തൊഴിൽ മേഖലയിലെ സഹകരണം: ഖത്തറും ഒമാനും ചർച്ച നടത്തി

മസ്കത്ത് : ഒമാൻ സന്ദർശിച്ച ഖത്തർ പ്രതിനിധി സംഘവുമായി ഒമാൻ തൊഴിൽ മന്ത്രാലയം കൂടിക്കാഴ്ച നടത്തി. സംയുക്ത തൊഴിൽ മേഖലകളിലെ സഹകരണത്തിന്‍റെ വശങ്ങളും ഇരു രാജ്യങ്ങൾക്കുമിടയിലുള്ള പൊതുതാൽപര്യ വിഷയങ്ങളും ചർച്ച ചെയ്തു. ഒമാനിലെ പൊതു-സ്വകാര്യ മേഖലകളിലെ തൊഴിലവസരങ്ങൾ, വേതന സബ്‌സിഡി, തൊഴിലാളി ക്ഷേമവും പരിശീലനവും മറ്റും അവലോകനം ചെയ്തു. ഇരു രാജ്യത്തെയും അണ്ടർ സെക്രട്ടറിമാരും ഉദ്യോഗസ്ഥരും യോഗത്തിൽ പങ്കെടുത്തു.