ഉം ലഖ്ബ ഇൻറര്ചേഞ്ച് 2020ൽ പൂർത്തിയാകും; ആദ്യ മേൽപാലം തുറന്നു
text_fieldsദോഹ: ഉം ലഖ്ബ ഇൻറര്ചേഞ്ചിലെ ആദ്യ മേല്പാലം പൊതുമരാമത്ത് വകുപ്പ് അശ്ഗാല് ഗതാഗത ത്തിനായി തുറന്നുകൊടുത്തു. ലാൻഡ്മാര്ക്ക് ഇൻറര്ചെയ്ഞ്ച് എന്ന പേരില് കൂടി അറിയപ്പ െടുന്ന ഉം ലഖ്ബ സബാഹ് അല് അഹമ്മദ് ഇടനാഴി പദ്ധതിയുടെ ഭാഗമാണ്. അല് ഗറാഫയില് നിന്ന ും ദോഹയിലേക്ക് സുഗമമായി യാത്രചെയ്യാനാവുന്ന ഇൻറർചേഞ്ച് ഫെബ്രുവരി 22െൻറ സമാന്തര പാത കൂടിയാണ്. 820 മീറ്റര് ദൈര്ഘ്യവും ഒമ്പതുമീറ്റര് വീതിയുമുള്ള മേല്പ്പാലം നാലു തട്ടുകളിലായുള്ള ഇൻറര്ചേഞ്ചിെൻറ നാലാമത്തെ തട്ടിലാണുള്ളത്. പുതിയ മേല്പാലം തുറക്കുന്നതോടെ അല്ഹതീം സ്ട്രീറ്റില്നിന്ന് അല്ഗറാഫവരെയും (22 ഫെബ്രുവരി സ്ട്രീറ്റുമായി ചേര്ന്നുള്ള ദോഹ ദിശയിലേക്ക്) അല് ഗരാഫ ഇൻറര്ചേഞ്ച് (പാസ്പോര്ട്ട് )വരെയുമുള്ള ഗതാഗതം സുഗമമാകും. യാത്രാസമയത്തിലും ഗണ്യമായ കുറവ് വരും. മണിക്കൂറില് 1,500 വാഹനങ്ങളെ ഉള്ക്കൊള്ളാന് ശേഷിയുള്ളതാണ് പാലം.
ഇസ്ഗവ, അല് ഗറാഫ എന്നിവിടങ്ങളില്നിന്ന് ദോഹയിലേക്ക് വരുന്നവര്ക്ക് അല്ശമാല് റോഡ് ഉപയോഗിക്കാതെ തന്നെ യാത്രചെയ്യാന് കഴിയും. ഇൻറര്ചേഞ്ചിലെ ഒമ്പതു പാലങ്ങളും തുറക്കുന്നതോടെ അല്ശമാല് റോഡിലേക്കും അല് മര്ഖിയ സ്ട്രീറ്റിനെയും സബാഹ് അല്അഹമ്മദ് ഇടനാഴിയേയും ബന്ധിപ്പിക്കുന്ന പഴയ ഇൻറര്ചേഞ്ചിെൻറ അണ്ടര് പാസിലേയും ഗതാഗതവും സുഗമമാകും. ഖത്തറിലെ ഏറ്റവും വലിയ ഇൻറര്ചേഞ്ചാണിത്. ഇതിെൻറ നിര്മാണപ്രവര്ത്തനങ്ങള് ഭൂരിഭാഗവും പൂര്ത്തിയായിട്ടുണ്ട്. അടുത്തവര്ഷം അവസാനത്തോടെയാണ് ഇൻറർചേഞ്ച് പൂര്ണമായും ഗതാഗതത്തിനായി തുറന്നു നൽകുക. 11കിലോമീറ്ററാണ് ഇൻറർചേഞ്ചിെൻറ ദൈര്ഘ്യം. ദോഹയുടെ വടക്കന് കവാടമെന്നും വിതരണകേന്ദ്രമെന്നും ഉം ലഖ്ബ അറിയപ്പെടുന്നു.
ഉം ലഖ്ബ ഇൻറര്ചേഞ്ചിെൻറ പ്രവൃത്തി 72ശതമാനവും പൂർത്തിയായിട്ടുണ്ട്. ഇൗ വര്ഷാവസാനത്തോടെയാണ് ഇൻറർചേഞ്ച് ഭാഗികമായി തുറക്കുക. ബാക്കി ഭാഗങ്ങള് 2020 അവസാനം വരെയുള്ള കാലയളവില് വിവിധ ഘട്ടങ്ങളിലായി ഗതാഗതത്തിനായി തുറന്നുനൽകുമെന്ന് അശ്ഗാല് പ്രോജക്ട് എൻജിനീയര് അലി ഇബ്രാഹിം നേരത്തേ അറിയിച്ചിരുന്നു. ഗതാഗത യാത്രാസമയത്തില് 70 ശതമാനത്തിലധികം കുറക്കാനും ഇതിലൂടെ സാധിക്കും. ഇത് ദോഹ എക്സ്പ്രസ് ഹൈവേയിലെ സമ്മർദം കുറക്കും. പ്രത്യേകിച്ചും ഇമിഗ്രേഷന്, അല്ദുഹൈല് ഇൻറര്സെക്ഷനുകള് എന്നറിയപ്പെടുന്ന അല്ഗറാഫ ഇൻറര്ചേഞ്ചിലെ തിരക്ക് കുറക്കാനാകും. ദോഹ കോര്ണിഷ്, മാര്ഖിയ, മദീനത്ത് ഖലീഫ, ദുഹൈല് എന്നിവിടങ്ങളില്നിന്നും അല്ശമാല് റോഡ്, സബാഹ് അല്അഹ്മദ് ഇടനാഴി, അല്ഗറാഫ, ഗര്റാഫത്ത് അല് റയ്യാന് എന്നീ ദിശകളിലൂടെ അല്ലുഖ്ത, അല്റയ്യാന് എന്നിവിടങ്ങളിലേക്കുള്ള ഗതാഗതത്തിനും ഇൻറര്ചേഞ്ച് സഹായിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.