​​ജോ​ലി​യും വ​ലി​ച്ചെ​റി​ഞ്ഞ്​ വോ​ട്ടു​ചെ​യ്യാ​നെ​ത്തി​യ ഒ​രു പ​തി​നെ​ട്ടു​കാ​ര​ൻ

ചാ​വ​ക്കാ​ട് മു​നി​സി​പ്പാ​ലി​റ്റി​യി​ൽ ആ​ദ്യ തെ​ര​ഞ്ഞെ​ടു​പ്പ് ന​ട​ന്ന​ത് 1979 ലാ​ണ്. ഞ​ങ്ങ​ളു​ടെ​യൊ​ക്കെ ഗു​രു​വാ​യ സ​ഖാ​വ്​ കെ.​ടി. അ​പ്പു​ക്കു​ട്ട​നും കോ​ൺ​ഗ്ര​സി​ലെ മ​ച്ചി​ങ്ങ​ൽ ഭ​ര​ത​ൻ എ​ന്ന ബേ​ബി​യേ​ട്ട​നും ത​മ്മി​ലെ മ​ത്സ​ര​ത്തി​ന്​ വീ​റും വാ​ശി​യു​മേ​റും. ക​ക്ഷി​ഭേ​ദ​മേ​ന്യ സ​ഖാ​വ് കെ.​ടി​ക്ക് വോ​ട്ട് ല​ഭി​ക്കു​മെ​ന്ന് ക​രു​തി​യ തെ​ര​ഞ്ഞെ​ടു​പ്പി​ൽ അ​ദ്ദേ​ഹം തോ​റ്റു. ആ​ൻ​റ​ണി കോ​ൺ​ഗ്ര​സ് എ​ന്ന രാ​ഷ്ട്രീ​യ ക​ക്ഷി​ക്ക് ഞ​ങ്ങ​ളു​ടെ നാ​ട്ടി​ൽ ജ​ന​ങ്ങ​ൾ​ക്കി​ട​യി​ൽ വ​ലി​യ വേ​രോ​ട്ട​മി​ല്ലെ​ന്ന് ആ ​തെ​ര​ഞ്ഞെ​ടു​പ്പ് തെ​ളി​യി​ച്ചു. അ​തു​വ​രെ​യു​ള്ള വി​ശ്വാ​സ​ങ്ങ​ളി​ൽ നി​ന്ന് രാ​ഷ്ട്രീ​യം എ​ങ്ങ​നെ വേ​ർ​തി​രി​ഞ്ഞ്‌ നി​ൽ​ക്കു​ന്നു​വെ​ന്നും മ​ന​സ്സി​ലാ​ക്കാ​നാ​യി. എ​ല്ലാം രാ​ഷ്ട്രീ​യ​ത്തി​നു വി​ധേ​യ​മാ​ണ്. വ്യ​ക്തി​ക​ൾ​ക്ക് യാ​തൊ​രു പ്ര​സ​ക്തി​യും ഇ​ല്ല. കെ.​ടി​യു​ടെ തെ​ര​ഞ്ഞെ​ടു​പ്പ് പ്ര​വ​ർ​ത്ത​ന​ത്തി​ന് വേ​ണ്ടി​യു​ള്ള ജോ​ലി​യും ക​ള​ഞ്ഞ്‌ അ​ന്ന​ത്തെ മ​ദ്രാ​സി​ൽ നി​ന്ന് നാ​ട്ടി​ലേ​ക്ക് തി​രി​ച്ചു​വ​രു​മ്പോ​ൾ നാ​ടൊ​ട്ടു​ക്ക് ചു​വ​ന്ന കൊ​ടി​ക​ൾ കൊ​ണ്ട് നി​റ​ഞ്ഞി​രു​ന്നു.

ആ​ദ്യ​മാ​യി 18 വ​യ​സ്സ് തി​ക​ഞ്ഞ​വ​ർ​ക്ക് വോ​ട്ട​വ​കാ​ശം കി​ട്ടി​യ​തി​ന്റെ ആ​വേ​ശം യു​വാ​ക്ക​ളി​ൽ പ്ര​ക​ട​മാ​യി​രു​ന്നു. ഡി​ഗ്രി​ക്ക് പ​ഠി​ക്കു​ന്ന എ​സ്.​എ​ഫ്.​ഐ​ക്കാ​ര​നും കെ.​എ​സ്.​യു​ക്കാ​ര​നും കോ​ള​ജ് രാ​ഷ്ട്രീ​യ​ത്തി​ന​പ്പു​റം ജ​നാ​ധി​പ​ത്യ​ത്തി​ന്റെ ഗോ​ദ​യി​ലി​റ​ങ്ങി​യ നാ​ളു​ക​ൾ. അ​തി​ന്റെ ആ​വേ​ശം എ​ല്ലാ​യി​ട​ത്തും ദ്യ​ശ്യ​മാ​യി​രു​ന്നു. വോ​ട്ട് ചെ​യ്യാ​മെ​ന്ന ആ​ഗ്ര​ഹ​ത്തി​ൽ വ​ന്ന എ​നി​ക്ക് 18 തി​ക​യാ​ൻ ആ​റു​മാ​സം കൂ​ടി ക​ഴി​യ​ണ​മാ​യി​രു​ന്നു. വോ​ട്ട് ചേ​ർ​ക്കാ​ൻ താ​ലൂ​ക്ക് ഓ​ഫി​സി​ൽ ചെ​ന്ന​പ്പോ​ൾ അ​വി​ടെ എ​തി​ർ​പാ​ർ​ട്ടി​ക്കാ​ർ സ​ർ​ട്ടി​ഫി​ക്ക​റ്റു കോ​പ്പി​യു​മാ​യാ​ണ് എ​തി​രേ​റ്റ​ത്. റേ​ഷ​ൻ കാ​ർ​ഡും ജാ​ത​ക​വു​മൊ​ന്നും തു​ണ​യാ​യി​ല്ല. അ​തു​വ​രെ തോ​ളി​ൽ കൈ​യി​ട്ട് ന​ട​ന്ന​വ​ർ പ​ര​സ്പ​രം പോ​ർ​വി​ളി​ച്ച്‌ അ​പേ​ക്ഷ​ക​ൾ ത​ള്ളി​ക്കു​ന്ന​ത് വ​ല്ലാ​ത്തൊ​രു ഹ്യ​ദ​യ​വേ​ദ​ന​യാ​യി. കാ​ല​ങ്ങ​ൾ പി​ന്നീ​ട് എ​ത്ര​യോ ക​ഴി​ഞ്ഞു. പ്ര​വാ​സ​തി​ര​ക്കി​ൽ ര​ണ്ട് പ്രാ​വ​ശ്യ​മാ​ണ് വോ​ട്ട് ചെ​യ്യാ​ൻ അ​വ​സ​രം ല​ഭി​ച്ച​ത്. അ​തി​നി​ട​യി​ൽ 1980ൽ ​ബോം​ബെ​യി​ൽ വോ​ട്ട് ചെ​യ്യാ​ൻ അ​വ​സ​ര​മു​ണ്ടാ​യി. ജ​ന​താ​പാ​ർ​ട്ടി​യു​ടെ ക​ല​പ്പ​യേ​ന്തി​യ ക​ർ​ഷ​ക​നു ഞ​ങ്ങ​ൾ എ​ല്ലാ​വ​രും കൂ​ടി വോ​ട്ട് ചെ​യ്തു.

മ​ല​യാ​ളി ഗാ​ങ്ങി​ൽ കോ​ൺ​ഗ്ര​സ് വി​രു​ദ്ധ​ഗ്രൂ​പ്പ സ​ജീ​വ​മാ​യി​രു​ന്ന കാ​ലം. ബോം​ബെ മ​ല​യാ​ളി​ക​ൾ​ക്കി​ട​യി​ൽ കോ​ൺ​ഗ്ര​സ് രാ​ഷ്ട്രീ​യം അ​ത്ര സ​ജീ​വ​മാ​യി ച​ർ​ച്ച ചെ​യ്യു​ന്ന​ത് ആ ​കാ​ല​ത്ത് ശ്ര​ദ്ധ​യി​ൽ​പെ​ട്ടി​രു​ന്നി​ല്ല. എ​ന്നാ​ൽ ഇ​ട​തു രാ​ഷ്ട്രീ​യം വ​ള​രെ സ​ജീ​വ​മാ​യി​രു​ന്നു. ഇ.​എം.​എ​സ്‌, ഇ​മ്പി​ച്ചി​ബാ​വ തു​ട​ങ്ങി​യ​വ​ർ ബോം​ബെ​യി​ൽ വ​ന്ന് ഇ​ട​തു​പ​ക്ഷ രാ​ഷ്ട്രീ​യ​ത്തി​ന് ശ​ക്തി പ​ക​ർ​ന്നി​രു​ന്ന ഒ​രു കാ​ല​മാ​യി​രു​ന്നു അ​ത്. കൂ​ടാ​തെ ക​മ്പ​നി​ക​ളി​ൽ സി.​ഐ.​ടി.​യു പ്ര​വ​ർ​ത്ത​ന​ങ്ങ​ളും ശ​ക്ത​മാ​യി​രു​ന്നു. ഗ​ൾ​ഫി​ലെ​ത്തി​യ​പ്പോ​ൾ സ്ഥി​തി വ​ള​രെ വ്യ​ത്യ​സ്ത​മാ​യി​രു​ന്നു. ഇ​വി​ടെ എ​ല്ലാ രാ​ഷ്ട്രീ​യ​ക്കാ​രും വ​ള​രെ ശ​ക്ത​രാ​യി​രു​ന്നു. പ്ര​ത്യേ​കി​ച്ച്‌ ഖ​ത്ത​ർ കെ.​എം.​സി.​സി. അ​വ​ർ വ​ള​രെ ഗ്രാ​സ് റൂ​ട്ടി​ൽ പോ​ലും രാ​ഷ്ട്രീ​യ​പ്ര​വ​ർ​ത്ത​നം സം​ഘ​ടി​പ്പി​ച്ചി​രു​ന്നു. ആ​ദ്യ​കാ​ല​ങ്ങ​ളി​ൽ തെ​ര​ഞ്ഞെ​ടു​പ്പ്‌ സ​മ​യ​ത്ത് നാ​ട്ടി​ലേ​ക്ക് വോ​ട്ട​ർ​മാ​രെ അ​യ​ക്കു​ന്ന പ​രി​പാ​ടി പോ​ലും കെ.​എം.​സി.​സി ആ​സൂ​ത്ര​ണം ചെ​യ്തി​രു​ന്നു​വെ​ന്നാ​ണ് മ​ന​സ്സി​ലാ​ക്കാ​ൻ ക​ഴി​ഞ്ഞ​ത്.

വ​ള​രെ മൗ​ന​മാ​യാ​ണ് മ​റ്റു രാ​ഷ്ട്രീ​യ സം​ഘ​ട​ന​ക​ൾ പ്ര​വ​ർ​ത്തി​ച്ചി​രു​ന്ന​ത്. സം​സ്‌​കൃ​തി രൂ​പ​വ​ത്കൃ​ത​മാ​യ​ത് 1999 ലാ​ണ്. അ​ല്പ​മൊ​ക്കെ പ​ര​സ്യ​മാ​യി രാ​ഷ്​​ട്രീ​യ വി​ശ​ദീ​ക​ര​ണ​യോ​ഗ​ങ്ങ​ളും പ്ര​വ​ർ​ത്ത​ന​ങ്ങ​ളും ആ​രം​ഭി​ച്ച​ത് ര​ണ്ടാ​യി​ര​ത്തി​നു​ശേ​ഷ​മാ​ണ്. എ​ന്നാ​ൽ പ​ര​സ്പ​ര​മു​ള്ള സൗ​ഹൃ​ദ​വും ധാ​ര​ണ​യും മ​റ്റു ജി.​സി.​സി രാ​ജ്യ​ങ്ങ​ളി​ൽ നി​ന്ന് വ്യ​ത്യ​സ്ത​മാ​യി​രു​ന്നു ഖ​ത്ത​റി​ൽ. അ​തു​കൊ​ണ്ട് ഇ​വി​ടെ പ​ര​സ്പ​ര വെ​ല്ലു​വി​ളി​ക​ളോ പ്ര​യാ​സ​ങ്ങ​ളോ ആ​ർ​ക്കും അ​നു​ഭ​വ​പ്പെ​ട്ടി​ട്ടി​ട്ടി​ല്ല. ആ​രും ആ​രെ​യും ഉ​പ​ദ്ര​വി​ച്ചി​ല്ല. ഓ​രോ തെ​ര​ഞ്ഞെ​ടു​പ്പ് വ​രു​മ്പോ​ഴും ഞാ​ൻ എ​ന്റെ പ്രാ​യം ഓ​ർ​ക്കും. അ​ടു​ത്ത തെ​ര​ഞ്ഞെ​ടു​പ്പ് ആ​വു​മ്പോ​ഴേ​ക്കും അ​ഞ്ചു വ​യ​സ്സ് കൂ​ടു​മ​ല്ലോ എ​ന്ന് ഖേ​ദി​ക്കും. പി​ന്നെ ചി​ന്തി​ക്കും അ​പ്പോ​ഴേ​ക്കും സ​ഖാ​വ് വി.​എ​സി​നു എ​ത്ര വ​യ​സ്സാ​വു​മെ​ന്ന്. നാ​ട്ടി​ലെ രാ​ഷ്ട്രീ​യ​ക്കാ​രു​ടെ ആ​വേ​ശം അ​ത്ര​യും ശ​ക്ത​മാ​ണ​ല്ലോ. ആ ​സാ​മൂ​ഹി​ക കാ​ഴ്ച​പ്പാ​ടി​ന്റെ സ്പി​രി​റ്റ് ആ​ണ​ല്ലോ പ്ര​വാ​സി​ക​ളു​ടേ​യും രാ​ഷ്ട്രീ​യം. 1979ൽ ​വോ​ട്ട് ചെ​യ്യാ​നു​ള്ള ആ​വേ​ശ​ത്തി​ൽ ക​ഷ്ട​പ്പെ​ട്ട് കി​ട്ടി​യ ജോ​ലി വേ​ണ്ടെ​ന്ന് വെ​ച്ച്‌ നാ​ട്ടി​ലേ​ക്ക് തി​രി​ച്ച ആ ​യു​വ ര​ക്ത​ത്തി​ന്റെ ആ​വേ​ശ​മാ​ണ് എ​ല്ലാ കാ​ല​ത്തും പ്ര​വാ​സി​ക​ൾ​ക്ക്. അ​വി​ടെ ശ​രി തെ​റ്റു​ക​ളു​ടെ അ​ന്വേ​ഷ​ണ​ങ്ങ​ളി​ല്ല. അ​ന്ന് പ​ശ്ചി​മ​ഘ​ട്ടം പി​ന്നി​ട്ട് പാ​ല​ക്കാ​ട് എ​ത്തു​മ്പോ​ൾ ക​ണ്ട ആ ​കൊ​ടി​തോ​ര​ണ​ങ്ങ​ളു​ടെ ചു​വ​പ്പ് ഓ​രോ തെ​ര​ഞ്ഞെ​ടു​പ്പു​കാ​ല​ത്തും മ​ന​സ്സി​ലി​ങ്ങ​നെ അ​ല​യ​ടി​ക്കും. പ​തി​നെ​ട്ടു​കാ​ര​ന്റെ ആ​വേ​ശം ഇ​പ്പോ​ഴും അ​ട​ങ്ങി​യി​ട്ടി​ല്ല.