Top
Begin typing your search above and press return to search.
exit_to_app
exit_to_app
Homechevron_rightGulfchevron_rightQatarchevron_rightമജ്​ലിസ്​ പരീക്ഷ:...

മജ്​ലിസ്​ പരീക്ഷ: ഖത്തറിലെ പ്രതിഭകളെ ആദരിക്കൽ വെള്ളിയാഴ്​ച

text_fields
bookmark_border
മജ്​ലിസ്​ പരീക്ഷ: ഖത്തറിലെ പ്രതിഭകളെ ആദരിക്കൽ വെള്ളിയാഴ്​ച
cancel

ദോഹ: കേരള മദ്രസാ എജുക്കേഷന്‍ ബോര്‍ഡ് (മജ്​ലിസ്) നടത്തിയ പൊതുപരീക്ഷയിൽ അല്‍മദ്​റസ അല്‍ഇസ്​ലാമിയ ദോഹയിൽ നിന്ന്​ മികച്ച വിജയം നേടിയവരെ ആദരിക്കാനുള്ള 'തക്​രീം 2021' പരിപാടി വെള്ളിയാഴ്​ച നടക്കും. മൂന്ന് പതിറ്റാണ്ടിലേറെയായി സെൻറർ ഫോർ ഇന്ത്യൻ കമ്മ്യൂണിറ്റി(സി.ഐ.സി)യുടെ മേല്‍നോട്ടത്തിൽ ഐഡിയല്‍ ഇന്ത്യൻ സ്​കൂളിലാണ്​ മദ്​റസ പ്രവർത്തിച്ചുവരുന്നത്​. ഇത്തവണ 113 കുട്ടികളില്‍ 26 പേർ ഫുൾ എ പ്ലസും 35 പേർ എപ്ലസ് ഗ്രേഡും നേടി മികച്ച വിജയം കരസ്ഥമാക്കി. ഇവരെയും മദ്​റസ നടത്തിയ സെക്കണ്ടറി ഫൈനല്‍ പരീക്ഷയിൽ ഒന്നും രണ്ടും മൂന്നും സ്ഥാനങ്ങൾ നേടിയ വിദ്യാർഥികളെയുമാണ്​ ആദരിക്കുന്നത്​. വെള്ളിയാഴ്ച വൈകീട്ട് 6.45ന് സൂം പ്ലാറ്റ്ഫോമിലാണ്​ ചടങ്ങ്​. (Zoom ID : 836 588 0997 പാസ്​കോഡ്​: 54321).

ഇൻറഗ്രേറ്റഡ് എഡുകേഷനല്‍ കൗണ്‍സിൽ ഓഫ് ഇന്ത്യ സിഇഒ ഡോ. ബദീഉസ്സമാൻ പരിപാടിയിൽ മുഖ്യാതിഥിയായിരിക്കും. കേരള മദ്​റസ എജുക്കേഷൻ ബോര്‍ഡ് ഡയറക്ടർ സുഷീർ ഹസന്‍, ഐഡിയല്‍ ഇന്ത്യൻ സ്​കൂള്‍ പ്രസിഡൻറ്​ ഡോ. എം.പി. ഹസന്‍കുഞ്ഞി, പ്രിൻസിപ്പൽ സയ്യിദ് ഷൗക്കത്ത് അലി എന്നിവരും പ​ങ്കെടുക്കും. സി.ഐ.സി പ്രസിഡൻറ്​ കെ ടി അബ്ദുറഹ്മാന്‍, വിദ്യാഭ്യാസ വകുപ്പ് മേധാവി അന്‍വർ ഹുസൈന്‍, മദ്​റസാ മാനേജിംഗ് കമ്മിറ്റി പ്രസിഡൻറ്​ ബിലാല്‍ ഹരിപ്പാട്, പ്രിന്‍സിപ്പൽ അബ്​ദുഹ്​മാൻ പുറക്കാട്, രക്ഷാകര്‍തൃ പ്രതിനിധി ഡോ. മുഹമ്മദ്ശാഫി, വിവിധ സിഐസി മദ്​റസകളിലെ പ്രിന്‍സിപ്പൽമാരായ എം ടി ആദം, കെ എൻ. മുജീബുറഹ്മാന്‍, തൗഫീഖ് തൈക്കണ്ടി, വിദ്യാര്‍ഥി പ്രതിനിധി അയിദ ഷംസു തുടങ്ങിയവർ സംസാരിക്കും. വിജയികൾക്കുള്ള ഉപഹാരങ്ങളും സര്‍ട്ടിഫിക്കറ്റുകളും പിന്നീട് മദ്​റസയില്‍നിന്ന് വിതരണം ചെയ്യുമെന്നും ബന്ധപ്പെട്ടവർ അറിയിച്ചു.

Show Full Article
TAGS:Majlis Majlis exam Qatar 
News Summary - Majlis exam Qatar honors talent Friday
Next Story