കേരളത്തിലെ തദ്ദേശ തെരഞ്ഞെടുപ്പ്​: ഓൺലൈനിൽ പ്രചാരണം കളറാക്കാൻ പ്രവാസം

ദോഹ: സംഗതി കോവിഡാണ്​, ആളുകൾ കൂടിയിരിക്കുന്നതിന്​ തടസ്സമുണ്ട്​. പണ്ടത്തെപ്പോലെ യോഗങ്ങൾ നടത്താൻ കഴിയില്ല.പക്ഷേ പ്രവാസം കോവിഡ്​കാലത്തും നാട്ടിലെ ​െതരഞ്ഞെടുപ്പ്​ പ്രചാരണം ഉഷാറാക്കാൻ തന്നെയാണ്​ തീരുമാനിച്ചിരിക്കുന്നത്​. തെരഞ്ഞെടുപ്പുകൾ, ഏതുമായിക്കൊള്ള​ട്ടെ നാട്ടിലുള്ളതിനേക്കാൾ ആവേശമാണ്​ പ്രവാസത്തിന്​ ഇലക്ഷൻ കാലത്ത്​. കാലാകാലങ്ങളായി തങ്ങളോട്​ വിവിധ സർക്കാറുകൾ പുലർത്തിവരുന്ന അവഗണനയൊന്നും പ്രവാസികൾ തെരഞ്ഞെടുപ്പ്​ കാലത്ത്​ ഗൗനിക്കാറില്ല. നാട്ടിലെ രാഷ്​ട്രീയപ്രവർത്തനത്തിൻെറ അതേ ചൂടിലാകും തെരഞ്ഞെടുപ്പ്​ കാലത്ത്​ പ്രവാസലോകവും. തദ്ദേശ തെരഞ്ഞെടുപ്പ്​ കഴിഞ്ഞാലുടൻ കേരളത്തിൽ നിയമസഭ തെരഞ്ഞെടുപ്പുകൂടി വരുന്നതിനാൽ ഏറെ പ്രധാന്യത്തോടെയാണ്​ സംഘടനകൾ ഈ പഞ്ചായത്ത്​ തെരഞ്ഞെടുപ്പിനെ നോക്കിക്കാണുന്നത്​.

കോൺഗ്രസി​െൻറ പ്രവാസി സംഘടനയായ ഇൻകാസ്​, മുസ്​ലിംലീഗിൻെറ കെ.എം.സി.സി, വെൽഫെയർ പാർട്ടിയുടെ കൾച്ചറൽഫോറം, സി.പി.എമ്മിൻെറ സംസ്​കൃതി, സി.പി.ഐയുടെ യുവകലാസാഹിതി, ബി.ജെ.പിയുടെ ഖത്തർ ഇന്ത്യൻസ്​ അസോസിയേഷൻ (ഒ.എഫ്​.ഐ) തുടങ്ങിയ സംഘടനകൾ ഖത്തറിൽ സജീവമാണ്​.

ഇത്തവണ കോവിഡ്​ ആയതിനാൽ നേരിട്ടുള്ള തെരഞ്ഞെടുപ്പ്​ കൺവെൻഷനുകൾ വിളിക്കുക എന്നത്​ നടക്കാത്ത കാര്യമാണ്​. എങ്കിലും രണ്ടു​ ദിവസത്തിനുള്ളിൽതന്നെ ഓൺലൈനിൽ പഞ്ചായത്ത്​ കമ്മിറ്റികളുടെ യോഗം വിളിച്ചുചേർത്ത്​ പ്രചാരണം ശക്​തിപ്പെടുത്താനാണ്​ സംഘടനകൾ ആലോചിക്കുന്നത്​. ഓൺലൈൻ യോഗങ്ങളിൽ നാട്ടിലെ നേതാക്കൾ സംബന്ധിക്കും. സമൂഹമാധ്യമങ്ങളിൽ പുതിയ പ്രചാരണതന്ത്രങ്ങളും പ്രതീക്ഷിക്കാം. കഴിഞ്ഞ തെരഞ്ഞെടുപ്പുകളിൽ വോട്ടുചെയ്യാനായി മാത്രം നാട്ടിലെത്തി ദിവസങ്ങൾക്കുള്ളിൽ തിരിച്ചെത്തുന്നവരും ഏ​െറയായിരുന്നു. എന്നാൽ ഇത്തവണ അത്​ നടക്കാനുള സാധ്യത നിലവിലെ സാഹചര്യത്തിൽ കുറവാണ്​. നാട്ടിൽപോയാൽ പി​െന്ന ഖത്തറിൽ തിരിച്ചെത്തുന്നതുമായി ബന്ധപ്പെട്ട നടപടിക്രമങ്ങൾ ഏ​െറയാണ്​. പോരാത്തതിന്​ നാട്ടിലെത്തിയാലുള്ള ​ക്വാറൻറീനും.

കോവിഡ്​ നെഗറ്റിവ്​ സർട്ടിഫിക്കറ്റുള്ളവർക്ക്​ നാട്ടിൽ ക്വാറൻറീൻ വേണ്ട എന്ന കേന്ദ്രസർക്കാറിൻെറ പുതിയ നിർദേശത്തിൽ വ്യക്​തത ഇനിയും വരേണ്ടതുണ്ട്​.അത്തരത്തിൽ കേരളത്തിലും ചട്ടം വന്നാൽ പലരും നാട്ടിലെത്തി വോട്ട്​ ചെയ്യാനും സാധ്യത ഏ​െറയാണ്​.എന്നാൽ ഫോണിലൂടെ നാട്ടിലുള്ള തങ്ങളു​െട അനുകൂല വോട്ടുകൾ നേടിയെടുക്കാനുള്ള തന്ത്രത്തിനാണ്​ മിക്ക സംഘടനകളും കോപ്പുകൂട്ടുന്നത്​. ഏതായാലും വരും നാളുകളിൽ പ്രവാസലോകത്തും തെര​െഞ്ഞടുപ്പിൻെറ പ്രചാരണക്കാറ്റ്​ വീശും, അതിന്​ ഓൺലൈനിൻെറ മാറ്റാകും കൂടുതലെന്ന്​ മാത്രം.