കടലേ നീല കടലേ...

ആ​ഘോ​ഷ സ​മൃ​ദ്ധ​മാ​യൊ​രു പെ​രു​ന്നാ​ളി​നെ വ​രേ​വ​ൽ​ക്കാ​ൻ ഒ​രു​ങ്ങു​ക​യാ​ണ് എ​ല്ലാ​വ​രും. വേ​ന​ല​വ​ധി​യാ​യ​തി​നാ​ൽ സ്കൂ​ളു​ക​ൾ അ​ട​ച്ച്, ഒ​പ്പം അ​വ​ധി​കൂ​ടി​യാ​യ​തോ​ടെ കു​ടും​ബ​ങ്ങ​ൾ ഏ​റെ​യും നാ​ട്ടി​ലേ​ക്ക് മ​ട​ങ്ങി. എ​ങ്കി​ലും ഖ​ത്ത​റി​ൽ പെ​രു​ന്നാ​ൾ കൂ​ടാ​നൊ​രു​ങ്ങു​ന്ന പ്ര​വാ​സി​ക​ൾ ഏ​റെ​യാ​ണ്. സ്കൂ​ൾ അ​വ​ധി​യും, പെ​രു​ന്നാ​ൾ അ​വ​ധി​യു​മെ​ല്ലാം ചേ​രു​ന്ന​തോ​ടെ അ​ടു​ത്ത​യാ​ഴ്ച ഇ​നി ഉ​ല്ലാ​സ​ത്തി​ന്റെ നാ​ളു​ക​ളാ​യി. ബു​ധ​നാ​ഴ്ച പെ​രു​ന്നാ​ൾ ആ​ഘോ​ഷ​വും, പി​ന്നീ​ടു​ള്ള ദി​വ​സ​ങ്ങ​ളി​ൽ വാ​രാ​ന്ത്യ അ​വ​ധി​ക​ളും കൂ​ടി​യാ​വു​ന്ന​തോ​ടെ നി​ര​വ​ധി വി​നോ​ദ പ​രി​പാ​ടി​ക​ൾ​ക്കു കൂ​ടി​യാ​ണ് ഖ​ത്ത​ർ സാ​ക്ഷ്യം​വ​ഹി​ക്കു​ന്ന​ത്.

പെ​രു​ന്നാ​ൾ അ​വ​ധി​യെ​ന്നാ​ൽ, പ്ര​വാ​സി​ക​ളാ​യ വ​ലി​യൊ​രു വി​ഭാ​ഗ​ത്തി​നും ക​ട​ൽ​ത്തീ​ര​ങ്ങ​ൾ തേ​ടി​യു​ള്ള യാ​ത്ര​യാ​ണ്. ഇ​പ്പോ​ൾ, ചൂ​ടു​കാ​ലം കൂ​ടി​യാ​യ​തോ​ടെ ​വൈ​കു​ന്നേ​ര​ങ്ങ​ളി​ലും രാ​ത്രി​യി​ലും ക​ട​ലി​ലെ കാ​റ്റേ​റ്റ് ഒ​ഴി​വു​സ​മ​യം ആ​സ്വ​ദി​ക്കു​ന്ന പ്ര​വാ​സി​ക​ൾ വ​ലി​യ തോ​തി​ലു​ണ്ട്. അ​വ​ർ​ക്കാ​യി 80 ശ​ത​മാ​ന​വും ക​ട​ലി​നാ​ൽ ചു​റ്റ​പ്പെ​ട്ട് കാ​ത്തി​രി​ക്കു​ക​യാ​ണ് ഖ​ത്ത​ർ. സൗ​ദി അ​റേ​ബ്യ​യു​മാ​യി അ​തി​ർ​ത്തി പ​ങ്കി​ടു​ന്ന അ​ബു സം​റ മേ​ഖ​ല​യു​ടെ ര​ണ്ട​റ്റ​ത്തു​നി​ന്നും തു​ട​ങ്ങു​ന്ന തീ​ര​ങ്ങ​ൾ. സ​ൽ​വ ബീ​ച്ചി​ന്റെ മ​നോ​ഹ​ര​മാ​യ കാ​ഴ്ച​യി​ൽ തു​ട​ങ്ങി ദു​ഖാ​നി​ലെ​യും സ​ക്രീ​തി​ലെ​യും ക​ട​ൽ​ത്തീ​ര​ങ്ങ​ളു​ടെ വ​ശ്യ സൗ​ന്ദ​ര്യം. അ​ൽ ശ​മാ​ലും ഫു​വൈ​രി​ത് ബീ​ച്ചും അ​ൽ ദാ​ഖി​റ, സി​മൈ​സി​മ, ഫ​ർ​ഖി​യ​യും ക​ട​ന്ന് ദോ​ഹ​യു​ടെ ക​ട​ൽ സൗ​ന്ദ​ര്യ​ങ്ങ​ൾ. അ​ൽ വ​ക്റ​യും സീ​ലൈ​നും ഇ​ൻ​ലാ​ൻ​ഡും ഉ​ൾ​പ്പെ​ടെ ഖ​ത്ത​റി​ന്റെ തീ​ര സൗ​ന്ദ​ര്യം ആ​സ്വ​ദി​ക്കാ​ൻ ആ​ഗ്ര​ഹി​ക്കു​ന്ന​വ​രെ മാ​ടി​വി​ളി​ച്ച് കാ​ത്തി​രി​ക്കു​ക​യാ​ണ് തീ​ര​ങ്ങ​ൾ.

15 ബീ​ച്ചു​ക​ളാ​ണ് എ​ല്ലാ ഭാ​ഗ​ങ്ങ​ളി​ലു​മാ​യി ഒ​രു​ക്കി​യ​തെ​ന്ന് മു​നി​സി​പ്പാ​ലി​റ്റി മ​ന്ത്രാ​ല​യം ഒ​രാ​ഴ്ച മു​മ്പ് അ​റി​യി​ച്ചി​രു​ന്നു. വെ​റു​മൊ​രു ക​ട​ൽ തീ​രം എ​ന്ന​തി​ൽ നി​ന്നും മാ​റി അ​ധി​ക സേ​വ​ന​ങ്ങ​ളും വി​നോ​ദ പ​രി​പാ​ടി​ക​ളും ഒ​രു​ക്കി​യാ​ണ് സ​ന്ദ​ർ​ശ​ക​രു​ടെ കേ​ന്ദ്ര​ങ്ങ​ളാ​ക്കി​യ​ത്. ഫു​വൈ​രി​ത് ബീ​ച്ച്, അ​ൽ മ​റൂ​ണ, അ​രി​ദ, അ​ൽ ഫ​ർ​ഖി​യ, സി​മൈ​സി​മ, അ​ൽ വ​ക്റ, സീ​ലൈ​ൻ, അ​ൽ അ​ദൈ​ദ്, അ​ൽ മം​മ്ല​ഹ ബീ​ച്ച് (വ​നി​ത​ക​ൾ​ക്കു​മാ​ത്രം), അ​ൽ ഗ​രി​യ, സി​ക്രി​ത്, ദു​ഖാ​ൻ, ഉ​മ്മു ബാ​ബ് ബീ​ച്ച്, അ​ൽ ഖ​റൈ​ജ് (ബാ​ച്ചി​ലേ​ഴ്സ്), സ​ൽ​വ ബീ​ച്ച് എ​ന്നി​വ​യാ​ണ് പെ​രു​ന്നാ​ളി​ന് മു​മ്പാ​യി സ​ന്ദ​ർ​ശ​ക​ർ​ക്കാ​ർ ഒ​രു​ക്കി​യ​ത്.

ന​ട​പ്പാ​ത​ക​ൾ, ത​ണ​ൽ ന​ൽ​കു​ന്ന വ്യ​ത്യ​സ്ത ഡി​സൈ​നു​ക​ളി​ലു​ള്ള നി​ർ​മി​തി​ക​ൾ, ടോ​യ്‍ല​റ്റ്, കി​യോ​സ്ക്, ബാ​ർ​ബി​ക്യൂ എ​രി​യ, കു​ട്ടി​ക​ൾ​ക്കു​ള്ള ക​ളി​യി​ടം, വോ​ളി​ബാ​ൾ, ഫു​ട്ബാ​ൾ ഗ്രൗ​ണ്ടു​ക​ൾ എ​ന്നി​വ ഉ​ൾ​പ്പെ​ടു​ത്തി​യാ​ണ് ബീ​ച്ചു​ക​ൾ കൂ​ടു​ത​ൽ ആ​ക​ർ​ഷ​ക​മാ​യി ന​വീ​ക​രി​ച്ച​ത്. ഇ​തി​നു പു​റ​മെ, ഭി​ന്ന​ശേ​ഷി​ക്കാ​രാ​യ സ​ന്ദ​ർ​ശ​ക​ർ​ക്ക സ​ഞ്ച​രി​ക്കാ​നു​ള്ള പ്ര​ത്യേ​ക പാ​ത​ക​ളും ചി​ല ബീ​ച്ചു​ക​ളി​ൽ നി​ർ​മി​ച്ചി​ട്ടു​ണ്ട്. ഇ​വ​ർ​ക്ക് സു​ര​ക്ഷി​ത​മാ​യി ബീ​ച്ചു​ക​ളി​ൽ എ​ത്തി​ച്ചേ​രാ​നും ഇ​തു​വ​ഴി ക​ഴി​യും. സൗ​രോ​ർ​ജം വ​ഴി​യാ​ണ് കൂ​ടു​ത​ൽ ബീ​ച്ചു​ക​ളി​ലും വെ​ളി​ച്ചം ന​ൽ​കു​ന്ന​ത്.

ക​ളി മു​റ്റ​ത്ത് പെ​രു​ന്നാ​ൾ ന​മ​സ്കാ​രം

ലോ​ക​ക​പ്പ് ഫു​ട്ബാ​ളി​ൽ വീ​റു​റ്റ പോ​രാ​ട്ട​ങ്ങ​ൾ​ക്ക് വേ​ദി​യാ​യ എ​ജു​ക്കേ​ഷ​ൻ സി​റ്റി സ്റ്റേ​ഡി​യ​ത്തി​ൽ ഇ​ത്ത​വ​ണ​യും പെ​രു​ന്നാ​ൾ ന​മ​സ്കാ​ര​ങ്ങ​ൾ​ക്കാ​യി മു​സ​ല്ല വി​രി​ക്കു​ന്നു​ണ്ട്. ക്രി​സ്റ്റ്യാ​നോ റൊ​ണാ​ൾ​ഡോ​യും കി​ലി​യ​ൻ എം​ബാ​പ്പെ​യും നെ​യ്മ​റും ലൂ​കാ മോ​ഡ്രി​ച്ചും ഉ​ൾ​പ്പെ​ടെ വ​മ്പ​ൻ താ​ര​ങ്ങ​ൾ ക​ളി​ച്ച് അ​ട​യാ​ള​പ്പെ​ടു​ത്ത​പ്പെ​ട്ട സ്റ്റേ​ഡി​യ​ത്തി​ലെ പു​ൽ​മൈ​താ​നി​യി​ൽ ബ​ലി​പെ​രു​ന്നാ​ൾ ദി​ന​മാ​യ ബു​ധ​നാ​ഴ്ച രാ​വി​ലെ ഈ​ദ് ന​മ​സ്കാ​രം ന​ട​ക്കും. ക​ഴി​ഞ്ഞ ചെ​റി​യ പെ​രു​ന്നാ​ളി​ന് ന​മ​സ്കാ​ര​വേ​ദി​യാ​യി ച​രി​ത്രം കു​റി​ച്ച ഈ ​ക​ളി​മു​റ്റം ലോ​ക ശ്ര​ദ്ധ നേ​ടി​യി​രു​ന്നു. 15,000ത്തി​ൽ പ​രം വി​ശ്വാ​സി​ക​ളാ​ണ് അ​ന്ന് ഇ​വി​ടെ ന​മ​സ്ക​രി​ച്ച​ത്. ലോ​ക​ക​പ്പ് ഫു​ട്ബാ​ൾ വേ​ദി​ക​ളു​ടെ ച​രി​ത്ര​ത്തി​ൽ അ​തൊ​രു അ​പൂ​ർ​വ​മാ​​യൊ​രു മു​ഹൂ​ർ​ത്ത​മാ​യി​രു​ന്നു.

ജൂ​ൺ 28ന് ​രാ​വി​ലെ അ​ഞ്ചി​നാ​ണ് ഇ​വി​ടെ ന​മ​സ്കാ​രം ആ​രം​ഭി​ക്കു​ന്ന​ത്. തു​ട​ർ​ന്ന് രാ​വി​ലെ ഒ​മ്പ​തു വ​രെ കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​ർ​ക്കാ​യി വി​വി​ധ വി​നോ​ദ പ​രി​പാ​ടി​ക​ളും അ​ര​ങ്ങേ​റും.

അ​ൽ ദ​ഖീ​റ​യി​ലെ ക​ണ്ട​ൽ സ​മൃ​ദ്ധി

ക​ണ്ട​ൽ സ​മൃ​ദ്ധ​മാ​യ അ​ൽ ദ​ഖീ​റ ബീ​ച്ച് ഖ​ത്ത​റി​ന്റെ അ​പൂ​ർ​വ​മാ​യൊ​രു തീ​ര സൗ​ന്ദ​ര്യ​മാ​ണ്. അ​ഴി​മു​ഖ​ങ്ങ​ളി​ലും ച​തു​പ്പു​ക​ളി​ലും കാ​യ​ലോ​ര​ങ്ങ​ളി​ലും കൂ​ട്ട​മാ​യി വ​ള​രു​ന്ന കു​റ്റി​ച്ചെ​ടി​ക​ളാ​യ ക​ണ്ട​ലു​ക​ളു​ടെ വ​ലി​യൊ​രു ശേ​ഖ​രം മ​രു​ഭൂ മ​ണ്ണി​ലെ വി​സ്മ​യ​മാ​ണ്. ദോ​ഹ​യി​ൽ നി​ന്നും 75ലേ​റെ കി​ലോ​മീ​റ്റ​ർ അ​ക​ലെ​യാ​ണ് ക​ട​ലും, ക​ണ്ട​ലും നി​റ​ഞ്ഞ അ​ൽ ദ​ഖീ​റ. ​വി​ദേ​ശി​ക​ളും സ്വ​ദേ​ശി​ക​ളും ഒ​രു​പോ​ലെ ആ​സ്വ​ദി​ക്കാ​നെ​ത്തു​ന്ന പ്ര​കൃ​തി​യു​ടെ അ​ത്ഭു​ത കാ​ഴ്ച​കൂ​ടി​യാ​ണ് അ​ൽ ദ​ഖീ​റ​യി​ലെ ക​ണ്ട​ലു​ക​ൾ. ദേ​ശാ​ട​ന പ​ക്ഷി​ക​ളും, മ​ത്സ്യ​സ​മ്പ​ത്തും എ​ല്ലാം ചേ​ർ​ന്ന് മ​നോ​ഹ​ര​മാ​യൊ​രു പ്ര​കൃ​തി ഭം​ഗി. ഇ​തി​നൊ​പ്പം സ​ഞ്ചാ​രി​ക​ൾ​ക്ക് ക​യാ​ക്കി​ങ്ങി​ലൂ​ടെ​യും പെ​ഡ്ൽ ബോ​ട്ടു​ക​ൾ ഉ​പ​യോ​ഗി​ച്ചും ക​ണ്ട​ൽ സൗ​ന്ദ​ര്യം ആ​സ്വ​ദി​ക്കാ​ൻ മാ​ർ​ഗ​ങ്ങ​ളു​ണ്ട്.

1.അ​വ​ധി​ക്കാ​ല​ത്ത് ബീ​ച്ചു​ക​ളി​ൽ തി​ര​ക്ക് വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ സ്വ​ന്തം സു​ര​ക്ഷ​യും, ഒ​പ്പം പ​രി​സ്ഥി​തി സം​ര​ക്ഷ​ണ​വും മ​റ​ക്കേ​ണ്ട.

2.മ​ണ​ലി​ൽ തീ ​കൂ​ട്ടു​ക, പാ​ച​കം എ​ന്നി​വ ഒ​ഴി​വാ​ക്ക​ണം.

3.ബാ​ർ​ബി​ക്യൂ ഉ​ൾ​പ്പെ​ടെ പാ​ച​ക​ത്തി​നു​പ​യോ​ഗി​ക്കു​ന്ന ക​രി ക​ട​ൽ തീ​ര​ത്ത് ഉ​പേ​ക്ഷി​ക്ക​രു​ത്.

4.ക​രി, ഭ​ക്ഷ്യ​വ​ശി​ഷ്ട​ങ്ങ​ൾ എ​ന്നി​വ തീ​ര​ങ്ങ​ളി​ലേ​ക്ക് വ​ലി​ച്ചെ​റി​യാ​തെ നി​ർ​ദി​ഷ്ട സ്ഥ​ല​ത്ത് മാ​ത്രം നി​ക്ഷേ​പി​ക്കു​ക.

5.ക​ട​ലി​ലി​റ​ങ്ങി നീ​ന്തു​ന്ന സ​ന്ദ​ർ​ശ​ക​ർ സു​ര​ക്ഷ​ക്കാ​യി ലൈ​ഫ് ജാ​ക്ക​റ്റ് ധ​രി​ക്ക​ണം.