ലു​ലു ഹൈ​പ്പ​ർ​മാ​ർ​ക്ക​റ്റി​ന് ഖ​ത്ത​ർ സി.​എ​സ്.​ആ​ർ പു​ര​സ്കാ​രം

റീ​​ട്ടെ​യി​ൽ മേ​ഖ​ല​യി​ലെ മി​ക​ച്ച സി.​എ​സ്.​ആ​ർ പ്ര​വ​ർ​ത്ത​ന​ങ്ങ​ൾ​ക്കു​ള്ള പു​ര​സ്കാ​രം ഏ​റ്റു​വാ​ങ്ങി

ദോ​ഹ: ചെ​റു​കി​ട വി​ൽ​പ​ന മേ​ഖ​ല​യി​ലെ ഏ​റ്റ​വും മി​ക​ച്ച സി.​എ​സ്.​ആ​ർ പ്ര​വ​ർ​ത്ത​ന​ങ്ങ​ൾ​ക്കു​ള്ള ഖ​ത്ത​ർ സി.​എ​സ്.​ആ​ർ സ​മ്മി​റ്റ് അ​വാ​ർ​ഡ് ലു​ലു ഹൈ​പ്പ​ർ​മാ​ർ​ക്ക​റ്റി​ന്. പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ റ​ഹ്മാ​ൻ ആ​ൽ​ഥാ​നി​യു​ടെ ര​ക്ഷാ​ക​ർ​തൃ​ത്വ​ത്തി​ൽ ഖ​ത്ത​ർ യൂ​നി​വേ​ഴ്സി​റ്റി​യി​ൽ ക​ഴി​ഞ്ഞ​യാ​ഴ്ച ന​ട​ന്ന സി.​എ​സ്.​ആ​ർ ഉ​ച്ച​കോ​ടി​യി​ലാ​യി​രു​ന്നു പു​ര​സ്കാ​ര പ്ര​ഖ്യാ​പ​ന​വും വി​ത​ര​ണ​വും. ഖ​ത്ത​ർ സി.​എ​സ്.​ആ​ർ നാ​ഷ​ന​ൽ പ്രോ​ഗ്രാം സി.​ഇ.​ഒ ഡോ. ​സൈ​ഫ് അ​ലി അ​ൽ ഹാ​ജ​രി​യി​ൽ​നി​ന്ന് ലു​ലു ഹൈ​പ്പ​ർ​മാ​ർ​ക്ക​റ്റ് ഖ​ത്ത​ർ റീ​ജ​ന​ൽ ഡ​യ​റ​ക്ട​ർ പി.​എം. ഷാ​ന​വാ​സ് പു​ര​സ്കാ​രം ഏ​റ്റു​വാ​ങ്ങി. വ്യാ​പാ​ര മേ​ഖ​ല​ക്കൊ​പ്പം ദേ​ശീ​യ വി​ക​സ​ന​ത്തി​ന് സം​ഭാ​വ​ന ന​ൽ​കു​ന്ന സാ​മൂ​ഹി​ക​വും പ​രി​സ്ഥി​തി മൂ​ല്യ​ങ്ങ​ളി​ൽ അ​ധി​ഷ്ഠി​ത​വു​മാ​യ ലു​ലു ഹൈ​പ്പ​ർ​മാ​ർ​ക്ക​റ്റി​ന്റെ സ​മ​ർ​പ്പ​ണ​ത്തി​നു​ള്ള അം​ഗീ​കാ​ര​മാ​യാ​ണ് രാ​ജ്യ​ത്തെ ശ്ര​ദ്ധേ​യ പു​ര​സ്കാ​രം സ​മ്മാ​നി​ച്ച​ത്. ഭ​ക്ഷ്യ​സു​ര​ക്ഷ, വി​ദ്യാ​ഭ്യാ​സം, പ​രി​സ്ഥി​തി സം​ര​ക്ഷ​ണം, സ​മൂ​ഹി​ക​ക്ഷേ​മം എ​ന്നി​വ​യു​ൾ​പ്പെ​ടെ നി​ര​വ​ധി സം​രം​ഭ​ങ്ങ​ളി​ലൂ​ടെ ലു​ലു ന​ൽ​കു​ന്ന സാ​മൂ​ഹി​ക ഉ​ത്ത​ര​വാ​ദി​ത്ത നി​ർ​വ​ഹ​ണം ശ്ര​ദ്ധ​യ​മാ​ണ്.

ഫ്രോ​സ​ൺ ഉ​ൽ​പ​ന്ന​ങ്ങ​ൾ കേ​ന്ദ്രീ​കൃ​ത സം​വി​ധാ​ന​ങ്ങ​ളി​ലൂ​ടെ ത​ണു​പ്പി​ച്ച്, വി​ത​ര​ണം ചെ​യ്യു​ന്ന സം​വി​ധാ​നം കാ​ർ​ബ​ൺ ബ​ഹി​ർ​ഗ​മ​നം കു​റ​ക്കു​ന്ന​തി​ന്റെ ഭാ​ഗ​മാ​യി ഏ​റെ പ്ര​ശം​സ നേ​ടി. ഏ​കീ​കൃ​ത ലോ​ജി​സ്റ്റി​ക് പ്ര​വ​ർ​ത്ത​ന​ങ്ങ​ൾ ഇ​ന്ധ​ന ഉ​പ​ഭോ​ഗ​വും വാ​ഹ​ന തേ​യ്മാ​ന​വും കാ​ർ​ബ​ൺ ബ​ഹി​ർ​ഗ​മ​ന​വും കു​റ​ക്കാ​നും വ​ഴി​യൊ​രു​ക്കു​ന്നു. നൂ​ത​ന​മാ​യ ഈ ​ചു​വ​ടു​വെ​പ്പു​ക​ൾ പ്ര​വ​ർ​ത്ത​ന​ക്ഷ​മ​ത മെ​ച്ച​പ്പെ​ടു​ത്തു​ന്ന​തി​നൊ​പ്പം പ​രി​സ്ഥി​തി ഉ​ത്ത​ര​വാ​ദി​ത്ത​ത്തോ​ടു​ള്ള ലു​ലു ഹൈ​പ്പ​ർ​മാ​ർ​ക്ക​റ്റി​ന്റെ ദീ​ർ​ഘ​വീ​ക്ഷ​ണ​മു​ള്ള സ​മീ​പ​ന​ത്തെ​യും പ്ര​തി​ഫ​ലി​പ്പി​ക്കു​ന്ന​താ​യി ​വാ​ർ​ത്താ കു​റി​പ്പി​ൽ അ​റി​യി​ച്ചു. എ​ജു​ക്കേ​ഷ​ൻ എ​ബൗ​വ് ഓ​ൾ ഫൗ​ണ്ടേ​ഷ​ന്റെ ‘എ​ജു​ക്കേ​റ്റ് എ ​ചൈ​ൽ​ഡ്’ പ​ദ്ധ​തി​യു​മാ​യി കൈ​കോ​ർ​ത്ത് വി​ദ്യാ​ഭ്യാ​സ​മേ​ഖ​ല​യി​ലും പി​ന്തു​ണ ന​ൽ​കു​ന്നു. ഖ​ത്ത​ർ ചാ​രി​റ്റി, ഖ​ത്ത​ർ​കാ​ൻ​സ​ർ സൊ​സൈ​റ്റി, ഖ​ത്ത​ർ ഓ​ട്ടി​സം സൊ​സൈ​റ്റി എ​ന്നി​വ​യി​ലൂ​ടെ ജീ​വ​കാ​രു​ണ്യ രം​ഗ​ത്തും സ​ജീ​വ​മാ​കു​ന്നു. മ​ണ്ണി​ൽ അ​ലി​യു​ന്ന​തും പു​ന​രു​പ​യോ​ഗി​ക്കാ​വു​ന്ന​തു​മാ​യ ബാ​ഗു​ക​ൾ, പ്ലാ​സ്റ്റി​ക് റീ​സൈ​ക്ലി​ങ് മെ​ഷീ​നു​ക​ൾ സ്ഥാ​പി​ക്ക​ൽ തു​ട​ങ്ങി​യ ദൗ​ത്യ​വു​മാ​യി പ​രി​സ്ഥി​തി സൗ​ഹൃ​ദ സം​സ്കാ​ര​വും ലു​ലു ഉ​പ​ഭോ​ക്താ​ക്ക​ളി​ൽ പ​ക​രു​ന്നു.

ചെ​റു​കി​ട വി​ൽ​പ​ന​ക്ക​പ്പു​റം ഉ​ത്ത​ര​വാ​ദി​ത്തം വ്യാ​പി​ക്കു​ന്നു​വെ​ന്ന് ഞ​ങ്ങ​ൾ വി​ശ്വ​സി​ക്കു​ന്ന​താ​യി ലു​ലു റീ​ജ​ന​ൽ ഡ​യ​റ​ക്ട​ർ ഷാ​ന​വാ​സ് പ​റ​ഞ്ഞു. സ​മൂ​ഹി​ക പ്ര​തി​ബ​ദ്ധ​ത നി​ല​നി​ർ​ത്തു​ക​യും പ​രി​സ്ഥി​തി സം​ര​ക്ഷി​ക്കു​ക​യും ചെ​യ്യു​ക എ​ന്ന​ത് ലു​ലു​വി​ന്റെ മൂ​ല്യ​ങ്ങ​ളു​ടെ പ്ര​ധാ​ന ഘ​ട​ക​മാ​ണ്. സി.‌​എ​സ്‌.​ആ​ർ വ​ഴി​യു​ള്ള ശ്ര​മ​ങ്ങ​ൾ​ക്കു​ള്ള അ​ഭി​മാ​ന​ക​ര​മാ​യ അം​ഗീ​കാ​ര​മാ​ണ് ഈ ​അ​വാ​ർ​ഡ്. കൂ​ടാ​തെ ഞ​ങ്ങ​ളു​ടെ പ്ര​വ​ർ​ത്ത​ന​ങ്ങ​ളു​ടെ എ​ല്ലാ മേ​ഖ​ല​ക​ളി​ലും സു​സ്ഥി​ര​വും സാ​മൂ​ഹി​ക ഉ​ത്ത​ര​വാ​ദി​ത്ത​മു​ള്ള​തു​മാ​യ രീ​തി​ക​ൾ പ്രോ​ത്സാ​ഹി​പ്പി​ക്കു​ന്ന​തി​ന് പ്ര​തി​ജ്ഞാ​ബ​ദ്ധ​രാ​ണ് -​അ​ദ്ദേ​ഹം പ​റ​ഞ്ഞു.