ലിറ്റിൽ ചാമ്പ്യൻസ്​ 'സ്​പീക്കപ്​'

ദോഹ: 'ഗൾഫ്​ മാധ്യമം' ഒരുക്കുന്ന കൗമാരപ്രതിഭകളുടെ പ്രസംഗമത്സരമായ 'സ്​പീക്കപ് ഖത്തറിലേക്ക്​' നാളുകൾ എണ്ണി കാത്തിരിക്കുകയാണ്​ മത്സരാർഥികൾ.

എല്ലാ കോണുകളിൽനിന്ന്​ അറിവുകൾ തേടി, വാക്കുകൾക്ക്​ മുനകൂട്ടി, ​​വേദിയിൽ തീപ്പൊരി ചിതറാൻ തയാറെടുക്കുകയാണ്​ ഫൈനലിസ്​റ്റുകൾ. ജൂ​ൈല​ 23ന്​ നടക്കുന്ന ഫൈനൽ റൗണ്ടിൽ മാറ്റുരക്കുന്ന വിദ്യാർഥികളെ തിങ്കളാഴ്​ച​ മുതൽ പരിചയപ്പെടാം.

സ്​നേഹ ടോം

ശാന്തിനികേതൻ ഇന്ത്യൻ സ്​കൂളിലെ 11ാം ക്ലാസ്​ വിദ്യാർഥിനിയാണ്​ സ്​നേഹ ടോം. സീനിയർ ഇംഗ്ലീഷ്​-മലയാളം വിഭാഗങ്ങളിൽ ഫൈനൽ റൗണ്ടിന്​ ഒരുങ്ങുകയാണ്​ എറണാകുളം മലയാറ്റൂരിൽനിന്നുള്ള കൊച്ചുമിടുക്കി. 'സ്​പീക്കപ്​ ഖത്തർ' അവസാന റൗണ്ടിലേക്ക്​ രണ്ട്​ വിഭാഗങ്ങളിലും യോഗ്യത നേടിയതിൻെറ സ​ന്തോഷത്തിലാണിവർ.

ആദ്യ റൗണ്ടിനേക്കാൾ ആകാംക്ഷയിലാണിപ്പോൾ. പക്ഷേ, ആത്​മവിശ്വാസം വർധിച്ചിട്ടുണ്ട്. പുസ്​തകങ്ങളും ഇൻറർനെറ്റിൽനിന്നുള്ള ലേഖനങ്ങളും വിഡിയോകളുമായി ഫൈനലിനായുള്ള ഒരുക്കത്തിലാണ്​. മത്സരത്തെ കൂടുതൽ ഗൗരവത്തോടെ സമീപിക്കാൻ ​കഴിഞ്ഞ ദിവസത്തെ പരിശീലനം സഹായിച്ചു.

അഷ്​കർ മുഹമ്മദ്​ നിജാസ്​
എം.ഇ.എസ്​ ഇന്ത്യൻ സ്​കൂളിൽ 10ാം ക്ലാസ്​ വിദ്യാർഥിയാണ്​ അഷ്​കർ മുഹമ്മദ്​. ഇൻറർനാഷനൽ സ്​പീച് കോമ്പിറ്റീഷനിലും ടോസ്​റ്റ്​മാസ്​റ്റർ മത്സരങ്ങളിലുമെല്ലാം പ​ങ്കെടുത്ത അനുഭവസമ്പത്തുമായാണ്​ കൗമാരപ്രതിഭ 'ഗൾഫ്​ മാധ്യമം' സ്​പീക്ക​പ് ഫൈനലിന്​ ഒരുങ്ങുന്നത്​. ഇംഗ്ലീഷ്​-മലയാളം വിഭാഗങ്ങളിൽ മത്സരിക്കുന്നുണ്ട്​.

ഏറെ ആത്​മവിശ്വാസത്തോടെയാണ്​ ഫൈനലിന്​ തയാറെടുക്കുന്നത്​. പത്രങ്ങളിലും ഇൻറർനെറ്റിൽനിന്ന്​ കണ്ടെത്തുന്ന ലേഖനങ്ങളെയും ആശ്രയിച്ചുള്ള ഒരുക്കത്തിലാണ്​. ഒപ്പം കാമറക്ക്​ മുന്നിൽ സംസാരിക്കുന്നത്​ പരിശീലിക്കുകയും ചെയ്യുന്നു.

ഷാഹിന ഹാഷിം

​ഖത്തർ ഐഡിയിൽ ഇന്ത്യൻ സ്​കൂളിൽ 11ാം ക്ലാസ്​ വിദ്യാർഥിനിയാണ്​ ഷാഹിന ഹാഷിം. മലപ്പുറം പൊന്നാനി സ്വദേശി. സീനിയർ മലയാള വിഭാഗത്തിൽ മത്സരിക്കുന്നു.

മദ്​റസതലത്തിൽ പ്രസംഗ മത്സരങ്ങളിൽ നേടിയ വിജയങ്ങളുടെ ആത്​മവിശ്വാസത്തോടെയാണ്​ ഷാഹിന സ്​പീക്കപ് ഖത്തർ ഫൈനൽ റൗണ്ടിന്​ ഒരുങ്ങുന്നത്​. പുസ്​തകങ്ങളും ലേഖനങ്ങളും വായിച്ച്​ കുറിപ്പുകൾ തയാറാക്കിയും ഇൻറർനെറ്റിൽനിന്ന്​ പ്രധാന പോയൻറുകൾ കണ്ടെത്തിയുമാണ്​ ഒരുക്കം. മകളുടെ തയാറെടുപ്പിന്​ പിന്തുണയുമായി ഉമ്മയും കൂടെയുണ്ട്​. ​

ജോൺ പോൾ ലോറൻസ്​

എം.ഇ.എസ്​ ഇന്ത്യൻ സ്​കൂളി​ൽ 11 ാം ക്ലാസുകാരനാണ്​ ജോൺ പോൾ. സീനിയർ വിഭാഗം മലയാളം, ഇംഗ്ലീഷ്​ പ്രസംഗ മത്സരങ്ങൾക്കായി ഒരുങ്ങുന്നു.

ഇൻറർ സ്​കൂൾതല പ്രസംഗമത്സരങ്ങളിലും ഡിബേറ്റുകളിലും നേരത്തെതന്നെ മികച്ച നേട്ടങ്ങൾ കൊയ്​ത കൗമാരക്കാരൻ സ്​പീക്കപ്​ ഖത്തറിൻെറ ഫൈനൽ റൗണ്ടിലെത്തിയ സന്തോഷത്തിലാണ്​.

മികച്ച ജഡ്​ജിങ്​ പാനലിനു മുന്നിൽ ഫൈനൽ റൗണ്ടിനായി തയാറെടുക്കുകയാണ്​ തൃശൂർ പാവറട്ടി സ്വദേശിയായ ജോൺ പോൾ.

തീർഥ അരവിന്ദ്​

​േമാഡേൺ ഇന്ത്യൻ സ്​കൂളിൽ 11ാം ക്ലാസ്​ വിദ്യാർഥിനിയാണ്​ തീർഥ. ത​ൃശൂർ മണ്ണുത്തി സ്വദേശി. സീനിയർ മലയാള വിഭാഗത്തിൽ മത്സരിക്കുന്നു. ​സ്​കൂൾ തലത്തിൽതന്നെ മത്സരപരിചയവുമായാണ്​ കൗമരക്കാരി സ്​പീക്കപ്​ ഖത്തർ ഫൈനൽ റൗണ്ടിന് ഒരുങ്ങുന്നത്​.

പുസ്​തകങ്ങളും ലേഖനങ്ങളുമെല്ലാം സമാഹരിച്ചാണ്​ അവസാനവട്ട തയാറെടുപ്പ്​. കൂട്ടിന്​ അമ്മയുമുണ്ട്​. വർക്​ഷോപ്​ കൂടി കഴിഞ്ഞതോടെ വലിയ മത്സരങ്ങളിൽ പ​ങ്കെടുക്കാനും വിശാലമായ സദസ്സിന്​ മുന്നിൽ സംസാരിക്കാനുമുള്ള ഊർജം ലഭിച്ചെന്ന്​ തീർഥ പറയുന്നു.

ഷെസ ഫാത്തിമ

എം.ഇ.എസ്​ ഇന്ത്യൻ സ്​കൂളിൽ ഒമ്പതാം ക്ലാസ്​ വിദ്യാർഥിനിയാണ്​ ഷെസ ഫാത്തിമ. കോഴിക്കോട്​ തിക്കോടി ചിങ്ങപുരം സ്വദേശി.സീനിയർ മലയാള വിഭാഗത്തിൽ മത്സരിക്കുന്നു. വിവിധ റൗണ്ടുകൾ കടന്ന്​ ഫൈനൽ റൗണ്ടിലെത്തിയ ആവേശത്തിലാണ്​ ഈ കൗമാരക്കാരി.

പ്രഗത്ഭരായ ജഡ്​ജസുകൾ അണിനിരക്കുന്ന മത്സരത്തിൽ നന്നായി വിഷയം അവതരിപ്പിക്കാനുള്ള ഒരുക്കത്തിലാണ്​. പുസ്​തകങ്ങളും ഇൻറർനെറ്റിൽനിന്നുള്ള ലേഖനങ്ങളും പ്രസംഗങ്ങളും ഉപയോഗപ്പെടുത്തി കുറിപ്പ്​ തയാറാക്കിയാണ്​ തയാറെടുപ്പ്​. പരിശീലന ക്യാമ്പിലെ അനുഭവം ആത്​മവിശ്വാസം പകർന്നതായും ഷെസ പറയുന്നു.