വായ്പ തിരിച്ചടവ് മുടങ്ങിയവരെ തടവിൽനിന്നും മോചിപ്പിക്കാൻ ‘റാഫ്’ ഫണ്ട് ശേഖരിക്കും

ദോഹ: തിരിച്ചടവ് മുടങ്ങിയ വായ്പക്ക് വേണ്ടി ആഭ്യന്തര മന്ത്രാലയവുമായി ചേർന്ന് ശൈഖ് താനി ബിൻ അബ്​ദുല്ല ഫൗണ്ടേഷൻ ഫോർ ഹ്യൂമനിറ്റേറിയൻ സർവീസസ്​ (റാഫ്) ഫണ്ട് ശേഖരിക്കുമെന്ന്​ അധികൃതർ വാർത്താസമ്മേളനത്തിൽ അറിയിച്ചു. ‘പ്രശ്നം പരിഹരിച്ച് വീണ്ടുമൊരുമിക്കാൻ അവരെ സഹായിക്കൂ’ എന്ന തലവാചകത്തിലാണ്​ കാമ്പയിൻ നടക്കുക. 13 വനിതകളടക്കം 124 പൗരന്മാരുടെ വായ്പ തിരിച്ചടക്കുന്നതിന് 128 മില്യൻ ഖത്തർ റിയാൽ സമാഹരണമാണ്​ റാഫ് ലക്ഷ്യമിടുന്നത്​. 

വായ്പ മുടങ്ങിയതി​​​െൻറ പേരിൽ കേസിൽപ്പെട്ട്​ തടവുശിക്ഷ അനുഭവിക്കുന്നവരെ പൗരൻമാർക്ക്​ മോചനം നൽകുക, അല്ലെങ്കിൽ മുടങ്ങിയ വായ്പയുടെ പേരിൽ നിയമക്കുരുക്കിൽപ്പെട്ടവരെ തടവുശിക്ഷ കിട്ടാതെ സഹായിക്കുക തുടങ്ങിയവയാണ് കാമ്പയിനിലൂടെ ഉദ്ദേശിക്കുന്നതെന്നും അധികൃതർ  പറഞ്ഞു. 
ഭരണവികസന, തൊഴിൽ, സാമൂഹികകാര്യം, ആഭ്യന്തരം മന്ത്രാലയങ്ങളും ബന്ധപ്പെട്ട അധികൃതരും കൈമാറിയതാണ് നിലവിലുള്ള 124 പേരുടെ കേസുകളും എന്ന്​ റാഫിലെ കമ്യൂനിറ്റി സർവീസ്​ വകുപ്പ് മേധാവി ഡോ. മുഹമ്മദ് ബിൻ റാശിദ് അൽ മർറി പറഞ്ഞു. പദ്ധതി ഖത്തരി പൗരന്മാർക്ക് മാത്രമുള്ള താണെങ്കിലും വായ്പ തിരിച്ചടവിന് സഹായവും മറ്റും അഭ്യർഥിച്ച് പ്രവാസികൾക്കും അപേക്ഷ സമർപ്പിക്കാം എന്നതും പ്രത്യേകതയാണ്​. ഇതുസംബന്​ധിച്ച​ുള്ള അപേക്ഷ നൽകേണ്ടത്. 
അൽ ദുഹൈലിലെ റാഫ് ബ്രാഞ്ചിലെ കമ്യൂനിറ്റി സർവീസ്​ വകുപ്പിലാണ്. വായ്പ സംബന്​ധിച്ച​ുള്ള വിഷയത്തിൽ നിരവധി പഠനക്ലാസുകളും സെമിനാറുകളും റാഫ് നടത്തും. വീട്ടിൽ നിന്ന് ധർമം തുടങ്ങുകയെന്ന ആശയപ്രകാരമാണ് പൗരന്മാർക്ക് മുൻഗണന നൽകുന്നതെന്നും അൽ മർറി വ്യക്തമാക്കി.