കൊയ്യം ഗ്രാമത്തിൽ നിന്നും കിട്ടിയ  സ്​നേഹ വാൽസല്യം

ഞാൻ ജനിച്ചുവളർന്നത്​ കണ്ണൂരിലെ കൊയ്യം എന്ന പുഴയുടെ തീരത്തുള്ള അതിമനോഹരമായ ഗ്രാമത്തിലാണ്​. അവിടെ ഭൂരിപക്ഷവും മുസ്​ലീം സഹോദരങ്ങളാണ്​. അന്നും ഇന്നും ഞങ്ങളുടെ സാഹോദര്യം അതിരുകളില്ലാത്തതാണ്​. ഇന്ന്​ വർഗീയതയും ചേരിതിരിവും പ്രചരിപ്പിക്കാനും അതി​​​െൻറ പേരിലുള്ള കോലഹലങ്ങളും ശക്തമാക്കാൻ ശ്രമിക്കുന്നവരോട്​ എനിക്ക്​ വെറുപ്പ്​ തോന്നാൻ കാരണവും ഞാൻ ജനിച്ച കാലം മുതലെ അനുഭവിച്ചറിഞ്ഞ മതസൗഹാർദത്തി​​​െൻറയും സ്​നേഹത്തി​​​െൻറയും ആഴംകൊണ്ടാണന്ന്​ സം​ശയമില്ലാ​െത എനിക്ക്​ പറയാൻ കഴിയും. ഇൗ നോമ്പ്​ കാലത്തെ കുറിച്ച്​ പറയു​േമ്പാൾ എനിക്ക്​ എ​​​െൻറ നാട്ടിലെ ഉമ്മമാർ ഉണ്ടാക്കി വിളമ്പിയ അപ്പത്തരങ്ങളുടെ രുചി നാവിലൂറും. നോമ്പ്​ കാലത്ത്​ കൊയ്യത്തിലെ പ്രായം ചെന്ന ഉമ്മമാർ പലതരം പലഹാരങ്ങളുണ്ടാക്കി നോമ്പ്​ തുറക്കാൻ ഞങ്ങളെ ക്ഷണിക്കും. ഇനി ചെല്ലാൻ മറന്നുപോയാൽ അവർ ‘പലതരം രുചികൾ’ കൊട്ടയിലാക്കി വീട്ടിൽകൊണ്ടുത്തരും. ​

അതി​​​െൻറ മധുരിമയും ഒാർമകളും ഒരിക്കലും മനസിൽ നിന്നും വിട്ടുപോകില്ല. ഞങ്ങളുടെ നാട്ടിൽ ഒാണവും പെരുന്നാളും വിഷുവും എല്ലാം ഒന്നുപോലെ ആഘോഷിച്ചത്​ ഒരുമയുടെ സംഗീതം ഞങ്ങളുടെ ഹൃദയത്തിലുണ്ടാക്കി. അന്ന്​ കുട്ടികൾ പേരി​​​െൻറ പിന്നിലുള്ള ജാതി​േയാ മതമോ അന്വേഷിച്ചില്ല. ആ സൗഹൃദം ഇന്നും ഞങ്ങളുടെ നാടിനുണ്ട്​. ഞാൻ വിദ്യാഭ്യാസത്തിനുശേഷം ​മാതൃഭൂമിയിൽ പ്രസ്​​േഫാ​േട്ടാഗ്രാഫറായി ജോലി കിട്ടി പ്പോയി.  ​ആലപ്പുഴയിൽ  ചെന്നപ്പോൾ സുബൈറിക്കായെ പരിചയപ്പെട്ടു. ആ കുടുംബത്തി​​​െൻറ നൻമയും സ്​നേഹവും എനിക്ക്​ അനുഗ്രഹമായിരുന്നു. ആലപ്പുഴയിൽ നിന്ന്​ ​സ്ഥലംമാറ്റം ലഭിച്ച്​  കോഴിക്കോട്ട്​ എത്തിയപ്പോൾ അയലത്തെ ആമിനാത്തയുടെ കാരുണ്യവും അനുഭവിക്കാൻ കഴിഞ്ഞു. റമദാൻ കാലങ്ങളിൽ ആ സ്​നേഹവും അതിഥി സൽക്കാരവും പൂത്തുലയും. രക്തബന്​ധം പോലുള്ള സ്​നേഹമായിരുന്നു അവിടെ നിന്നെല്ലാം ലഭിച്ചത്​.  സുബൈറിക്കായും ആമിനാത്തയും എന്നെ കണ്ടത്​ മകനെപ്പോലെയായിരുന്നു.

കോഴിക്കോട്​ കാരപറമ്പിൽ താമസിക്കു​േമ്പാഴാണ്​  ആമിനാത്തയുടെ നോമ്പ്​ വിഭവങ്ങൾ കഴിക്കാനുള്ള ഭാഗ്യം ലഭിക്കുന്നത്​. ആ രുചിയും നിഷ്​കളങ്കമായ സ്​നേഹവും മറക്കാൻ കഴിയില്ല. വിവാഹശേഷം എ​​​െൻറ ഭാര്യക്കും അവരുടെ സ്​നേഹം ലഭിച്ചു.  എന്തെന്ത്​ ഭക്ഷണങ്ങളാണ് അവർ ഉണ്ടാക്കി മക്കളെപ്പോലെ അരുമയോടെ ഞങ്ങളെ തീറ്റിപ്പിച്ചത്​. ഇൗ റമദാനിലും ഞങ്ങൾ മനസുകൊണ്ട്​ പ്രിയപ്പെട്ട സ്​നേഹിതരുടെ നോമ്പുതുറ വേളകളിലേക്ക്​ പോകും. കാരണം വെറും ഭക്ഷണമല്ല അതൊന്നും. ഹൃദയംഗമമായ സ്​നേഹവും സാഹോദര്യവും ആണ്​​ ആ രുചിയെ മറക്കാൻ കഴിയാത്തതാക്കിയത്​. ഒപ്പം ആ നോമ്പുകാലങ്ങളെയും.