ലു​സൈ​ൽ ട്രാ​ക്കി​ൽ ഇ​ന്ന് തീ​പാ​റും

ദോ​ഹ: കാ​റോ​ട്ട പ്രേ​മി​ക​ളു​ടെ വേ​ഗ​പ്പൂ​ര​മാ​യ ഫോ​ർ​മു​ല വ​ൺ ഖ​ത്ത​ർ ഗ്രാ​ൻ​ഡ്പ്രീ മ​ത്സ​ര​ത്തി​ന്റെ ആ​വേ​ശ​ത്തി​ന് ഇ​ന്ന് തീ​പ്പി​ടി​ക്കും. ക​ഴി​ഞ്ഞ ര​ണ്ടു ദി​വ​സ​ങ്ങ​ളി​ലാ​യി പ​രി​ശീ​ല​ന​വും യോ​ഗ്യ​താ മ​ത്സ​ര​ങ്ങ​ളും സ്പ്രി​ന്റ് റേ​സു​ക​ളു​മാ​യി സ​ജീ​വ​മാ​യ എ​ഫ്.​വ​ൺ ഗ്രാ​ൻ​ഡ് പ്രീ​യി​ൽ ഞാ​യ​റാ​ഴ്ച ​പ്ര​ധാ​ന പോ​രാ​ട്ട​ത്തി​ന് ലു​സൈ​ൽ ഇ​ന്റ​ർ​നാ​ഷ​ന​ൽ സ​ർ​ക്യൂ​ട്ട് വേ​ദി​യാ​കും. ആ​രാ​ധ​ക​ത്തി​ര​ക്കും, ​ഗാ​ല​റി​യി​ലെ വി.​വി.​ഐ.​പി സാ​ന്നി​ധ്യ​വും കൊ​ണ്ട് ശ്ര​​ദ്ധേ​യ​മാ​യ ര​ണ്ടു ദി​വ​സ​ങ്ങ​ൾ​ക്കൊ​ടു​വി​ലാ​ണ് പോ​രാ​ട്ടം ഫൈ​ന​ൽ ലാ​പ്പി​ലെ​ത്തു​ന്ന​ത്.

5.41 കി​ലോ​മീ​റ്റ​ർ ദൈ​ർ​ഘ്യ​മു​ള്ള ​സ​ർ​ക്യൂ​ട്ടി​ൽ 57 ലാ​പ്പു​ക​ളി​ലാ​യാ​ണ് ഞാ​യ​റാ​ഴ്ച രാ​ത്രി​യി​ലെ മെ​യി​ൻ റേ​സി​ന് ഫ്ലാ​ഗ് ഓ​ഫ് തു​ട​ങ്ങു​ന്ന​ത്. ലോ​ക​ത്തെ ഏ​റ്റ​വും വേ​ഗ​ത​യേ​റി​യ കാ​റോ​ട്ട​ക്കാ​ർ, മു​ൻ​നി​ര വാ​ഹ​ന​ങ്ങ​ളി​ൽ റേ​സി​ങ് ​ട്രാ​ക്കി​ൽ അ​ണി​നി​ര​ക്കു​ന്ന പോ​രാ​ട്ട​ത്തി​ന് ഞാ​യ​റാ​ഴ്ച രാ​ത്രി ഏ​ഴി​ന് തു​ട​ക്ക​മാ​കും.

ശ​നി​യാ​ഴ്ച രാ​ത്രി​യി​ൽ ന​ട​ന്ന യോ​ഗ്യ​താ റേ​സി​ലെ ഫ​ല​ത്തി​ന്റെ അ​ടി​സ്ഥാ​ന​ത്തി​ലാ​ണ് പോ​ൾ പൊ​സി​ഷ​ൻ നി​ർ​ണ​യി​ക്കു​ന്ന​ത്. ശ​നി​യാ​ഴ്ച രാ​ത്രി ഒ​മ്പ​തി​നാ​യി​രു​ന്നു യോ​ഗ്യ​ത റൗ​ണ്ടി​ന്റെ തു​ട​ക്കം. ശ​നി​യാ​ഴ്ച വൈ​കു​ന്നേ​രം ന​ട​ന്ന സ്പ്രി​ന്റ് റേ​സി​ൽ മ​ക്ല​ര​ൻ ഓ​സ്ക​ർ പി​യാ​സ്ട്രി ജേ​താ​വാ​യി.

19 ലാ​പ്പു​ക​ൾ നീ​ണ്ടു​നി​ന്ന അ​തി​വേ​ഗ​പ്പോ​രാ​ട്ട​ത്തി​ൽ 27.03 മി​നി​റ്റി​ൽ പൂ​ർ​ത്തി​യാ​ക്കി​യാ​ണ് ഓ​സ്ക​ർ ഒ​ന്നാ​മ​തെ​ത്തി​യ​ത്. കി​രീ​ട​പ്പോ​രാ​ട്ട​ത്തി​ൽ ര​ണ്ടാം സ്ഥാ​ന​ത്തു​ള്ള മ​ക്ല​ര​ന്റെ ലാ​ൻ​ഡോ നോ​റി​സ് ര​ണ്ടും, മേ​ഴ്സി​ഡ​സി​ന്റെ ജോ​ർ റ​സ​ൽ മൂ​ന്നും സ്ഥാ​ന​ക്കാ​രാ​യി.

ഇ​ത്ത​വ​ണ ഫോ​ർ​മു​ല വ​ൺ കി​രീ​ടം ഉ​റ​പ്പി​ച്ച റെ​ഡ്ബു​ൾ ഡ്രൈ​വ​ർ മാ​ക്സ് വെ​സ്റ്റ​പ്പ​ൻ എ​ട്ടാം സ്ഥാ​ന​ക്കാ​ര​നാ​യാ​ണ് സ്പ്രി​ന്റ് ഫി​നി​ഷ് ചെ​യ്ത​ത്. വെ​ള്ളി​യാ​ഴ്ച​യി​ലെ സ്പ്രി​ന്റ് യോ​ഗ്യ​താ റൗ​ണ്ടി​ൽ ലാ​ൻ​ഡോ നോ​റി​സാ​യി​രു​ന്നു ആ​ദ്യ​മെ​ത്തി പോ​ൾ പൊ​സി​ഷ​നി​ൽ ലീ​ഡ് പി​ടി​ച്ച​ത്. യോ​ഗ്യ​താ റേ​സി​ലും ചാ​മ്പ്യ​ൻ വെ​സ്റ്റ​പ്പ​ന് മു​ൻ​നി​ര​യി​ലെ​ത്താ​നാ​യി​ല്ല. ആ​റാ​മ​താ​യാ​ണ് അ​ദ്ദേ​ഹം ഫി​നി​ഷ് ചെ​യ്ത​ത്.

ഒ​ന്നും ര​ണ്ടും സ്ഥാ​ന​ക്കാ​രാ​യി സ്പ്രി​ന്റി​ൽ 15 പോ​യ​ന്റ് നേ​ടി​യ​തോ​ടെ മെ​യി​ൻ റേ​സി​ലും മ​ക്ല​ര​ന്റെ മു​ൻ​തൂ​ക്ക​മാ​യി. ഡ്രൈ​വ​ർ ചാ​മ്പ്യ​ൻ​ഷി​പ് വെ​സ്റ്റ​പ്പ​ൻ സ്വ​ന്ത​മാ​ക്കി​യ​പ്പോ​ൾ, കാ​ർ ചാ​മ്പ്യ​ൻ​ഷി​പ്പി​ൽ മ​ക്‍ല​ര​ൻ 608 പോ​യ​ന്റു​മാ​യി ഒ​ന്നാ സ്ഥാ​ന​ത്താ​ണി​പ്പോ​ൾ. ഫെ​രാ​റി​യു​ടെ വെ​ല്ലു​വി​ളി​യെ പി​ന്ത​ള്ളി​യാ​ണ് അ​വ​രു​ടെ കു​തി​പ്പ്.