ആ​സ്​​ട്രേ​ലി​യ​ൻ വി​പ​ണ​ന മേ​ള​യു​മാ​യി ലു​ലു ഗ്രൂ​പ്

ദോ​ഹ: ആ​സ്ട്രേ​ലി​യ​ൻ ഉ​ൽ​പ​ന്ന​ങ്ങ​ളു​ടെ വി​പു​ല​മാ​യ ശേ​ഖ​ര​വു​മാ​യി ലു​ലു ​ഹൈ​പ്പ​ർ​മാ​ർ​ക്ക​റ്റി​ൽ ‘എ​ക്സ്​​പ്ലോ​ർ ആ​സ്ട്രേ​ലി​യ’ ഫെ​സ്റ്റി​ന് തു​ട​ക്കം. ഖ​ത്ത​റി​ലെ ആ​സ്ട്രേ​ലി​യ​ൻ എം​ബ​സി​യു​ടെ വ്യാ​പാ​ര വി​ഭാ​ഗ​മാ​യ ‘ആ​സ്ട്രേ​ഡു’​മാ​യി സ​ഹ​ക​രി​ച്ച് ന​ട​ത്തു​ന്ന ഫെ​സ്റ്റി​ന്റെ ഉ​ദ്ഘാ​ട​നം പേ​ൾ ഖ​ത്ത​ർ ലു​ലു ഹൈ​പ​ർ​മാ​ർ​ക്ക​റ്റി​ൽ അം​ബാ​സ​ഡ​ർ ഷെ​യ്ൻ ഫ്ലാ​ന​ഗ​നും ഭാ​ര്യ​യും ചേ​ർ​ന്ന് ഉ​ദ്ഘാ​ട​നം ചെ​യ്തു.

ഖ​ത്ത​റി​​ലെ മു​ഴു​വ​ൻ ലു​ലു ഹൈ​പ്പ​ർ​മാ​ർ​ക്ക​റ്റ് ഔ​ട്‍ലെ​റ്റു​ക​ളി​ലു​മാ​യി ​ഫെ​ബ്രു​വ​രി 12 വ​രെ തു​ട​രും. ആ​സ്ട്രേ​ലി​യ​ൻ ഉ​ദ്യോ​ഗ​സ്ഥ​ർ, എം​ബ​സി പ്ര​തി​നി​ധി​ക​ൾ, ലു​ലു ഗ്രൂ​പ് ഇ​ന്റ​ർ​നാ​ഷ​ന​ൽ റീ​ജ​ന​ൽ ഡ​യ​റ​ക്ട​ർ എം.​ഒ ഷൈ​ജാ​ൻ, റീ​ജ​ന​ൽ മാ​നേ​ജ​ർ ഷാ​ന​വാ​സ് പ​ടി​യ​ത്ത് തു​ട​ങ്ങി​യ​വ​ർ പ​​ങ്കെ​ടു​ത്തു.

ആ​സ്ട്രേ​ലി​യ​ൻ ഫെ​സ്റ്റ് ഉ​ദ്ഘാ​ട​ന ച​ട​ങ്ങി​ൽ പ​​ങ്കെ​ടു​ക്കാ​ൻ ക​ഴി​ഞ്ഞ​തി​ൽ സ​ന്തോ​ഷം പ്ര​ക​ടി​പ്പി​ച്ച അം​ബാ​സ​ഡ​ർ ഷെ​യ്ൻ ഫ്ലാ​ന​ഗ​ൻ, ഖ​ത്ത​റി​ന്റെ ഭ​ക്ഷ്യ​സു​ര​ക്ഷ ഉ​റ​പ്പാ​ക്കു​ക​യെ​ന്ന ആ​സ്ട്രേ​ലി​യ​യു​ടെ പ്ര​തി​ബ​ദ്ധ​ത​യു​ടെ ഭാ​ഗം കൂ​ടി​യാ​ണ് ലു​ലു ഹൈ​പ​ർ​മാ​ർ​ക്ക​റ്റ് ആ​തി​ഥ്യ​മൊ​രു​ക്കു​ന്ന ഫെ​സ്റ്റ് എ​ന്ന് അ​ദ്ദേ​ഹം പ​റ​ഞ്ഞു. ഖ​ത്ത​റി​ന്റെ ഭ​ക്ഷ്യ സു​ര​ക്ഷ​യി​ൽ ആ​സ്ട്രേ​ലി​യ നി​ർ​ണാ​യ​ക പ​ങ്കു​വ​ഹി​ക്കു​ന്നു.

വി​വി​ധ ഉ​ൽ​പ​ന്ന​ങ്ങ​ളാ​യി ഖ​ത്ത​റി​ലെ ഓ​രോ അ​ടു​ക്ക​ള​യി​ലും, തീ​ൻ മേ​ശ​യി​ലും, റെ​ഫ്രി​ജ​റേ​റ്റ​റി​ലു​മാ​യി ആ​സ്ട്രേ​ലി​യ​ൻ സാ​ന്നി​ധ്യ​മു​ണ്ട്. പ്ര​ശ​സ്ത​മാ​യ ആ​സ്ട്രേ​ലി​യ​ൻ ആ​ട്, മ​നു​ക തേ​ൻ, പ​ഴം, പ​ച്ച​ക്ക​റി​ക​ൾ തു​ട​ങ്ങി​യ​വ​യു​മാ​യും വി​പ​ണി​യി​ൽ സ​ജീ​വ സാ​ന്നി​ധ്യ​മാ​ണ്. ഗു​ണ​നി​ല​വാ​രം, സു​ര​ക്ഷ, മി​ക​ച്ച മൂ​ല്യം എ​ന്നി​വ​യി​ല​ധി​ഷ്ഠി​ത​മാ​ണ് ഓ​രോ ഉ​ൽ​പ​ന്ന​വും. ഹ​ലാ​ൽ സ​ർ​ട്ടി​ഫി​ക്കേ​ഷ​നി​ലും സൂ​ക്ഷ്മ​ത പാ​ലി​ക്കു​ന്നു -അം​ബാ​സ​ഡ​ർ പ​റ​ഞ്ഞു.

ലു​ലു ഗ്രൂ​പ്പി​ന്റെ ഐ.​പി.​ഒ​യെ അ​ഭി​ന​ന്ദി​ച്ച അ​ദ്ദേ​ഹം, ഈ ​നീ​ക്കം ഖ​ത്ത​റി​ലും ഗ​ൾ​ഫ് മേ​ഖ​ല​യി​ലും പു​റ​ത്തു​മാ​യി റി​ട്ടെ​യി​ൽ മേ​ഖ​ല​യി​ൽ വ​ലി​യ സാ​ന്നി​ധ്യ​മാ​യി ലു​ലു​വി​നെ മാ​റ്റു​മെ​ന്നും വ്യ​ക്ത​മാ​ക്കി.

യൂ​റോ​പ്പ്, മി​ഡി​ൽ​ഈ​സ്റ്റ്, തു​ർ​ക്കി ചു​മ​ത​ല​യു​ള്ള വി​ക്ടോ​റിയ ക​മീ​ഷ​ണർ ഗു​ണ​ൽ സെ​ർ​ബെ​സ്റ്റ്, ട്രേ​ഡ് ആ​ൻ​ഡ് ഇ​ൻ​വെ​സ്റ്റ്മെ​ന്റ് ഓ​ഫി​സ​ർ ടോ​ഡ് മി​ല്ല​ർ എ​ന്നി​വ​ർ സം​സാ​രി​ച്ചു. ക​ഴി​ഞ്ഞ നാ​ലു​വ​ർ​ഷ​മാ​യി ​ത​ദ്ദേ​ശീ​യ വി​പ​ണി​യി​ൽ ആ​സ്ട്രേ​ലി​യ​ൻ ഉ​ൽ​പ​ന്ന​ങ്ങ​ൾ വ​ലി​യ സ്വീ​കാ​ര്യ​ത ല​ഭി​ക്കു​ന്ന​താ​യി ലു​ലു ഗ്രൂ​പ് ഇ​ന്റ​ർ​നാ​ഷ​ന​ൽ റീ​ജ​ന​ൽ ഡ​യ​റ​ക്ട​ർ എം.​ഒ ഷൈ​ജാ​ൻ പ​റ​ഞ്ഞു.

നി​ല​വി​ൽ എ​ല്ലാ ത​ര​ത്തി​ലു​ള്ള ആ​സ്ട്രേ​ലി​യ​ൻ ഉ​ൽ​പ​ന്ന​ങ്ങ​ളും ലു​ലു വി​പ​ണി​യി​ലെ​ത്തി​ക്കു​ന്നു​വെ​ന്നും അ​ദ്ദേ​ഹം പ​റ​ഞ്ഞു. ഫ്ര​ഷ് മീ​റ്റ്, ഓ​ർ​ഗാ​നി​ക് ഫു​ഡ്, സോ​സ്, കേ​ക്ക് മി​ക്സ്, തേ​ൻ, ഗ്രോ​സ​റി, ഫ്ര​ഷ് ഫ്രൂ​ട്ട് ഉ​ൾ​പ്പെ​ടെ വി​പു​ല​മാ​യ നി​ര​യാ​ണ് ഫെ​സ്റ്റി​ൽ ഉ​ൾ​പ്പെ​ടു​ത്തി​യ​ത്.