കാ​ത്തി​രി​ക്കാം, ബോ​ട്ടു​ത്സ​വ​ത്തി​ന്​

ദോ​ഹ: പ്ര​ഥ​മ ഖ​ത്ത​ർ ബോ​ട്ട്​ ഷോ​യു​ടെ ഒ​രു​ക്ക​ങ്ങ​ൾ പൂ​ർ​ത്തി​യാ​ക്കി ഓ​ൾ​ഡ്​ ദോ​ഹ പോ​ർ​ട്ട്. ന​വം​ബ​ർ ആ​റ്​ മു​ത​ൽ ഒ​മ്പ​ത്​ വ​രെ​യാ​യി നാ​ലു ദി​വ​സ​ങ്ങ​ളി​ലാ​യി ന​ട​ക്കു​ന്ന ബോ​ട്ട്​ ഷോ​യി​ൽ ആ​ഡം​ബ​ര സൂ​പ്പ​ർ​യാ​ട്ടു​ക​ൾ മു​ത​ൽ ക​ട​ൽ നൗ​ക​ക​ൾ, ​ബോ​ട്ട്​ വ്യ​വ​സാ​യ​ത്തി​ലെ അ​ത്യാ​ധു​നി​ക ക​ണ്ടെ​ത്ത​ലു​ക​ൾ, ജ​ല​കാ​യി​ക ഇ​ന​ങ്ങ​ൾ, വി​നോ​ദ പ​രി​പാ​ടി​ക​ൾ, ഭ​ക്ഷ്യ വി​ഭ​വ​ങ്ങ​ൾ തു​ട​ങ്ങി വൈ​വി​ധ്യ​മാ​ർ​ന്ന ​ആ​ഘോ​ഷ​മാ​ണ്​ ഒ​രു കു​ട​ക്കീ​ഴി​ൽ ഒ​രു​ക്കി​യ​ത്.

ഖ​ത്ത​റി​ന്‍റെ സ​മ്പ​ന്ന​മാ​യ ക​ട​ൽ ​സാം​സ്​​കാ​രി​ക പൈ​തൃ​ക​ത്തി​ന്‍റെ പ്ര​ദ​ർ​ശ​നം കൂ​ടി​യാ​യാ​ണ്​ ബോ​ട്ട്​ ഷോ ​അ​ര​ങ്ങേ​റു​ന്ന​ത്. സ​ന്ദ​ർ​ശ​ക​ർ​ക്ക്​ വൈ​വി​ധ്യ​മാ​ർ​ന്ന വി​നോ​ദ, വി​ജ്ഞാ​ന പ​രി​പാ​ടി​ക​ൾ ആ​സ്വ​ദി​ക്കാ​മെ​ന്ന്​ ബോ​ട്ട്​ ഷോ ​സം​ഘാ​ട​ക​ർ അ​റി​യി​ച്ചു.

തീ​ര​ത്ത്​ നി​ന്നൊ​രു​ക്കു​ന്ന കാ​ഴ്​​ച​യി​ൽ 350ഓ​ളം മ​റൈ​ൻ ബ്രാ​ൻ​ഡു​ക​ളി​ലെ ബോ​ട്ടു​ക​ളു​ടെ അ​തി​ശ​യ​ക്കാ​ഴ്​​ച​യാ​ണ്​ സ​ജ്ജ​മാ​ക്കു​ന്ന​ത്. സ്​​പീ​ഡ്​ ബോ​ട്ട്, വി​നോ​ദ ബോ​ട്ടു​ക​ൾ, ഓ​ൺ ഗ്രൗ​ണ്ട്​ തു​ട​ങ്ങി​യ കാ​ഴ്​​ച​ക​ളും അ​ൽ ദാ​ർ മ​റൈ​ൻ, ദോ​ഹ ക്രാ​ഫ്​​റ്റ്​ മ​റൈ​ൻ, ജാ​സിം അ​ഹ​മ​ദ്​ അ​ൽ ലി​ൻ​ഗാ​വി തു​ട​ങ്ങി​യ ബ്രാ​ൻ​ഡു​ക​ളും സ​ജ്ജ​മാ​ണ്. ഓ​ഷ്യാ​നി​ക്​ ഡി​സ്​​​പ്ലേ​യാ​ണ്​ മ​റ്റൊ​രു കാ​ഴ്​​ച.

ക​ര​കൗ​ശ​ല വൈ​വി​ധ്യ​വും അ​ഭൂ​ത​പൂ​ർ​വ​മാ​യ രാ​ജ​കീ​യ പ്രൗ​ഢി​യു​മു​ള്ള ഒ​രു നി​ര​ത​ന്നെ ഇ​വി​ടെ സ​ജ്ജ​മാ​വും. അ​ൽ​ദാ​ഇ​ൻ മ​റൈ​ൻ, അ​ൽ ഫ​ജ​ർ മ​റൈ​ൻ, ഗ​ൾ​ഫ്​ ക്രാ​ഫ്​​റ്റ്, പ്രി​ൻ​സ​സ്​ യാ​ച്ച്, സെ​റി​ന യാ​ച്ച്​ തു​ട​ങ്ങി​യ ലോ​കോ​ത്ത​ര സ്ഥാ​പ​ന​ങ്ങ​ളു​ടെ നി​ര​യാ​ണ്​ കാ​ഴ്​​ച​ക്കാ​രെ കാ​ത്തി​രി​ക്കു​ന്ന​ത്.

വാ​ട്ട​ർ കാ​യി​ക​​ മേ​ഖ​ല​യി​ൽ 100ലേ​റെ ബ്രാ​ൻ​ഡു​ക​ളും മ​ത്സ്യ​ബ​ന്ധ​ന ഉ​പ​ക​ര​ണ​ങ്ങ​ളും മ​റ്റും പ്ര​ദ​ർ​ശ​ന​ത്തി​നു​ണ്ടാ​വും. ഖ​ത്ത​ർ ബോ​ട്ട്​ ഷോ ​മ​ത്സ​രം, ജ​ലാ​ധ​ന, ലൈ​വ്​ മ്യൂ​സി​ക്, കാ​ർ പ​രേ​ഡ്, കു​തി​ര​ക​ളു​ടെ പ്ര​ദ​ർ​ശ​നം, ഡ്രാ​ഗ​ൻ ബോ​ട്ട്​ ഷോ ​എ​ന്നി​വ​ക്കു പു​റ​മെ രാ​ത്രി​യി​ലെ വെ​ടി​ക്കെ​ട്ട്​ കൂ​ടി​യാ​വു​ന്ന​തോ​ടെ സം​ഗ​തി ക​ള​റാ​വും. ഗ​താ​ഗ​ത മ​ന്ത്രാ​ല​യ​ത്തി​ന്‍റെ​യും വി​വി​ധ സ​ർ​ക്കാ​ർ, അ​ർ​ധ​സ​ർ​ക്കാ​ർ സ്ഥാ​പ​ന​ങ്ങ​ളു​ടെ​യും പി​ന്തു​ണ​യോ​ടെ​യാ​ണ്​ പ്ര​ഥ​മ ബോ​ട്ട്​​ഷോ ഖ​ത്ത​റി​ൽ അ​ര​ങ്ങേ​റു​ന്ന​ത്.