കോഴിക്കോട് സ്വദേശി ഖത്തറിൽ നിര്യാതനായി

ദോഹ: കോഴിക്കോട് കല്ലായി മൻകുഴിയിൽ പറമ്പ് അബ്ദുൽ ലത്തീഫ് (52) ഹൃദയാ​ഘാതത്തെ തുടർന്ന് ഖത്തറിൽ നിര്യാതനായി. കഴിഞ്ഞ ദിവസം ഹൃദയാഘാതം സംഭവിച്ച് ആശുപത്രിയിൽ പ്രവേശിപ്പിച്ചുവെങ്കിലും പിന്നീട് മരിക്കുകയായിരുന്നു. ചേവായൂർ എണ്ണമ്പാലത്ത് താമസിക്കുന്ന അബ്ദുൽ ലത്തീഫിന്‍റെ മൃതദേഹം വെള്ളിയാഴ്ച പുലർച്ചെയോടെ നാട്ടിലെത്തിക്കും. 28 വർഷമായി ഖത്തറിൽ അമീരി ദിവാനിയിൽ ജോലിചെയ്യുകയായിരുന്നു. ഭാര്യ: സജ്ന. മക്കൾ: ലിമ്മി, മർബ മാസൂക്ക, രഹന.

പരേതരായ മൻകുഴിയിൽ പറമ്പിൽ മായിൻ, നഫീസ എന്നിവർ മാതാപിതാക്കളാണ്. സഹോദരങ്ങൾ: ഹർഷാദ്, ഷെരീഫ, നജ്മ, സൈഫുനിസ്സ.

മയ്യത്ത് നാട്ടിലേക്ക് കൊണ്ടുപോകുവാനുള്ള എല്ലാ നടപടിക്രമങ്ങളും പൂർത്തിയാക്കിയതായി കെ.എം.സി.സി അൽ ഇഹ്‌സാൻ മയ്യത്ത് പരിപാലന കമ്മിറ്റി അറിയിച്ചു.