സാംക്രമിക രോഗ ചികിൽസാകേന്ദ്രം പ്രധാനമന്ത്രി സന്ദർശിച്ചു

ദോഹ: പ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഖാലിദ് ബിന്‍ ഖലീഫ ബിന്‍ അബ്​ദുല്‍ അസീസ് ആൽഥാനി ഹമദ് മെഡിക്കല്‍ കോര്‍പറേഷനിലെ സാംക്രമിക രോഗ ചികിൽസാകേന്ദ്രം സന്ദര്‍ശിച്ചു. അസുഖ ബാധിതര്‍ക്ക് നൽകുന്ന സേവനങ്ങളെ കുറിച്ച് വിലയിരുത്താനായിരുന്നു പ്രധാനമന്ത്രിയുടെ സന്ദര്‍ശനം. മികച്ച സുരക്ഷാ പ്രതിരോധ നിലവാരങ്ങളോടെയുള്ള മെഡിക്കല്‍ ഉപകരണങ്ങളെ കുറിച്ചും പ്രായോഗിക നടപടി ക്രമങ്ങളെ കുറിച്ചും പ്രധാനമന്ത്രിക്ക് വിശദീകരിച്ചു. പൊതുജനാരോഗ്യ മന്ത്രി ഡോ. ഹനാന്‍ മുഹമ്മദ് അല്‍ കുവാരി, ഹമദ് മെഡിക്കല്‍ കോര്‍പറേഷന്‍ മുതിര്‍ന്ന ഉദ്യോഗസ്ഥര്‍, മെഡിക്കല്‍ സ്റ്റാഫ് തുടങ്ങിയവര്‍ പ്രധാനമന്ത്രിയെ അനുഗമിച്ചു.