉണ്ടായിരിക്കണം. തയാറാക്കുന്ന ലോഗോകൾ കളർ കോപ്പിയിലാണ്​ സമർപ്പിക്കേണ്ടത്​. വലുപ്പം, കളർകോഡുകൾ എന്നിവ കാണിക്കണം. കൂടെ ബ്ലാക്ക്​ ആൻഡ്​​ വൈറ്റ്​ കോപ്പിയും വേണം. Ai, PDF, EPS, PSD, PNG ഫോർമാറ്റിലായിരിക്കണം ലോഗോകൾ സമർപ്പിക്കേണ്ടത്​. വിജയിക്കുന്ന ലോഗോ വാണിജ്യവ്യവസായ മന്ത്രാലയത്തിന്​ പൂർണമായും അവകാശപ്പെട്ടതായിരിക്കും. വിജയിക്ക്​ 25,000 റിയാൽ ആണ്​ സമ്മാനം.

തയാറാക്കുന്ന ലോഗോകൾ മുദ്ര​െവച്ച കവറുകളിൽ അടക്കം ചെയ്യണം. President of the Tenders and Auctions Committee ക്കാണ്​ അഭിസംബോധന ചെയ്യേണ്ടത്​. അയക്കേണ്ട വിലാസം: ഫിനാൻഷ്യൽ ആൻഡ്​​ അഡ്​മിനിസ്​ട്രേറ്റിവ്​ അഫയേഴ്​സ്​ ഡിപ്പാർട്ട്​മെൻറ്​ (പ്രൊക്യുയർമെൻറ്​ ഡിപ്പാർട്​മെൻറ്​). മിനിസിട്രി ഓഫ്​ കോമേഴ്​സ്​ ആൻഡ്​​​ ഇൻഡസ്​ട്രി, ലുസൈൽ സിറ്റി, ടവർ എ, ഫോർത്ത്​ ​​േഫ്ലാർ.

ഡിസംബർ പത്തിന്​ മുമ്പായി പ്രവൃത്തി ദിവസങ്ങളിലാണ്​ അയക്കേണ്ടത്​. പ​ങ്കെടുക്കുന്നവർക്ക്​ സംശയനിവാരണത്തിന്​ tendersgroup@moci.gov.qa എന്ന വിലാസത്തിൽ മെയിൽ അയക്കാം.