കോവിഡ്: കൊയിലാണ്ടി സ്വദേശിയായ വീട്ടമ്മ ഖത്തറിൽ മരിച്ചു 

ദോഹ: കോവിഡ്​ സ്​ഥിരീകരിച്ച്​ ചികിത്സയിലായിരുന്ന കൊയിലാണ്ടി സ്വദേശിനി ഖത്തറിൽ നിര്യാതയായി. കൊയിലാണ്ടി സഫ മൻസിലിൽ ഇല്ലത്ത്​ ഹാഷിം അലിയുടെ ഭാര്യ രഹ്ന ഹാഷിം (53) ആണ്​ മരിച്ചത്​. 

കഴിഞ്ഞ 21നാണ് ഇവർ​ പനി ബാധിച്ച്​  ചികിത്സ തേടിയത്​. ദിവസങ്ങളായി ഇന്‍ഡസ്ട്രിയല്‍ ഏരിയയിലെ കോവിഡ്​ ആശുപത്രിയില്‍ ചികിത്സയിലായിരുന്നു. 25  വർഷത്തോളമായി കുടുംബം ഖത്തർ പ്രവാസികളാണ്​. 

ഹാഷിം ദോഹയില്‍ ബിസിനസ് നടത്തുകയാണ്. മക്കള്‍: റംഷി,  റിന്‍ഷ. മരുമക്കൾ: ഷബ്​നം, ആഷിഖ്. മൃതദേഹം ഖത്തറിൽ ഖബറടക്കി.