കെ.എം.സി.സി കായികോത്സവ്​: ലോഗോയും ബ്രോഷറും ​പ്രകാശനം ചെയ്​തു

ദോഹ: കെ.എം.സി.സി സംസ്ഥാന കായിക വിഭാഗം നടത്തുന്ന ഒരു വര്‍ഷത്തെ ‘കായികോത്സവ് 2018 ’ പരിപാടികളുടെ ലോഗോയും ബ്രോഷറും പ്രകാശനം ചെയ്തു. തുമാമയിലെ കെ.എം.സി.സി ആസ്ഥാനത്ത് സംസ്ഥാന പ്രസിഡൻറ്​ എസ്.എ.എം. ബഷീര്‍ ഉദ്ഘാടനം ചെയ്തു.
ലോഗോ പ്രകാശനം ഖത്തര്‍ ഫുട്ബാള്‍ അസോസിയേഷന്‍ പ്രോജക്ട് മാനേജർ സെര്‍ജിയോ ബ്രാവോ നിര്‍വഹിച്ചു. ബ്രോഷറി​​​െൻറ പ്രകാശനം മുസ്​ലിം ലീഗ് സംസ്ഥാന വൈസ് പ്രസിഡൻറ്​ എം.സി. മായിന്‍ഹാജി നിര്‍വഹിച്ചു. നൂറോളം തൊഴിലാളികള്‍ക്ക് ഖത്തർ ഫുട്​​ബാൾ അസോസിയേഷൻ നല്‍കുന്ന ലേബര്‍ കിറ്റി​​​െൻറ വിതരണോദ്ഘാടനം കെ.എം.സി.സി സംസ്ഥാന ജനറൽ സെക്രട്ടറി അബ്​ദുല്‍ അസീസ് നരിക്കുനി, ട്രഷറർ കെ. പി. മുഹമ്മദലി എന്നിവർ വിവിധ ജില്ല പ്രതിനിധികള്‍ക്ക് നല്‍കി നിര്‍വഹിച്ചു.

കെ.എം.സി.സി സംസ്ഥാന കായിക വിഭാഗം ചെയര്‍മാന്‍ സിദ്ദീഖ് വാഴക്കാട് അധ്യക്ഷതവഹിച്ചു. ഐ.സി.സി പ്രസിഡൻറ്​ മിലന്‍ അരുണ്‍, ഐ.എസ്.സി പ്രസിഡൻറ്​ നീലാംഷൂഡേ, ഐ.സി.സി.സി സെക്രട്ടറി ബ്രുട്ടാസ് ജോണ്‍, അസീസ് ഹാജി എടച്ചേരി (ക്യു.എഫ്.എ), മഷ്ഹൂദ് തിരുത്തിയാട്, ടി.പി. അക്ബര്‍, സഫീര്‍ ചേന്ദമംഗല്ലൂര്‍, രതീഷ്, മുസ്തഫ ഹാജി വണ്ടൂർ, തായമ്പത്ത് കുഞ്ഞാലി എന്നിവര്‍ സംസാരിച്ചു.
ലോഗോ രൂപകല്‍പന ചെയ്ത ഫാസില്‍ ഹെല്‍മിക്കുള്ള ഉപഹാരവും ചടങ്ങില്‍ വിതരണം ചെയ്തു. ജനറൽ കണ്‍വീനര്‍ സലാം നാലകത്ത് സ്വാഗതവും കണ്‍വീനര്‍ സിദ്ദീഖ് പറമ്പന്‍ നന്ദിയും പറഞ്ഞു.